மலரும், மழலையும்
குட்டிக் குழந்தைகள் ஒரு வருடத்தில்
எத்தனை கற்றுக் கொண்டு விடுகிறார்கள்?
இன்று வருண் குட்டியின் பிறந்த நாள்.
இன்றோடு ஒரு வயது நிரம்பி விட்டது!
போன முறை பார்த்த போது வருண்
smile, cry, pee and poop மட்டும் அறிந்திருந்தான்
இன்று வீடு முழுவதும் ஓடுகின்றான்.
எல்லாவற்றையும் explore செய்கின்றான்.
சிலவற்றைத் தனியாகச் சாப்பிடுகின்றான்.
சில சமயம் ஸ்பூனை வாங்கிச் சாப்பிடுகின்றான்.
Skype சாட்டுக்கு ஓடி வருகின்றான்.
லாப்டாப் அருகில் வந்து நம்மைத் தேடுகின்றான்.
"தாத்தா! டாடா!" எல்லாம் சொல்லுகின்றான்.
"பை பை" அழகாகக் காட்டுகின்றான்.
அப்பா எப்போதுமே சொல்லுவார்,
"வீட்டில் ஒரு குழந்தையோ அல்லது
தோட்டத்தில் ஒரு பூச்செடியோ
கண்டிப்பாக இருக்க வேண்டும்!" என்று.
தினம் தினம் வளர்ச்சியையும், மலர்ச்சியையும்
காட்டுபவை இவையிரண்டு மட்டும் தானே!!!
