Padmanabhan Janakiraman
Member
தர்ப்பணம் கொடுக்கும் போது 3 தலைமுறை முன்னோர்கள் பெயர்களை சொல்வது ஏன்?
முன்னோர் தர்ப்பணம் :
அமாவாசை தர்ப்பணம், திதி, திவசம், சிராத்தத்தின் போது பிண்டம் வைப்பார்கள். அப்போது மூன்று தலைமுறை முன்னோர்களின் பெயர்களை சொல்லி கொடுப்பார்கள். அதாவது தர்ப்பணம் கொடுப்பவரின் அப்பா, தாத்தா மற்றும் கொள்ளு தாத்தா ஆகிய மூன்று தலைமுறையினரின் பெயர்களைச் சொல்லி கொடுப்பார்கள். ஆனால் ஆறு முறை முன்னோர்களின் பெயர்களை சொல்லி தர்ப்பணம் கொடுக்க வேண்டும் என்பதே சரியான வழிமுறையாகும். இதற்கு ஆன்மிகம் மட்டுமல்ல அறிவியல் ரீதியாகவும், முக்கிய காரணம் உள்ளது.
தர்ப்பணம் கொடுப்பதற்கான அறிவியல் காரணம் :
ஒரு குழந்தையின் பிறப்பிற்கு மூல காரணமாக அமைவது ஆணிடமிருந்து வெளிப்படும் விந்து. இந்த விந்துவில் மொத்தம் 84 அம்சங்கள் இருப்பதாக சொல்லப்படுகிறது. இதில் 21 வகை அம்சங்கள் அக்குழந்தையின் அப்பாவிடம் இருந்தும், 15 அம்சங்கள் தாத்தாவிடம் இருந்தும், 10 அம்சங்கள் மூன்றாம் தலைமுறையான கொள்ளு தாத்தா இடம் இருந்தும் பெறப்படுகிறது. மீதமுள்ளவற்றில் 6 அம்சங்கள் நான்காம் தலைமுறையிடம் இருந்தும், 3 அம்சங்கள் ஐந்தாம் தலைமுறையிடம் இருந்தும், ஒரு அம்சம் ஆறாம் தலைமுறையிடம் இருந்தும் பெறப்படுகிறது. மொத்தமாக ஆறு தலைமுறையினரிடம் இருந்து 54 அம்சங்கள் விந்துவிற்கு கிடைக்கிறது.
ஆறு தலைமுறையினரிடம் இருந்து அம்சங்களை பெற்றாலும் முதல் மூன்று தலைமுறையினரிடம் இருந்தே அதிகப்படியான அம்சங்களை பெறுவதாலேயே திவசம், திதி கொடுக்கும் போது மூன்று தலைமுறையினரின் பெயர்களை கண்டிப்பாக சொல்லி கொடுக்க வேண்டும் என்றார்கள். ஆன்மிக ரீதியாக அம்சங்கள் என சொல்லப்படும் இந்த விஷயத்தை தான் அறிவியல் ரீதியாக டிஎம்ஏ அல்லது மரபணுக்கள் என்கிறோம். நம்முடைய உடம்பை கட்டமைக்கும் மூலக் கூறுகளே இவை ஆகும். ஒருவருடைய குணம், நிறம், உருவ அமைப்பு, திறமைகள் உள்ளிட்டவைகளும் இந்த டிஎன்ஏ.,க்களின் அடிப்படையிலேயே அமைகின்றன.
அப்பா, தாத்தா, கொள்ளு தாத்தா மட்டுமல்ல அம்மா, பாட்டி, கொள்ளு பாட்டி என மூன்று தலைமுறையினரின் பெயர்களை சொல்லி தர்ப்பணம் கொடுப்பது இந்த காரணத்திற்காக தான். சந்திரனிடம் இருந்து வெளிவரும் ஒளிக்கற்றைகளே பித்ருக்களின் ஆன்மாக்களுக்கு உணவாகும். இவற்றை உண்டே அவைகள் பசியாறுகின்றன. ஆனால் அமாவாசை நாளில் சந்திரனின் ஒளிக்கற்றைகள் இல்லாததால் பித்ருக்கள் அவர்களின் ரத்த சொந்தங்களை தேடிச் செல்கின்றன.
அப்படி நம்முடைய வீட்டை தேடி வரும் பித்ருக்களின் ஆன்மாக்களை மகிழ்விக்கும் வகையில் அவர்களுக்கு படையல் இட்டும், முன்னோர்களை நினைத்து வழிபட்டும், அவர்களின் பெயரால் தான தர்மங்கள் செய்வதாலும் பித்ருக்கள் அதை ஏற்று மகிழ்கிறார்கள். அவர்கள் மனம் மகிழ்ச்சி அடையும் படி செய்வதால் நமக்கு அவர்களின் ஆசிகள் முழுவதுமாக கிடைக்கிறது. அப்படி பித்ருக்களின் ஆத்மாக்கள் நம்முடைய வீட்டிற்கு வரும் போது, நாம் அவர்களை மறந்து இருந்தால் அது அவர்களுடைய மனதில் வருத்தத்தை ஏற்படுத்தும். இது பித்ருதோஷமாகவும், பித்ரு சாபமாகவும் மாறி விடுகிறது. இதனாலேயே அமாவாசையன்று கண்டிப்பாக முன்னோர்கள் வழிபாட்டை மேற்கொள்ள வேண்டும், விரதம் இருக்க வேண்டும் என வலியுறுத்தப்படுகிறது.
Source: tamil.samayam.
This Post is for sharing knowledge only, no intention to violate any copyrights.
