எண்ண அலைகள்....

[Raji Ram]

Share:

Facebook X (Twitter) LinkedIn WhatsApp Email Share Link

தட்டெழுத்தில் ஒரு வேடிக்கை!!

'பேய்' என்பதற்கு 'அலகை' என்ற சொல்லை வள்ளுவர் வைத்துள்ளார்!

இந்தப் பக்கத்தைத் தட்டெழுதும் சமயம், 'alagaiyaa' என்று நான் தட்டெழுதியபோது

வந்த சொல்: 'அழகையா'!! இது மிக அழகைய்யா!!

:typing:. . . :bump2: . . . ound:

 

[Raji Ram]

வள்ளுவரைப் போற்றுவோம் ..... 236

இகல் எனும் மாறுபாடு...

ஒருமித்த கருத்தோடு வாழ்ந்தால், வரும் ஒற்றுமை;
மாறுபாடு வளர்ந்தால், பகையும்கூட வளர்ந்து வரும்.

எல்லா உயிர்களுக்கும், மற்ற உயிர்களோடு சேராத,
பொல்லாத பண்பைத் தருவது, மாறுபாடு என்பதே!

'இகலென்ப எல்லா உயிர்க்கும் பகலென்னும்
பண்பின்மை பாரிக்கும் நோய்', என்கின்றார்.

நம்மைவிட வேறுபட்ட பண்பை ஒருவன் கொண்டால்,
நாம் வெறுப்பவை எல்லாம் அவன் செய்ய வல்லவன்.

அவன் நமக்கு இவ்விதமாக வெறுப்பவை செய்யினும்,
அவனை நாம் இகல் கருதித் துன்புறுத்தக் கூடாது; இது

நல்ல பண்பு என்று வரையறுத்துக் கூறும் திருவள்ளுவர்,
நல்ல குறட்பா ஒன்றை நமக்கு அளித்து, வழிகாட்டுகிறார்.

'பகல்கருதிப் பற்றா செயினும் இகல்கருதி
இன்னாசெய் யாமை தலை', என்பது குறள்!

மனமாறுபாடு என்கிற தீய நோயை விலக்கியவருக்கு,
மாசற்ற புகழ் வந்து சேர்ந்து, நீடித்து நிற்கும் என்கிறார்.

'இகலென்னும் எவ்வநோய் நீக்கின் தவலில்லாத்
தாவில் விளக்கம் தரும்', என்பது குறளின் குரல்.

மாறுபாடு எனும் நோயை, அண்டவிடாது இருப்போம்;
வேறுபாடு கொண்டு, பகையை வளர்க்காது சிறப்போம்!

. . :nono: . . :angel:

 

[Raji Ram]

வள்ளுவரைப் போற்றுவோம் ..... 237

மாறுபாடு வேண்டாம்...

துன்பத்தில் பெரும் துன்பமாகிய இகலை நீக்கினால்,
இன்பத்தில் பெரும் இன்பத்தை நமக்குத் தந்து விடும்.

'இன்பத்துள் இன்பம் பயக்கும் இகலென்னும்
துன்பத்துள் துன்பம் கெடின்', என அறிவுரை!

வெற்றியும் தோல்வியும் நிர்ணயிப்பது மனமாறுபாடு;
வெற்றியை எப்படித் தருகிறதென முதலில் காண்போம்.

மனதில் மாறுபாடு உருவானாலும், அதற்கு இடம் தராது,
மனதில் ஆற்றல் கொண்டவரை, யார் வெல்ல முடியும்?

'இகலெதிர் சாய்ந்தொழுக வல்லாரை யாரே
மிகலூக்கும் தன்மை யவர்', என வினவுகிறார்!

வாழ்வில் இகல் கொண்டு எதிர்த்தால், வெற்றி எளிதென
வாழ்வோர் வாழ்க்கை, தடம் புரண்டு, விரைவில் கெடும்!

'இகலின் மிகலினிது என்பவன் வாழ்க்கை
தவலும் கெடலும் நணித்து', எனபது குறள்.

மாறுபாடு கொள்வதால், வெல்ல முடியாதென அறிவோம்;
மாறுபாடு கொள்ளாது, ஒன்றுபட்டு வாழ்ந்து உயர்வோம்!

:fencing: . . :nono:

 

[Raji Ram]

அன்பு நிலை...

நம்மிலிருந்து வேறுபட்ட குணம் உடையவரை,
நம் நண்பராகச் செய்து கொள்ளுவது எளிதல்ல!

நம் மனத்தில் அன்பு நிலை ஓங்கினால் மட்டும்,
நம் வட்டத்தில் வேறுபட்டவர்கள் வர முடியும்!

:angel: . . . :grouphug:

 

[kunjuppu]

raji,

re #529. not sure I agree.

Friends can come from anywhere and anybody. Diversity of friends is probably one of the best riches that one can accumulate.

i had a friend in the 1970s, a white girl student, who made it a point to befriend people from every new country. To her the different backgrounds, their outlook and experiences were priceless. In return she offered them canadian hospitality.

 

[Raji Ram]

I too meant the same thing Kunjuppu Sir!

Only if one loves people, one can befriend people who are different from them!

Raji Ram

 

[Raji Ram]

வள்ளுவரைப் போற்றுவோம் ..... 238

இகல் தரும் துன்பம்...

மனத்தின் மாறுபாடுகளை எதிர்த்து நீக்கினால், நம்
மனத்தில் அமைதி நிலவி, அதனால் இன்பம் வரும்.

அப்படி நீக்காது, அதை ஊக்கப் படுத்தினால், தீமைகள்
எப்படியேனும் வந்து அடையும், என்று எச்சரிக்கிறார்!

'இகலிற்கு எதிர்சாய்தல் ஆக்கம் அதனை
மிகலூக்கின் ஊக்குமாம் கேடு'; இது குறள்.

தனக்கு நன்மை வரும்போது, இகலை யாரும் எண்ணார்;
தனக்கே கேடு செய்துகொள்ள, இகலைப் பெரிதாக்குவார்!

'இகல்காணான் ஆக்கம் வருங்கால் அதனை
மிகல்காணும் கேடு தரற்கு', என்பது அக்குறள்!

பகை உணர்வை மனமாறுபாட்டால் கொண்டால், என்றும்
மிகையாகத் துன்பம் தொடரும்; ஆனால், நட்புணர்வோடு,

நல்ல செயல் புரிந்தால், தொடர்ந்து, பெரு மகிழ்ச்சி என்ற
நல்ல பயனே விளையும், என்று அறிவுறுத்துகிறார் அவர்.

'இகலானாம் இன்னாத எல்லாம் நகலானாம்
நன்னயம் என்னும் செருக்கு', என்பது குறள்.

மனமாறுபாட்டால் வரும் துன்பம், என்று அறிந்துகொண்டு,
மனமாறுபாடுகளை நீக்கி, நாமும் வாழ்வில் உயருவோம்!

out: . . :nono:

 

[Raji Ram]

நேர்மறை எண்ணங்கள்...

நேர்மறை எண்ணங்களைக் கொள்ளப் பெரியோர் அறிவுறுத்துவார்;
எதிர்மறை எண்ணங்களால், மனமும் கெட்டு, உடல் நலமும் கெடும்.

மன வேறுபாடுகளே, பகைமை வளர்த்துவதில் முதன்மையானவை!
மன வேறுபாடுகளைக் குறைத்து, நட்புணர்வு வளர்க்க முனைவோம்!

:decision: . . :grouphug:

 

[Raji Ram]

வள்ளுவரைப் போற்றுவோம் ..... 239

பகை மாட்சி...

பகைவரை வெல்லுவதில் மாட்சி பெற்ற தன்மை எது?
பகைவரை எப்படி வெல்ல முடியும்; இல்லை முடியாது?

தெளிவாக இவற்றை அறிந்து கொள்ள, திருவள்ளுவர்,
எளிதாக ஒரு அதிகாரத்தையே, நன்கு அமைக்கின்றார்!

மெலியோரிடம் மோதி வெல்லுவது, மாட்சிமை அல்ல;
வலியோரிடம் மோதி வெல்லுவதே, மாட்சிமை ஆகும்!

'வலியார்க்கு மாறேற்றல் ஓம்புக ஓம்பா
மெலியார்மேல் மேக பகை', என்பது குறள்.

அன்பு காட்டுவோரே நமக்குத் துணை நிற்பார்; யாரிடமும்
அன்பு காட்டாமல், வலிய துணையும் இல்லாமல், தானும்

வலிமை இல்லாமல் இருக்கும்போது, ஒருவரால் எவ்வாறு
வலிமையான பகைவரை வெல்ல முடியும், என்று கேள்வி!

'அன்பிலன் ஆன்ற துணையிலன் தான்துவ்வான்
என்பரியும் ஏதிலான் துப்பு', என்பது குறளின் குரல்.

எந்த நான்கு குணங்கள் உள்ளவனை, பகைவன் வெல்வான்?
இந்த நான்கு குணங்களை, பட்டியல் இடுகின்றார் வள்ளுவர்.

அச்சமும், மடமையும் கொண்டவனாகவும், இணைந்து வாழ
நித்தமும் விரும்பாது, இரக்க சிந்தனையே இல்லாது ஒருவன்

இருந்தால், அவனை எளிதில் பகைவர் வெல்வார். நல்லவர்
விரும்பாத இந்தக் குணங்களை, நாம் பெறாது, உயர்வோம்.

'அஞ்சும் அறியான் அமைவிலன் ஈகலான்
தஞ்சம் எளியன் பகைக்கு', என்பதே குறள்!

:fencing:

 

[Raji Ram]

வெற்றி நமதே!

அன்பு கொண்டால், சுற்றம் பெருகும்;

சுற்றம் பெருகினால், வலிமை பெருகும்;

வலிமை பெருகினால், பகை அஞ்சும்;

பகை அஞ்சினால், வெற்றி நமதே!

:grouphug: . . :first:

 

[kunjuppu]

வெற்றி நமதே!

அன்பு கொண்டால், சுற்றம் பெருகும்;

சுற்றம் பெருகினால், வலிமை பெருகும்;

வலிமை பெருகினால், பகை அஞ்சும்;

பகை அஞ்சினால், வெற்றி நமதே!

:grouphug: . . :first:

raji,

i thought of this poem with two scenarios and enjoyed the outcome of both.

on a personal level, the accumulaton of goodness in and around one, will keep the phantoms (boothams) and fears away.

on a national level, it is good rajathanthiram, to build up fronts and a strong army, to keep the enemies at bay.

good one!!

 

[Raji Ram]

Ref Post # 536
You are not SMALL FLOWER Sir!! You are BIG FLOWER!!! :clap2:

Thanks for the nice interpretations given to my short write up. In fact, whatever ThiruvaLLuvar has written for the Rajas

also holds good for the common man! Whatever he wrote so many years ago are still relevant!

Wish to copy paste one of my observations here: ( actually posted earlier in the same thread)

துணிவுள்ள மனமுள்ளவன்; உயர்ந்த குடியில் பிறந்தவன்;
கனிவுடன் காப்பதை அறிந்தவன், அற நூல்களைக் கற்றவன்,

நல்ல அயராத முயற்சி உடையவன் என்ற ஐந்து குணங்கள்,
வல்லமையான ஒரு அமைச்சனுக்குத் தேவை, என்கின்றார்!

'வன்கண் குடிகாத்தல் கற்றறிதல் ஆள்வினையோடு
ஐந்துடன் மாண்ட தமைச்சு', என்பது ஒரு பட்டியல்!

காலத்தின் கோலம்!

இன்றும், வல்லமையான அமைச்சர்களே உலவுகின்றார்!

இன்று, வள்ளுவன் வழியை மாற்றிப் புரிந்துகொண்டார்!

துணிவுள்ள மனம் .......... பாவத்திற்கும் பயமில்லை!

உயர்ந்த குடிப் பிறப்பு ..... உயர்ந்த வெளிநாட்டுச் 'சரக்கு'!

கனிவுடன் காப்பது ......... ஆம்! சுவிஸ் வங்கிகள் வழிய!

அறநூல்கள் கற்பது ........ கற்றதுபோல பாவனை கொடுக்க!

நல்ல அயராத முயற்சி ... அடுத்த ஆட்சியைப் பிடிக்க!

வாழ்க வள்ளுவம்! :hail:

Cheers! Raji Ram

 

[Raji Ram]

வள்ளுவரைப் போற்றுவோம் ..... 240

எவரை வெல்லலாம்?

எவரை எளிதில் வெல்ல முடியும் என்று உலகிற்கு,
அவரே பட்டியலும் தந்து விளங்க வைக்கின்றார்!

எவர் சினத்தையும் மனதையும் அடக்க மாட்டாரோ,
அவரை எப்போதும், எங்கும் எளிதில் வெல்லலாம்!

'நீங்கான் வெகுளி நிறையிலன் எஞ்ஞான்றும்
யாங்கணும் யார்க்கும் எளிது', என எச்சரிக்கை!

நல்வழியை நாடாது, பொருத்தமானவை செய்யாது,
பொல்லாப் பழிக்கு அஞ்சாது, நல்ல பண்பும் இல்லாது,

எவன் இருந்தாலும், அவனை எளிதில் வெல்லலாம்;
இதன் குறட்பாவை, அழகாக அமைத்து அளிக்கிறார்!

'வழிநோக்கான் வாய்ப்பன செய்யான் பழிநோக்கான்
பண்பிலன் பற்றார்க்கு இனிது', என்பது அந்தக் குறள்.

உண்மையைச் சிந்திக்காமலே சினம் கொண்டு, தீய
பண்பான பேராசை உள்ளவனை பகையாக ஏற்கலாம்!

'காணாச் சினத்தான் கழிபெருங் காமத்தான்
பேணாமை பேணப் படும்', என்பது குறட்பா.

வெல்லும் பகைவரின் தன்மைகள் அறிந்திடுவோம்;
வள்ளுவர் வழிகாட்டலில், வாழ்ந்து சிறந்திடுவோம்!

:first:

 

[Raji Ram]

வள்ளுவரைப் போற்றுவோம் ..... 241

பகைவனாக்கலாம்!

உலகில் ஒற்றுமையுடன் கூடி வாழ்வதையே நல்லறமாக,
பலவாறு உரைக்கும் வள்ளுவரா, இப்படிச் சொல்லுகிறார்?

எவரைப் பகைவனாக்கலாம், என்று சுட்டிக் காட்டுவதற்கு,
அவரே ஒரு குறட்பாவை அமைத்து, நமக்கு அளிக்கிறார்!

நம்மோடு இருப்பவர்கள், நமக்கு இசைவான செயல்களை,
அன்போடு செய்துவிட்டால், அதைவிட உயர்வே இல்லை!

அப்படிச் செய்யாது, பொருந்தாத செயல்களையே என்றும்,
தப்பாது செய்திருந்தால், அவர்களைப் பகைவர் ஆக்கலாம்!

பொருள் ஏதாவது கொடுத்தாவது, இதைப் போன்றவரை,
பெறலாம் நம்முடைய பகைவர்களாக, என அறிவுறுத்தல்!

'கொடுத்துங் கொளல் வேண்டும் அடுத்திருந்து
மாணாத செய்வான் பகை', என்பது அந்தக் குறள்.

அடுத்திருந்து கேடுப்போரை, நாம் அடையாளம் காண்போம்;
எடுத்த செயல்களைச் சிறப்பாக முடித்து, உயர்வடைவோம்!

:decision: . . :first:

 

[Raji Ram]

வள்ளுவரைப் போற்றுவோம் ..... 242

பகைவர் வீழ்த்துவார்!

எந்த குணங்கள் இருந்தால் பகைவரால் வெல்லப்படுவார்,
என்ற ஆராய்ச்சியும் நமக்காகச் செய்கின்றார், வள்ளுவர்!

குணக்கேடு மிகுந்தவரும், குற்றங்கள் மலிந்தவரும், தம்
துணையாக நல்லவரைப் பெறவே முடியாது; அவ்வாறு

பக்கத் துணை இல்லாதவர்களை, எளிதில் பகைவர்களும்,
பக்கம் வந்து வீழ்த்திவிடுவார்கள். இதைத் தெளிவாக்க,

'குணனிலனாய்க் குற்றம் பலவாயின் மாற்றார்க்கு
இலனிலனாம் ஏமாப்பு உடைத்து', என உரைக்கிறார்.

பயம் நிறைந்தும், அறிவில்லாத கோழைகளாயும் உள்ள,
பயம் மிகுந்தவர்களின் பகைவர்களை விட்டு, என்றுமே

வெற்றி என்னும் இன்பம், விலகாது நிற்கும்; இக் கருத்தை
வெட்ட வெளிச்சமாக, இந்தக் குறட்பாவில் கூறுகின்றார்.

'செறுவார்க்குச் சேணிகவா இன்பம் அறிவிலா
அஞ்சும் பகைவர்ப் பெறின்', என்பதே குறட்பா.

செய்யும் போர் அறியாதவனைப் பகைக்கும் சிறு செயலும்,
செய்யாது இருக்கின்ற ஒருவனுக்கு, என்றுமே புகழ் வராது!

'கல்லான் வெகுளும் சிறுபொருள் எஞ்ஞான்றும்
ஒல்லானை ஒல்லா ஒளி', என்பது அறிவுறுத்தல்.

பயம் நிறைந்து வாழும் வாழ்க்கை, என்றுமே உலகில் நமக்குப்
பயன் தராது, என்பதை அறிவோம்; வள்ளுவன் வழி நடப்போம்!

:first:

 

[Raji Ram]

வள்ளுவரைப் போற்றுவோம் ..... 243

பகை...

பகை உணர்வு என்பது பண்பு இல்லாத ஒரு நிலையாகும்;
நகைக்க வேண்டியும் கூட இதை நாம் கொள்ளக் கூடாது!

'பகைஎன்னும் பண்பி லதனை ஒருவன்
நகையேயும் வேண்டற்பாற்று அன்று'.

யாரிடம் பகையே கொள்ளக் கூடாது, என்பதை உணர்த்தக்
கூறுகிறார் ஒரு குறட்பாவை, திருவள்ளுவர் உலகிற்காக!

வில்லாற்றல் உள்ளவருடன் பகை கொள்ளலாம்; ஆனால்,
சொல்லாற்றல் உள்ள அறிஞருடன் பகை கூடவே கூடாது!

'வில்லேர் உழவர் பகைகொளினும் கொள்ளற்க
சொல்லேர் உழவர் பகை', என்பதே அறிவுரை!

சற்றும் எண்ணாது, தனியாகவே, பலரின் பகை தேடுபவன்,
பித்துப் பிடித்தவனைக் காட்டிலும் அறிவிலியே, எனலாம்!

'ஏமுற் றவரினும் ஏழை தமியனாய்ப்
பல்லார் பகைகொள் பவன்', என்கிறார்.

பகை உணர்வை வளர்த்துக்கொண்டு, சஞ்சலப்பட்டு வாழாது,
பகை கொள்ளாது, நட்புடன் உலகில் வாழ்ந்திட முயலுவோம்!

:grouphug:

 

[Raji Ram]

வள்ளுவரைப் போற்றுவோம் ..... 242
......................
செய்யும் போர் அறியாதவனைப் பகைக்கும் சிறு செயலும்,
செய்யாது இருக்கின்ற ஒருவனுக்கு, என்றுமே புகழ் வராது!

'கல்லான் வெகுளும் சிறுபொருள் எஞ்ஞான்றும்
ஒல்லானை ஒல்லா ஒளி', என்பது அறிவுறுத்தல்.
............................

'கல்லான்' எனும் சொல்லுக்கு, கல்வி கல்லாதவன் என்று

பொருள் உரைத்துள்ளார், மு வ அவர்கள்! ஆனால்,

'கல்லான்' எனும் சொல்லுக்கு, 'போர் முறைகள் கல்லாதவன்'

என்ற பொருள், இன்னும் நெருங்கிய பொருளாகத் தெரிகிறது!

போர் முறைகளைக் கற்றுத் தேர்ந்து, போர் புரிய இயலாதவனிடமும்,

போர் புரியும் எளிய செயல் முடியாதவனுக்கு, என்றும் புகழ் வராது!

 

[Raji Ram]

வள்ளுவரைப் போற்றுவோம் ..... 244

பகைவரிடம் நட்பு...

பகைவரிடம் எப்போதுமே மோதிக்கொண்டே இராமல்,
பகைவரிடம் நட்பும் கொஞ்சம் கொள்ளலாம் என்கிறார்!

தன் பகைவரிடமும் நட்புக் காட்டும் பண்பாளரின் பெருந்-
தன்மையால்தான், உலகம் தங்கி இருக்கிறது என்கிறார்!

'பகைநட்பாக் கொண்டொழுகும் பண்புடை யாளன்
தகைமைக்கண் தங்கிற்று உலகு', என்பது குறட்பா.

இரு பிரிவினராகத் தன் பகைவர் இயங்கினால், தனியாகவே
இருப்பவன், ஒரு பகைவனிடம் நட்புறவு கொள்ள வேண்டும்!

'தன்துணை இன்றால் பகைஇரண்டால் தான்ஒருவன்
இன்துணையாக் கொள்கவற்றில் ஒன்று', என அறிவுரை!

பட்டும் படாமல் கொள்ளுகின்ற உறவைப் பற்றி, மீண்டும்
காட்டும் குறட்பாவை, இந்த அதிகாரத்திலும் உரைக்கிறார்!

பகைவரைப் பற்றித் தெரிந்தாலும், தெரியாவிட்டாலும், ஒரு
மிகையான அழிவு வரும் காலத்தில், மிக விலகி விடாமலும்,

மிகவும் நெருங்கி விடாமலும், பகையைத் தொடரவேண்டும்;
மிகவும் நுட்பமான அறிவுரையாக, இதை நமக்குத் தருகிறார்!

'தேறினும் தேறா விடினும் அழிவின்கண்
தேரான் பகாஅன் விடல்', என்பது குறட்பா.

எவ்விதச் சூழ்நிலையிலும், பகைவரிடம் பழகிட அறிவோம்;
எவ்விதத் துன்பமும் அண்டாமல் இருக்க, முயன்றிடுவோம்!

:couch2:

 

[Raji Ram]

குளிர் காய்தல் போல..

குளிர் காய்வதற்கு, தீயை மூட்டி அதனருகில் அமர்வோம்;
குளிர் வருத்தும், தீயை விட்டு நாம் மிக விலகிவிட்டால்;

தீப் பிழம்பு வருத்தும், மிக அருகில் நாம் சென்றுவிட்டால்;
தீயின் அருகில் அமர்வதுபோல், பகைவரிடம் பழகுவோம்!

:flame: . . :smow:

வள்ளுவம் வாழ்க!

 

[Raji Ram]

வள்ளுவரைப் போற்றுவோம் ..... 245

நம் பகைவர்...

நம் துன்பங்களை நண்பர் அறியாத சமயம், அதை
நாம் அவரிடம் சென்று, பகிர்ந்துகொள்ளக் கூடாது!

நம் பலவீனங்களை, என்றுமே பகைவர்களிடம்,
நாம் தெரிவிக்கக் கூடாது, என்கிறார் வள்ளுவர்.

'நோவற்க நொந்தது அறியார்க்கு மேவற்க
மென்மை பகைவர் அகத்து', என்பது குறள்.

முள் மரத்தைக் கன்றாக உள்ளபோதே வெட்டுவது
நல் வழி; வளர்ந்தால், முட்கள் கையைக் கிழிக்கும்.

பெரிதாகும் முன்னரே, பகை வீழ்த்த வேண்டும்; இது
தெரிவிக்கும் வகையில், ஒரு குறட்பா அமைக்கிறார்.

'இளைதாக முள்மரம் கொல்க களையுநர்
கைகொல்லும் காழ்த்த இடத்து'. இது குறள்.

தம் பகைவருடைய ஆணவம் அழிக்க முடியாதவர்,
தம் சுவாசம் இருந்தும், உயிருள்ளவர் ஆகமாட்டார்!

'உயிர்ப்ப உளரல்லர் மன்ற செயிர்ப்பவர்
செம்மல் சிதைக்கலா தார்', என்கின்றார்.

பகையை எதிர்க்கும் வழிகளை அறிந்துகொள்வோம்;
பகையை வென்று, உலக வாழ்வில் சிறந்து நிற்போம்!

:fencing: . . :first:

 

[Raji Ram]

உயிர் வாழ்தல்...

பல குறட்பாக்களில் 'உயிருள்ள இறந்தவரை',
பல குணங்களால் விளக்குகின்றார், வள்ளுவர்!

உயிர் இருந்தும் இறந்தவராய் வாழ்தல் தவறு;
உயிர் வாழ்தல் சிறப்புற, வள்ளுவம் அறிவோம்!

:ranger: . . :angel:

 

[Raji Ram]

வள்ளுவரைப் போற்றுவோம் ..... 246

உறவாடிக் கெடுப்பவர், உலகில் என்றுமே உண்டு;
உறவாக அவர்களை எண்ணாதிருக்க, வழிகாட்டி,

உட்பகை பற்றி அமைத்தார், பத்துக் குறட்பாக்கள்!
நட்பாக அவர்களை எண்ணினால், துன்பமே வரும்.

இன்பம் தரும் இனிய நிழலும், நீரும் கூட, நமக்குத்
துன்பம் தரும் எனில், தீயவையாக எண்ணுவோம்!

உற்ற உறவுகொண்டிருப்பினும், பகை கொண்டால்,
உற்ற நேரத்தில் அவரை விலக்கிவிட வேண்டும்!

'நிழல்நீரும் இன்னாத இன்னா தமர்நீரும்
இன்னாவாம் இன்னா செயின்'. இது குறள்.

வெளிப்படையாகப் பகை கொண்டோரிடம் கூட,
தெளிவாகப் பகைமையைக் கண்டு கொள்ளலாம்!

அந்தப் பகைவரிடம் அச்சம் இல்லாவிடினும், நாம்,
சொந்தம்போல் பழகும் பகைவரை, அஞ்சவேண்டும்!

'வாள்போல் பகைவரை அஞ்சற்க அஞ்சுக
கேள்போல் பகைவர் தொடர்பு', எனக் குறள்.

வாள்போல தெரிகின்ற பகையை அஞ்சாவிட்டாலும்,
கேள்போல வந்து கெடுக்கும் பகைவரை அஞ்சுவோம்!

:humble: . . :fear:

 

[Raji Ram]

வள்ளுவரைப் போற்றுவோம் ..... 247

காத்துக் கொள்ளவேண்டும்!

உள்ளத்தில் பகை கொண்டு, உறவாட வருவோரின்
கள்ளத்தை அறிந்து கொண்டு, வேண்டும் தற்காப்பு!

எவ்வாறு ஒரு கருவி மட்பாண்டத்தை அறுக்குமோ,
அவ்வாறு அழிப்பார் அவர், நம் சோதனை நேரத்தில்!

'உட்பகை அஞ்சித்தற் காக்க உலைவிடத்து
மட்பகையின் மாணத் தெறும்'. இது குறள்.

மனம் திருந்தாத உட்பகை ஒருவன் கொண்டால், தன்
இனம் சீர்படாத பலவிதக் கேடுகளையும் அது தரும்!

'மனமாணா உட்பகை தோன்றில் இனமாணா
ஏதம் பலவும் தரும்'. இது எச்சரிக்கை ஆகும்!

உறவு முறைகளோடு, உட்பகை வந்துவிட்டால், அது
இறக்கும் வகையான துன்பங்கள் பலவும் தந்துவிடும்!

'உறல்முறையான் உட்பகை தோன்றின் இறல்முறையான்
ஏதம் பலவும் தரும்', என நீண்ட குறட்பாவைத் தருகிறார்!

உட்பகை கொண்டோரை அறிந்து, விலகி, தற்காப்போம்!
உட்பகை நாம் கொள்ளாது, அன்பு நெறியில் வாழ்வோம்!

out: . . :angel:

 

[Raji Ram]

இரு வரங்கள்!

உலகே தன்னைப் பார்த்ததும் அஞ்சிட,
உலகில் சிலரும் கொள்வார் ஆவல்!

அதுபோல் ஆவல், அரணை கொண்டு,
மெதுவாய் இறைவன் அருகே சென்று,

'இறையே! பாம்பு பெற்ற விஷத்தை,
நிறைய எனக்குத் தந்து அருள்வாய்!

பாம்பைக் கண்டால் படையே நடுங்கும்;
பாம்பைப் போலவே நானும் ஆகணும்!'

இறைவன், 'அதுபோல் செய்ய இயலாது;
இரண்டு ஜீவன்களை, ஒன்று போலவே!

கேட்டது அளிப்பேன்; கூட இன்னொரு
கேட்காததும், நீ அறியாது அளிப்பேன்!'

என்று உரைக்க, விஷம் கிடைத்ததே
என்று, மனத்தில் மகிழ்ந்த அரணை,

'அப்படியே செய், எந்தன் இறைவனே!
எப்படியோ விஷம் வரணும்!' என்றது.

வீரமாக விரைந்த அரணையும், வெகு
நேரமாக நின்றது, மனிதன் வரவுக்கு.

தெருவில் ஒருவன் வந்திட, அவனை
விரைவில் அணுக விரைந்து செல்ல,

அருகில் சென்றதும் மறந்தது, தான்
விரைவில் வந்தது எதற்கு, என்பது!

வரத்தை கேட்டபடி அளித்து, கேளாத
வரமாய் அளித்தார், அதன் மறதியை!

குறும்பு எறும்பு இக்கதை கேட்டதும்,
குறும்பாய் வேறொரு யோசனை வர,

'நானும் இறையிடம் விஷம் கேட்பேன்!
ஆனால் இறையிடம் ஏமாற மாட்டேன்!

நான்கு சொற்களில் வரத்தைக் கேட்டு,
நன்கு பெறுவேன், கொடிய விஷத்தை!'

என்றே சென்றது, இறைவனைத் தேடி!
அன்றே இறையைக் கண்டது; கேட்டது

தான் சிறந்த புத்திசாலி என்றெண்ணி,
'நான் கடித்தால், உடனே இறக்கணும்!

நான் கேட்கும் வரத்தினை அளிப்பாய்;
நான் கேட்பதை மட்டுமே அளிப்பாய்!'

'அப்படியே ஆகட்டும்!' என்று சொல்லி,
அப்பொழுதே மறைந்தான், இறைவன்!

தான் பெற்ற வரத்தினை சோதித்திட,
தான் பார்த்த மனிதனையே கடித்திட,

'ஐயோ' என்றலறி, அவனும் அடித்திட,
'ஐயோ' என்றலறி, அதுவும் இறந்தது!

வேகமாக இறையிடம் சென்ற எறும்பு,
கோபமாக இங்கு நடந்ததைச் சொல்ல,

தான் சிரித்தபடி, இறைவன் கேட்டான்,
'நான் கடித்தால், உடனே இறக்கணும்!

என்று தானே வரத்தைக் கேட்டாய்!
நன்கு அளித்தேன், கேட்ட வரத்தை!'

:whip: . . :angel:

 

[Raji Ram]

வள்ளுவரைப் போற்றுவோம் ..... 248

உட்பகை அழிக்கும்!

ஒன்றி இருந்தவர்களிடையே, உட்பகை தோன்றிவிட்டால்,
என்றும் அவர்களின் அழிவைத் தடுப்பது, அரிய செயலாகும்!

'ஒன்றாமை ஒன்றியார் கட்படின் எஞ்ஞான்றும்
பொன்றாமை ஒன்றால் அரிது', என்கிறார் அவர்.

செப்பு எனும் சிமிழில், அதன் மூடி பொருந்தி இருப்பினும்,
எப்போதும் அது புறத் தோற்றம்தான்; ஒட்டவே ஒட்டாது!

உட்பகை கொண்ட சுற்றத்தார், அதுபோலவே; அகத்தளவு
ஒட்டாது, புறத்தில் உற்றவர் போன்று, தோற்றம் தருவார்!

'செப்பின் புணர்ச்சிபோல் கூடினும் கூடாதே
உட்பகை உற்ற குடி', என்பது எச்சரிக்கையே!

அரத்தினால் தேய்க்கப்படும் இரும்பு, வலிமை இழக்கும்;
அன்பிலா உட்பகை கொண்ட குலமும், அதுபோல ஆகும்!

'அறம்பொருத பொன்போல் தேயும் உரம்பொருது
உட்பகை உற்ற குடி', என்பதும் எச்சரிக்கையாகும்!

புற்று நோய் போல, உள்ளிருந்து அழிக்கும், உட்பகை; இது
சற்று சிந்தித்து, உட்பகை கொள்ளாது, நாமும் சிறப்போம்!

:fencing: <= :nono: