எண்ண அலைகள்....

[Raji Ram]

Share:

Facebook X (Twitter) LinkedIn WhatsApp Email Share Link

வள்ளுவரைப் போற்றுவோம் ..... 84

பயனில்லாத் துறவு

உலகை ஏமாற்றித் துறவுக் கோலம் பூண்டு திரிவோர்,
உலகை அன்றே வலம் வந்தனர் என்பதை அறிவதற்கு,

திருவள்ளுவர் அமைத்த 'கூடா ஒழுக்கம்' என்ற இந்த
ஒரு அதிகாரமே சிறந்த ஆதாரமாக விளங்குகின்றது.

தன் மனத்தில் குற்றம் என அறிந்தும் அதைச் செய்பவர்,
தன் தவக்கோலத்தால் பயன் எதுவும் அடையமாட்டார்!

'வானுயர் தோற்றம் எவன்செய்யும் தன்நெஞ்சம்
தான்அறி குற்றப் படின்', என்று உரைக்கின்றார்.

தன் மனத்தை அடக்காதவர் துறவுக்கோலம் பூணுவது,
தன் மீது புலித்தோல் போர்த்து மேயும் பசு போன்றது!

'வலியில் நிலைமையான் வல்லுருவம் பெற்றம்
புலியின்தோல் போர்த்துமேய்ந் தற்று', என்கிறார்.

வஞ்சனையாக வலை விரித்து, தான் புதரில் மறைந்து,
நெஞ்சில் ஈரமின்றிப் பறவைகளைப் பிடிக்கும் வேடன்,

செய்யும் செயலைப் போன்றதே, தவ வேடத்தில் தம்
மெய்யை மறைத்து ஏமாற்றும், தவசிகளில் செயல்.

'தவமறைந்து அல்லவை செய்தல் புதல்மறைந்து
வேட்டுவன் புள்சிமிழ்த் தற்று', இது அவர் வாக்கு.

கபட நாடகமாடும் துறவுக் கோலத்தினரை அறிந்து,
கபட வலையில் சிக்காது, நல்வாழ்வு பெறுவோம்!

:boink:

 

[Raji Ram]

வள்ளுவரைப் போற்றுவோம் ..... 85

மாயத் தோற்றம்

உள்ளத்தில் கபடம் கொண்டு, தவக்கோலம் பூண்டு,
நல்லவர் போலத் திரிவார், சில துறவிகள் இங்கு!

தெளிவுற உவமைகள் தந்து, இது போன்றவரை,
வெளிச்சம் போட்டுக் காட்டுகிறார், திருவள்ளுவர்.

ஒருபுறம் சிவப்பாக அழகு தந்தாலும், குன்றிமணி,
மறுபுறம் கருமை நிறத்தில், இருண்டு இருக்கும்.

வெளியில் நல்லவர் போலத் தோற்றம் தந்தாலும்,
ஒளியில்லாத இருட்டாக, சிலர் மனம் இருக்கும்!

'புறங்குன்றி கண்டனைய ரேனும் அகங்குன்றி
மூக்கிற் கரியார் உடைத்து', என்கிறார் குறளில்.

தோற்றத்தை வைத்து மனிதரை எடைபோடாது,
ஏற்றத்துடன் புரியும் செயலால் அறியவேண்டும்.

கொலையும் செய்யும், நேராக விளங்கும் அம்பு;
வளைவாய் உள்ள யாழோ, இனிய இசை தரும்.

'கணைகொடியது யாழ்கோடு செவ்விதுஆங் கன்ன
வினைபடு பாலால் கொளல்', என்பது அவர் வாக்கு.

தலைமுடி மழித்தலோ, சடையாக்கலோ தேவை
இல்லை, உலகு பழிக்கும் செயல்கள் தவிர்த்தால்!

'மழித்தலும் நீட்டலும் வேண்டா உலகம்
பழித்தது ஒழித்து விடின்', என்கிறார் அவர்.

அல்லவர் புறத் தோற்றத்தால் ஏமாறாதிருப்போம்;
நல்லவர் செயல்களால், அவர்களை அறிவோம்!

:thumb:

 

[Raji Ram]

வள்ளுவரைப் போற்றுவோம் ..... 86

கள்ளாமை

புகழ்ச்சிக்கு மயங்காதவரைக் காண்பது மிக அரிது!
இகழ்ச்சியை ஏற்க விரும்புபவரோ, எவரும் இலர்.

பிறர் பொருளைக் களவாடும் எண்ணமே அணுகாது,
எவர் மனதைக் காப்பாரோ, அவர் இகழ்ச்சியடையார்.

'எள்ளாமை வேண்டுவான் என்பான் எனைத்தொன்றும்
கள்ளாமை காக்கதன் நெஞ்சு'. இது வழிகாட்டும் குறள்.

சூழ்ச்சியால் பிறர் பொருளை அபகரிக்க நினைப்பதே,
வீழ்ச்சியைத் தரும் பெரிய குற்றமாகும், என்கின்றார்.

'உள்ளத்தால் உள்ளலும் தீதே பிறர்பொருளைக்
கள்ளத்தால் கள்வேம் எனல்'. இது எச்சரிக்கை.

களவினால் பெறும் பொருள், பெரும் பொருளாகவே
உளதுபோல் தோன்றும்; பின், இருப்பதும் அழியும்!

'களவினால் ஆகிய ஆக்கம் அளவிறந்து
ஆவது போலக் கேடும்', என்கிறார் அவர்.

உள்ளதையும் இல்லாது செய்யும் களவுச் செல்வத்தை,
உள்ளத்தாலும் அடைய விழையாது, சிறப்புறுவோம்!

:amen:

 

[Raji Ram]

வள்ளுவரைப் போற்றுவோம் ..... 87

அளவே வளம்!

அளவுக்கு மிஞ்சினால் அமுதமும் நஞ்சாகும்; உண்மை.
அளவுடன் எதையும் செய்வோருக்கே, வரும் நல்வாழ்வு!

பொருள் ஆசை அளவுடன் கொள்வோர், வாழ்வின்
அருள் நெறி தவறி, களவு செய்ய விழையமாட்டார்!

'களவென்னும் காரறி வாண்மை அளவென்னும்
ஆற்றல் புரிந்தார்கண் இல்', என்கிறார் குறளில்.

அளவறிந்தோர் நெஞ்சம், அறவழியிலேயே செல்லும்;
களவறிந்தோர் நெஞ்சம், வஞ்சக வழியிலே செல்லும்!

'அளவறிந்தார் நெஞ்சத்து அறம்போல நிற்கும்
களவறிந்தார் நெஞ்சில் கரவு', இது குறட்பா.

களவு என்பது தவிர வேறு நல்வழியை நாடாதவர்,
அளவு கடந்த தீய செயல்கள் புரிந்து, வீழ்ந்து விடுவர்.

'அளவல்ல செய்தாங்கே வீவர் களவல்ல
மற்றைய தேற்றா தவர்', என எச்சரிக்கை!

வாழ்வில் செம்மை பெற, அளவறிந்து வாழ்வோம்;
'வாழ்வின் வழிகாட்டி' வள்ளுவர் வழி நடப்போம்!

eace:

 

[Raji Ram]

வள்ளுவரைப் போற்றுவோம் ..... 88

தீமை தராத பொய்மை!

பிற உயிருக்குத் தீமை ஏற்படாது இருக்கும் சொற்களே,
அற நெறியில் வாய்மை எனப்படும்; இது வள்ளுவம்.

தீங்கு ஏற்படாது இருக்கச் சொல்லும் பொய்யும் கூட
ஆங்கு வாய்மை என்றே கருதப்படும்; தம் குறளில்,

'வாய்மை எனப்படுவது யாதெனின் யாதொன்றும்
தீமை இலாத சொலல்', என உரைக்கின்றார் அவர்.

நன்மை செய்யும் பொய், என்ற நிலைமை வந்தால்,
நன்மை தரும் பொய்மையும், வாய்மையே ஆகும்!

'பொய்ம்மையும் வாய்மை இடத்த புரைதீர்ந்த
நன்மை பயக்கும் எனின்', என்றும் கூறுகிறார்.

மேலான தானமும், தருமமும் செய்வோரைவிட,
மேலானவர், வாய்மையை உளமாரப் பேசுகிறவர்.

'மனத்தொடு வாய்மை மொழியின் தவத்தொடு
தானஞ்செய் வாரின் தலை', என அவர் வாக்கு.

தீமை எவருக்கும் வாராதிருக்கவே பேசுவோம்;
நன்மை தருமெனில், சில பொய்யும் பேசுவோம்!

hwell:

 

[Raji Ram]

வள்ளுவரைப் போற்றுவோம் ..... 89

நன்மை தரும் பொய்மை பேச விழைந்து, மனிதத்
தன்மை மாறிடும் என எண்ணி வள்ளுவர், மேலும்

குறட்பாக்கள் சில அமைத்து, பொய்யாமை தேவை
அறவழி வாழ்க்கைக்கு, என்றும் வலியுறுத்துகிறார்.

ஒருவர் மனசாட்சியை மதிக்காது பொய் கூறினால்,
அவர் மனசாட்சியே அவரைத் தண்டிக்கும், என்கிறார்.

'தன்நெஞ் சறிவது பொய்யற்க பொய்த்தபின்
தன்நெஞ்சே தன்னைச் சுடும்', என அறிவோம்.

உலக மக்கள் மனங்களில் நிலைக்க விரும்பினால்,
விலக்க வேண்டும், பொய்யுரைக்கும் எண்ணத்தை!

'உள்ளத்தால் பொய்யா தொழுகின் உலகத்தார்
உள்ளத்து ளெல்லாம் உளன்', என்பது குறட்பா.

இருள் நீக்கும் விளக்கெல்லாம் விளக்கல்ல; அக
இருள் நீக்கும் பொய்யாமையே விளக்கு. அதுவே

சான்றோரை உலகிற்குக் காட்டும் விளக்கு ஆகும்;
சான்றோராக விளங்கப் பொய்யாமையே தேவை!

'எல்லா விளக்கும் விளக்கல்ல சான்றோர்க்குப்
பொய்யா விளக்கே விளக்கு', என்பது வழிகாட்டி!

பொய்மை சில வேளைகளில் வாய்மை; எனவே
பொய் பேசுவதை, பிற வேளைகள் தவிர்ப்போம்!

:lie:.....:nono:

 

[Raji Ram]

புத்தாண்டில் நாம் .............

அன்பு .........................எல்லோரிடமும் காட்டுவோம்.

ஆர்வம்......................புதியவை கற்பதில் காட்டுவோம்.

இன்பம்......................நம் சுற்றத்தில் கூட்டுவோம்.

ஈர்ப்பு.........................நல்ல விஷயங்களில் வைப்போம்.

உண்மை....................தீங்கு வராது பேசுவோம்.

ஊக்கம்......................இளையோர் முயற்சிக்குத் தருவோம்.

எளிமை.....................வாழ்வில் கொள்ள முயலுவோம்.

ஏற்றம்.......................கற்ற நற்கலைகளில் பெறுவோம்.

ஐஸ்வர்யம்................இறைவன் அருளால் பெறுவோம்.

ஒழுக்கம்....................உயிராக என்றும் ஓம்புவோம்.

ஓய்வு ........................உடலின் தேவைக்கு எடுப்போம்.

ஔடதம்....................உடல் நலம் காக்க உண்போம்.

ray2:..........:angel:

 

[Raji Ram]

வள்ளுவரைப் போற்றுவோம் ..... 90

கொடிய சினம்

சினம் என்பது கொடியது; அது மனிதரின் பல நற்-
குணம் எல்லாம் கெடுத்து, இழிவைத் தந்துவிடும்.

சினம் பலிக்கும் இடத்தில் சினம் கொள்ளாமையே
சினம் காத்தல், என்று வள்ளுவர் வரையறுக்கிறார்.

சினம் மற்ற இடங்களில் கொண்டாலென்ன, இல்லை
சினம் காட்டாது போனாலென்ன? பயனே இல்லை.

'செல்லிடத்துக் காப்பான் சினங்காப்பான் அல்லிடத்துக்
காக்கின்என் காவாக்கால் என்', என்று வினவுகின்றார்!

சிரிப்பையும், மகிழ்ச்சியையும் அழித்துவிடும் சினம்;
அறிவோம் இதைவிடப் பகையே இல்லை, என்பதை,

'நகையும் உவகையும் கொல்லும் சினத்தின்
பகையும் உளவோ பிற', என்று கேட்கின்றார்!

தம்மை மட்டுமன்றி, சுற்றத்தையும் அழித்துவிடும்
தன்மை கொண்டதே, சினம் என்னும் குணமாகும்.

சினம் தீயைப் போல; தம்மை மட்டும் சுடாது, தம்
இனமாகிய இன்பத் தெப்பத்தையும் சுட்டுவிடும்.

'சினமென்னும் சேர்ந்தாரைக் கொல்லி இனமென்னும்
ஏமப் புணையைச் சுடும்', என்று ஒரு எச்சரிக்கை.

மருத்துவ உலகமும், 'சினம் காத்தலை' அறிவுறுத்தும்;
கருத்தில் நாம் இதைக் கொண்டு, வெற்றி பெறுவோம்!

==>.:rant:.....:nono:

 

[Raji Ram]

வள்ளுவரைப் போற்றுவோம் ..... 91

கேடு தரும் சினம்

கையால் நிலத்தை ஓங்கி அறைந்தால் என்ன ஆகும்?
கைதான் சிவந்து, வலி தோன்றும்; அதுபோலத்தான்

சினத்தைப் பண்பாகக் கொண்டு, நற்பண்புகள் போனால்,
சினத்தின் தன்மை, சினந்தவனையே நோகச் செய்யும்.

'சினத்தைப் பொருளென்று கொண்டவன் கேடு
நிலத்தறைந்தான் கைபிழையா தற்று', இது குறள்.

உள்ளத்தில் எண்ணியவை, உடனே பெற வேண்டின்,
உள்ளத்தில் சினம் கொள்ளாது இருத்தல் வேண்டும்.

'உள்ளிய தெல்லாம் உடனெய்தும் உள்ளத்தால்
உள்ளான் வெகுளி எனின்', என்று உரைக்கிறார்.

சினம் மிகக் கொண்டவன், இறந்தவன் போலாவான்;
சினம் காத்தவனோ, துறவிபோல் சிறந்தவனாவான்.

'இறந்தார் இறந்தார் அனையர் சினத்தைத்
துறந்தார் துறந்தார் துணை', என ஒப்புமை!

உயர்வான பண்பான சினம் காத்தலை, நாம் கற்று,
உயர்வான வாழ்வை வாழ்ந்து, உலகில் உய்வோம்!

:yell:.....:nono:==>:angel:

 

[Raji Ram]

வள்ளுவரைப் போற்றுவோம் ..... 92

இன்னா செய்யாமை

'பொறுத்தார் பூமி ஆள்வார்' என்பது எல்லோரும் அறிவோம்;
பொறுமை பூண்டு இன்னா செய்யாதிருத்தல், மிகச் சிறந்தது!

செல்வத்தைப் பெருமளவு தரும் எனினும், பிறருக்குக் தீயது
செய்வதை விரும்பாத குணமே, மாசற்றவர் குணம் ஆகும்.

'சிறப்புஈனும் செல்வம் பெறினும் பிறர்க்கு இன்னா
செய்யாமை மாசற்றார் கோள்', என்ற வள்ளுவர்,

மாசற்ற சிறந்த மனிதரின் குணமாக வேறொன்றையும், தம்
மாசற்ற வள்ளுவத்தில் உரைக்கின்றார்; எவரேனும் நமக்குத்

துன்பம் செய்து வருத்தினாலும், அதே போல, திரும்பவும்
துன்பம் அவருக்குச் செய்யக் கூடாது, எனக் கூறுகின்றார்.

'கறுத்துஇன்னா செய்தவக் கண்ணும் மறுத்துஇன்னா
செய்யாமை மாசற்றார் கோள்' என்பதே அந்தக் குறள்.

மற்றவர் பெரும் துன்பத்தை, தம் துன்பமாக நோக்காதவர்,
கற்றவர் எனச் சொல்லுவதால், பயனொன்றும் இல்லை!

'அறிவினான் ஆகுவ துண்டோ பிறிதின்நோய்
தந்நோய்போல் போற்றாக் கடை', என்கின்றார்.

இன்னா செய்யாது, மன்னிக்கும் குணமும் வளர்த்து,
பொன்னாக மனிதப் பிறவியை மேம்படுத்துவோம்!

:angel:....:thumb:

 

[Raji Ram]

வள்ளுவரைப் போற்றுவோம் ..... 93

மனதாலும் நினையாமை...

மனிதப் பிறவி உயர் பிறவி; அதைப் பெற்ற அனைவரும்
இனிய, உயர்ந்த தன்மைகளைப் பெற முயல வேண்டும்.

எந்த அளவும், எப்பொழுதும், எவரையும் இழிவு செய்வதை,
சிந்தையிலும் நினைக்காததே, முதன்மையான நற்குணம்.

'எனைத்தானும் எஞ்ஞான்றும் யார்க்கும் மனத்தானாம்
மாணாசெய் யாமை தலை', என்கின்றார் திருக்குறளில்.

தனக்குத் துன்பம் வந்தால் வருந்துவதை அறிந்தும், ஏன்
பிறர்க்குத் துன்பம் செய்ய மனிதர்கள் விழைகின்றார்கள்?

'தன்னுயிர்க்கு இன்னாமை தானறிவான் என்கொலோ
மன்னுயிர்க்கு இன்னா செயல்', என வினவுகிறார் அவர்!

தீங்கு பிறருக்குச் செய்தால் என்ன நேரும் என்பதையும்
பாங்காக வடிக்கின்றார், அடுத்து வரும் ஒரு குறளில்.

தீமை பிறருக்குச் செய்து மகிழ்வோருக்கு, அதேபோலத்
தீமை கொஞ்ச காலத்திலே, தாமே வந்து சேர்ந்துவிடும்.

'பிறர்க்கின்னா முற்பகல் செய்யின் தமக்கின்னா
பிற்பகல் தாமே வரும்', என்பது எச்சரிக்கையாகும்!

தீங்கு செய்வோருக்கே தீங்கு வந்து சேருவதால், தமக்குத்
தீங்கில்லா வாழ்வு விழைவோர், தீங்கு செய்யக் கூடாது!

'நோயெல்லாம் நோய்செய்தார் மேலவாம் நோய்செய்யார்
நோயின்மை வேண்டு பவர்', என்று அறிவுறுத்துகின்றார்.

தெள்ளு தமிழில், இன்னா செய்யாமையை வலியுறுத்தும்,
வள்ளுவன் வழி நடந்து, நாம் வாழ்வில் உயர்ந்திடுவோம்!

ound: <== :nono:

 

[Raji Ram]

வள்ளுவரைப் போற்றுவோம் ..... 94

ஏன் வறுமை?

கொல்லாமை பற்றியும் ஒரு அதிகாரம் அமைத்து,
கொல்லாமை வேண்டுமென, குறளில் கூறுகிறார்.

தன்னுயிர் போவதைத் தடுப்பதாயினும்கூட, பிற
இன்னுயிர் எடுப்பதைச் செய்தல் கூடாது; இதனை

'தன்னுயிர் நீப்பினும் செய்யற்க தான்பிறிது
இன்னுயிர் நீக்கும் வினை', எனக் கூறுகிறார்.

அறிவிழந்து பிற உயிர் பறிக்கும் கொலைகாரரை,
பிறவியில் இழியவராகவே கருதுவார், சான்றோர்.

'கொலைவினைய ராகிய மாக்கள் புலைவினையர்
புன்மை தெரிவா ரகத்து', என்பது அந்தக் குறளாகும்.

வறுமை, நோய் மிகுந்து, கொடிய வாழ்வு வாழ்வோர்,
உறுதியாகப் பிற உயிர்கள் பறித்தவராகவே இருப்பார்.

'உயிர்உடம்பின் நீக்கியார் என்ப செயிர்உடம்பின்
செல்லாத்தீ வாழ்க்கை யவர்', என நிர்ணயிக்கிறார்!

தீய வாழ்வும், இழிய பிறவியும் தரும், உயிர் பறிக்கும்
தீய செயலைச் செய்யாது, வாழ்வில் சிறப்புறுவோம்!

:high5:

 

[Raji Ram]

வள்ளுவரைப் போற்றுவோம் ..... 95

நிலையாதவை எவை?

செல்வமும், வாழ்வும் நிலையற்றவை என்பதை அறிய
சொல்வளம் நிறைந்த குறட்பாக்களை அமைத்துள்ளார்.

கூத்துக் காணக் கூட்டம் கூடும்; முடிந்ததும் கலையும்;
சேர்த்து வைத்த பெருஞ்செல்வமும், அதைப் போன்றதே!

'கூத்தாட்டு அவைக்குழாத் தற்றே பெருஞ்செல்வம்,
போக்கும் அதுவிளிந் தற்று', என்பதே ஓர் எச்சரிக்கை.

நிலையில்லாதது செல்வம் என்பதால், அது வந்தவுடன்,
நிலையான அறச் செயல்களுக்குச் செலவிட வேண்டும்.

'அற்கா இயல்பிற்றுச் செல்வம் அதுபெற்றால்
அற்குப ஆங்கே செயல்', என வழி காட்டுகிறார்.

நாள் என்பது ஒருவர் வாழ்வை அறுத்துக் குறைக்கும்
வாள் என, வாழ்வைப் பற்றி உணர்ந்தவர் அறிவார்கள்.

'நாளென ஒன்றுபோல் காட்டி உயிர்ஈரும்
வாளது உணர்வார்ப் பெறின்', என்பது குறள்.

உலகின் பெருமை என்னவெனில், நேற்று உள்ளவன்
உலகில் இன்று இல்லை எனும், நிலையாமையாகும்.

'நெருநல் உளனொருவன் இன்றில்லை என்னும்
பெருமை உடைத்துஇவ் வுலகு', என்கிறார் அவர்.

நிலையாத இவைகளை அறிந்து கொள்ளுவோம்;
நிலையான அறவழியை அறிந்து செயல்படுவோம்!

:grouphug:

 

[Raji Ram]

வள்ளுவரைப் போற்றுவோம் ..... 96

உடலும், உயிரும்.

உடலுக்கும் உயிருக்கும் என்ன தொடர்பு என்பதைக் கூற
உடனே விளங்குமாறு, ஓர் ஒப்புமையை அளிக்கின்றார்!

பறவைக் குஞ்சுக்கும், முட்டைக்கும் உள்ள தொடர்புதான்,
பறந்து செல்லும் உயிருக்கும், உடலுக்கும் உள்ளாதாகும்!

ஓட்டை விட்டுக் குஞ்சு வெளிவருவது போலவே, உடல்
கூட்டை விட்டு உயிர் வெளியேறிச் செல்லும், அன்றோ?

'குடம்பை தனித்தொழியப் புள்பறந் தற்றே
உடம்போடு உயிரிடை நட்பு', என்கின்றார்.

உறங்குவது போன்றதே, உயிர் பிரியும் இறப்பு; மீண்டும்
உறக்கத்திற்குப் பின் விழிப்பது போன்றதே, பிறப்பு ஆகும்.

'உறங்குவது போலும் சாக்காடு உறங்கி
விழிப்பது போலும் பிறப்பு', என்பது குறள்.

கூட்டை விட்டுப் பிரிந்த உயிர் அடைய, நிலையான
வீட்டை எங்கு தேடுவது, என்பது அடுத்த ஒரு வினா.

'புக்கில் அமைந்தின்று கொல்லோ உடம்பினுள்
துச்சில் இருந்த உயிர்க்கு', என வினவுகின்றார்!

வள்ளுவர் உலகைக் கேட்கும் சில அரிய கேள்விகளில்,
உள்ளத்தை தடுமாறச் செய்யும் ஒன்று, இந்தக் கேள்வி!

:faint:

 

[Raji Ram]

குறிப்பு:

'வள்ளுவரைப் போற்றுவோம்', என்ற தலைப்பில் முதல் சில பக்கங்களில்,

கொள்ளையாக என்னை கவர்ந்த குறட்பாக்களை எழுதியதால், 'துறவு'

அதிகாரத்தில் இரண்டு குறட்பாக்கள் வந்துள்ளன. எனவே, அடுத்து வரும்

அதிகாரமாகிய 'மெய்யுணர்தல்' பற்றி இப்பொழுது நாம் நோக்குவோம்!

ray:

 

[Raji Ram]

வள்ளுவரைப் போற்றுவோம் ..... 97

மெய் அறிவோம்!

உலகில் எது மெய், எது பொய் எனப் பகுத்தறிதலை, நாம்
எளிதில் பெறாவிடினும், முயன்று பெறுதல் வேண்டும்!

பொய்யான பொருளை மெய்ப்பொருள் என மயங்கினால்,
உய்யும் வழியே இல்லை; வாழ்வும் சிறப்பாக அமையாது.

'பொருளல்ல வற்றைப் பொருளென்று உணரும்
மருளானாம் மாணாப் பிறப்பு', என உரைக்கிறார்.

ஐயப்பாடுகளை, தெளிவான ஆராய்ச்சி மூலம் போக்கி,
மெய்ப் பொருள் அறிந்தோருக்கு, இந்தப் பூமியைவிட,

வானமே மிக அருகில் இருப்பது போன்று எண்ணுகின்ற,
வானுயர் ஊக்கமும் ஏற்படும், என்று அவர் கூறுகிறார்.

'ஐயத்தின் நீங்கித் தெளிந்தார்க்கு வையத்தின்
வான நணிய துடைத்து', என்பது அந்தக் குறள்.

ஐம்புலனை அடக்கி வென்றாலும், மெய்ப்பொருளை
ஐயமின்றி அறியாவிட்டால், எந்தப் பயனுமில்லை.

'ஐயுணர்வு எய்தியக் கண்ணும் பயமின்றே
மெய்யுணர்வு இல்லா தவர்க்கு', இது குறள்.

மெய்யான பொருளை உணர்ந்து அறிந்துகொண்டு,
மெய்யான இன்ப வாழ்க்கை வாழ, அறிந்திடுவோம்!

:decision:...:angel:....:thumb:

 

[Raji Ram]

வள்ளுவரைப் போற்றுவோம் ..... 98

மெய்யான ஞானம்...

எந்தப் பொருளாயினும், அதன் வெளித் தோற்றத்தால்
அந்தப் பொருளை எடைபோடுதல், தவறாகும். அதன்

மெய்யான பொருளை உணர்ந்து அறிந்தால்தான், நாம்
மெய்யான ஞானம் பெற்றவராய் ஆக முடியும். இதை

'எப்பொருள் எத்தன்மைத் தாயினும் அப்பொருள்
மெய்ப்பொருள் காண்பது அறிவு', என்று கூறுகிறார்.

துன்பம் நம்மைச் சேராதிருக்க விழைந்தால், அந்தத்
துன்பம் தருபவை மீது, பற்றை விலக்க வேண்டும்.

'சார்புணர்ந்து சார்பு கெடஒழுகின் மற்றழித்துச்
சார்தாரா சார்தரு நோய்', என்று அறிவுறுத்தல்.

மேலும் மூன்றை ஒழித்தால், நமக்குத் துன்பங்கள்
மேலும் வந்து சேராது இருக்கும், என்கிறார் அவர்.

விருப்பு, வெறுப்பு, அறியாமை இவை மூன்றையும்
விடுத்து வாழ்வோருக்கு, என்றும் துன்பம் இல்லை.

'காமம் வெகுளி மயக்கம் இவைமூன்றன்
நாமம் கெடக்கெடும் நோய்', என்பது வழி!

:evil:<==ound:

 

[Raji Ram]

காமம்...

காமம் என்பதற்குப் பொதுவாக ஒரு பொருளையே நாம் எல்லோரும் அறிந்தாலும்,
காமம் என்பது இந்தக் குறளில் விருப்பைக் குறிப்பதாக, திரு. மு. வ. எழுதுகிறார்!

 

[Raji Ram]

வள்ளுவரைப் போற்றுவோம் ..... 99

பேராசை...

எல்லாப் பிறவிகளுக்கும், எக் காலத்திலும், ஆசையே
பொல்லாத பிறவித் துன்பத்தைத் தரும் விதையாகும்.

'அவாவென்ப எல்லா உயிர்க்கும்எஞ் ஞான்றும்
தவாஅப் பிறப்பீனும் வித்து', என்பதே குறட்பா.

உலகில் ஆசை தோன்றுவது இயற்கை எனினும், அதை
எளிதில் அடக்கினால், துன்பமே அண்டாது விலகிவிடும்.

ஒப்பற்ற செல்வம் என்பது ஆசை ஒழிப்பதே; இது போன்ற
ஒப்பற்ற செல்வம் இங்கு மட்டுமல்லாது எங்கும் இல்லை.

'வேண்டாமை அன்ன விழுச்செல்வம் ஈண்டில்லை
யாண்டும் அஃதொப்பது இல்', என்கிறார் வள்ளுவர்.

தூய்மை என்பது பேராசை அற்ற தன்மையாகும் - அது
வாய்மை நாடுவோருக்கு வந்து சேரும் தன்மையாகும்.

'தூஉய்மை என்பது அவாவின்மை மற்றது
வாஅய்மை வேண்ட வரும்', என்கிறார் அவர்.

பெரும் துன்பம் தரக்கூடிய பேராசையை ஒழித்தால்,
வரும் இன்பம், வாழ்வில் இடைவிடாது தொடர்ந்து!

'இன்பம் இடையறா தீண்டும் அவாவென்னும்
துன்பத்துள் துன்பங் கெடின்', என்பது குறட்பா.

பேராசை ஒழித்து, மனத்தைக் கட்டுப்படுத்தி, நாம்
பேரின்பம் தரும் அற நெறியில் வாழ்ந்து உய்வோம்!

:bounce:

 

[Raji Ram]

வள்ளுவரைப் போற்றுவோம் ..... 100

ஊழ்

முயற்சியால் எல்லாம் அடையலாம் என்றாலும்
உயர்வு நிலை அடைதலுக்கு ஊழ் காரணமாகும்!

கைப்பொருள் ஆக்கும் ஊழ், ஓயாத ஊக்கத்தையும்,
கைப்பொருள் போக்கும் ஊழ், சோம்பலையும் தரும்.

'ஆகூழால் தோன்றும் அசைவின்மை கைப்பொருள்
போகூழால் தோன்றும் மடி', என்பதே அந்தக் குறள்.

இரு வேறு நிலைகளை உலகில் ஊழ் தந்துவிடும்;
திரு சிலரிடம் உள்ளது; அறிவு சிலரிடம் உள்ளது!

அறிவும், செல்வமும் ஒரே இடத்தில் இருப்பது, மிக
அரிது என்பதைத்தான் வள்ளுவர் உரைக்கின்றாரோ?

'இருவேறு உலகத்து இயற்கை திருவேறு
தெள்ளிய ராதலும் வேறு', என்பது குறட்பா.

நல்ல செயல்கள் செய்யும்போது அல்லது ஆவதும்,
அல்ல செயல், நல்லதாக மாறுவதும் ஊழால் ஆகும்.

'நல்லவை எல்லாஅந் தீயவாம் தீயவும்
நல்லவாம் செல்வம் செயற்கு', என்கிறார்.

உரிமை தமக்கு இல்லாததை பாதுகாத்தாலும்கூட,
உரிய இடத்திற்கு அது போய்ச் சேரும். அதேபோல

உரிய பொருளை எங்கு சென்று போட்டாலும், அது
உரியவரிடமே மீண்டும் ஊழால் வந்து சேர்ந்துவிடும்.

'பரியினும் ஆகாவாம் பாலல்ல உய்த்துச்
சொரியினும் போகா தம'; இது உண்மை!

ஊழ் தரும் தீமைகளை அறிந்துகொண்டு உலகினில்
தாழ்வு வரினும், முயன்று மீண்டும் சிறந்திடுவோம்!

:thumb:

 

[bharadwajgiridhar]

mam your poems are good i like to write in tamil i do not know how to get free tamil fonts and if to use which font shoudl be used if i write in google transliteration then copying goes something else and it is tedious

 

[Raji Ram]

Dear Sir,

I have already blogged this entry but for your easy reference, I am copy pasting it here.

[Easy way to copy paste:

While pressing the shift key down, use the up - down - left - right keys to select. Then control c to copy and control v to paste in the proper place. By this method, we can exactly choose the potion to be copied.]

தமிழில் எளிதாய் எழுத.......

உங்களிடம் G mail இல்லாவிட்டால் Type in Tamil - Google Transliteration என்னும் பக்கத்தைத் தேடி எடுங்கள்.

வரும் பக்கத்தில் ஆங்கிலத்தில் தமிழ்ச் சொற்களை எழுதவும்!

ammaa, aadu, ilai, ee, ural, oosi, eli, என்பது போல

ஆங்கிலத்தில் எழுதிவிட்டு space bar தட்டினால் தமிழ்ச் சொற்கள் வரும்.

Back space இன் பயன்பாடும் உண்டு.

சொற்களின் எழுத்துக்கள் மாறுபட்டால், (அம்மா, அம்ம என்பதுபோல) backspace தட்டினால் ஒரு பட்டியலில் தெரியும்.

வேண்டிய சொல் மேல் சொடுக்கினால் அது வந்துவிடும்.

ஒரு உதாரணம் ஏணி....

eni அடித்துவிட்டு back space போட்டால் இதற்கு இனி, ஏணி, எனி, எனை, எணி, eni பட்டியல் வரும்! இதில் தேர்வு செய்யலாம்.

aiyan = ஐயன் awvai = ஔவை akthu = அஃது

உங்களிடம் G mail இருந்தால், இன்னும் எளிது!

Compose mail பக்கத்தில் இடது ஓரத்தில் 'அ' மீது கலர் இருக்கும்படி சொடுக்கவும் (click! )
{ இது B என்பதற்கு இடப்பக்கம் இருக்கும் }

மேற்கண்ட விதத்தில் தட்டெழுதவும்.

இடையிடையே ஆங்கிலம் எழுத மீண்டும் 'அ' மீது சொடுக்கிக் கலர் இல்லாது செய்ய வேண்டும்.

கலர் இருந்தால் தமிழ் ... இல்லாவிடில் ஆங்கிலம் ஆகும்.

வேண்டியவை தட்டெழுதிய பின், வேண்டிய இடத்தில் copy paste செய்யலாம்.

முயன்றால் முடியும் எளிதில்!

A good knowledge of Tamil spelling will help to write perfect Tamil.

Best wishes,
Raji Ram ...... If you do not have a g-mail account, start one TODAY!!..:thumb:

 

[bharadwajgiridhar]

tamil font

mam thank you i wud like to clarify one thing i am not sir i am a lady, and actually in transliteration to correct is sometimes tedious, also i wanted to know which tamil font is easier to type, i am sure for that also we ought to know correct finger typing, thank you with respectful regards

 

[Raji Ram]

O my fair lady!
Sorry. Many think me as 'SIR' too, because of RAM!:yo:

 

[Raji Ram]

There are many fonts for Tamil typing but I think google is the easiest, since many of the sites accept the font.

The Azhagi font, for example, will be like an alien language, if we copy paste!!

Best wishes,
Raji Ram