எண்ண அலைகள்....

[Raji Ram]

Share:

Facebook X (Twitter) LinkedIn WhatsApp Email Share Link

யாதவ குலம்...

குலமே உட்பகை கொண்டு அழிந்து போனதற்கு - யாதவ
குலமே நல்ல சான்றாக உள்ளது அல்லவா? தமக்குள்ளே

பொறாமையும் போட்டியும் கொண்டு, ஒருவரை ஒருவர்,
அறியாமையால் அடித்துக்கொண்டு , அழிந்தே போயினர்!

:fish: .. :humble:

 

[Raji Ram]

சில சம்பவங்கள்...

கொஞ்சம் வள்ளுவருக்கு ஓய்வளித்து,

கொஞ்சம் கலாட்டாக்களைப் பார்ப்போம்!

சில சம்பவங்கள் படு காமெடியானவை!

சில சம்பவங்கள் வெறுப்பேற்றுபவை!!

அன்புடன்,
ராஜி ராம் :ranger:

 

[Raji Ram]

கலாட்டாக் கதகளி!

மகாபாரதக் கதைகளில் ஒன்று கீசகனின் வதம்; இதில்
தாகாத எண்ணம் உள்ள கீசகனை, கொல்லுவான் பீமன்!

இரவு நேரத்தில், கதகளி வேடமிட்டு, இதை நடத்துவார்;
இரவு நேரத்திலும், மக்கள் கூடிக் கண்டு, மனம் களிப்பார்!

கீசகன் வேடத்துக்கு, பல மணி நேரமாகும், ஒப்பனைக்கு;
கீசகன் வேடம் இட்டவன், பாதி நாடகத்திலே வருவான்!

பாண்டவரின் அஞ்ஞாதவாசமே, விலாவாரியாக நடக்க,
வேண்டிய பீடி 'வலிக்க', கீசக வேடதாரி விரும்பி இருக்க,

மேடை அருகிலே யாரேனும் பார்த்திடுவார் என அஞ்சி,
ரோடைத் தாண்டி நிறுத்தின மாட்டு வண்டிக்குள் தங்கி,

அந்த வேலை முடித்த பின், இன்னும் நேரம் உள்ளதால்,
வந்த நித்திரா தேவியின் பிடியில் சிக்கி, உறங்கினான்!

இந்த விஷயம் அறியா வண்டிக்காரன், மாட்டைப் பூட்டி,
சொந்த வேலையாகச் சென்றான், தன் வண்டியை ஓட்டி!

சாலையும் காலியாய் இருக்க, வண்டியும் வேகம் எடுக்க,
சாலையில் பாறாங்கல் கிடக்க, சக்கரமும் அதிலே இடிக்க,

வண்டி தூக்கிப் போட, யாரோ தன்னை அடிக்கிறாரென்று,
சண்டை போடும் நினைவில், கீசகன் 'கதை'யுடன் குதிக்க,

வண்டிமாடு கதகளி உருவத்தைக் கண்டு, மிரண்டு துள்ள,
வண்டி குடை சாய்ந்து, சக்கரங்கள் இரண்டும் கழன்று ஓட,

வண்டிக்காரன், பேய் வந்ததோ என்ற அச்சத்தால் அலறி,
வண்டியின் அருகிலேயே, மயக்கத்தால் மண்ணில் சரிய,

நாடகத்தின் உச்சக்கட்டக் காட்சியைவிட, இங்கே கதகளி
வேடத்தால், ஒரு உச்சக்கட்டமே நடந்து முடிந்துபோனது!

:drama: . . ound:

 

[Raji Ram]

அப்படிச் செய்யாதே!

அப்படிச் செய்யாதே, இப்படிச் செய்யாதே என்பவருடன்,
எப்படி வாழ்வது என்பது, எவருமே அறியாதவொன்று!

திருமகள் வீட்டிற்கு வந்தாள், என எண்ணாத ஒருத்தி,
மருமகள் என்ன செய்தாலும், குறையே சொன்னாள்!

முட்டைப் பிரியையான அவளை எப்படியேனும் கவர,
முட்டை வகைகளைச் சமைக்க அறிந்தாள் மருமகள்!

வேகவைத்து, அழகாய்த் தட்டிலே போட்டுக் கொடுக்க,
'வேக வைக்க வேண்டாம்! முட்டை தோசை வேணும்',

என்ற அத்தை, 'நாளை செய்தால் போதும்', என்றாள்!
நன்கு அதை நினைவில் வைத்திருந்து, மருமகளும்,

மறுநாள், முட்டை தோசையை, வட்டமாக இட்டு வர,
'மருமகளே! என்னைக் கேட்டுச் செய்ய மாட்டாயோ?

இன்று எனக்கு தோசையில் விருப்பமே இல்லையே;
இன்று வேக வைத்தால், உண்டிருப்பேனே' என்றாள்!

எப்படித்தான் அத்தையைக் கவர்வது என வியந்தவள்,
எப்படியோ யோசனை செய்து, நல்ல முடிவெடுத்தாள்!

இரண்டு முட்டைகளை மறுநாள் எடுத்து, ஒன்றினை
சிறந்த தோசையாக வார்த்து, மற்றதை வேக வைத்து,

'இன்று குறையொன்றுமே காண முடியாது', என்றபடி,
கொண்டு வந்து வைத்தாள், ஆனந்தமாய்ச் சிரித்தபடி!

விடுவாளா அத்தை? இரண்டு தட்டையும் எடுத்தபடி,
விடுத்தாள் கண்களால், பார்வை ஒன்று முறைத்தபடி!

'என்னைக் கேட்டால், சரியாகச் சொல்லி இருப்பேனே!
என்னையும் கேட்காது, மாற்றி மாற்றியே செய்தாயே;

இந்த முட்டையில் அழகான தோசை போட்டுவிட்டு,
அந்த முட்டையை அழகாக வேக வைத்திருக்கலாமே!'

:fish: . . :whip:

 

[kunjuppu]

demon mothers in law!!

all of those should learn a lesson from you re how a mil should behave.

after all, are you not the world's best மருமகள் மெச்சிய மாமியார் ??

God Bless.

 

[Raji Ram]

..........all of those should learn a lesson from you re how a mil should behave.

after all, are you not the world's best மருமகள் மெச்சிய மாமியார் ??

God Bless.

:first: . . :couch2:

 

[Raji Ram]

வள்ளுவரைப் போற்றுவோம் ..... 249

சிறு உட்பகையும் கேடு!

சிறிய அளவைக் குறிப்பிட, எள்ளைச் சொல்லுவோம்;
சிறிய எள்ளின் பிளவைப்போல், சிறு பிளவு ஆயினும்,

ஒரு குலத்தையே அழித்திடும் அளவிற்கு, உட்பகை,
பெரும் துன்பத்தைக் கொடுக்கும் வல்லமை உள்ளது!

'எட்பக வன்ன சிறுமைத்தே ஆயினும்
உட்பகை உள்ளதாம் கேடு', என்கிறார்!

ஒத்த குணம் கொள்ளாதவர்கள், ஒன்றாக வாழ்ந்தால்,
மெத்தக் கடினமாக வாழ்க்கை நடக்கும்; இது தெரிய,

சிறு குடிலில் ஒரு பாம்புடன் வாழ்வதைப் போன்றதே,
சிறு உடன்பாடும் உள்ளத்தில் இல்லாத ஒருவருடன்

வாழ்வது, என்று ஒரு குறட்பாவில் குறிப்பிட்டு, ஒரு
வாழ்வில் வர முடியும் கொடுமையை உரைக்கிறார்!

'உடம்பாடு இலாதவர் வாழ்க்கை குடங்கருள்
பாம்போடு உடனுறைந் தற்று', என எச்சரிக்கை!

வாழ்க்கைத் துணை தேடும்போதும், இதை அறிந்து,
வாழ்க்கை நலமடையும் வழிகள் அறிந்திடுவோம்!

:clap2:

 

[Raji Ram]

வள்ளுவரைப் போற்றுவோம் ..... 250

பெரியோர்களை மதிப்போம்!

ஆற்றும் செயல்களை நன்கு ஆற்றுபவர்களின் ஆற்றலைப்
போற்றும் உள்ளம் இல்லாவிடினும், இகழ்ந்திட வேண்டாம்!

தம்மைக் காப்பதற்கு செய்துகொள்ளும் காவலிலே பெரியது,
தாம் அவ்விதம் இகழாமல் இருப்பதே, என்கிறார் வள்ளுவர்!

'ஆற்றுவார் ஆற்றல் இகழாமை போற்றுவார்
போற்றலுள் எல்லாம் தலை', என்பது குறட்பா.

ஆற்றல் மிகுந்த பெரியோரை மதிக்காமல் நடந்தால், அந்த
ஆற்றல் மிகுந்தோரால், தீராத துன்பங்களே வந்து சேரும்!

'பெரியாரைப் பேணாது ஒழுகின் பெரியாரால்
பேரா இடும்பை தரும்', என்று எச்சரிக்கிறார்!

எவன் தன்னைத் தானே கெடுத்துக்கொள்ள விழைகிறானோ,
அவன், யார் சொல்லியும் கேளாதவனாக, எண்ணியவுடனே

எதிரிகளை எதிர்த்து அழிக்க வல்லமை உள்ளவரை, இழித்தும்
எதிர்த்தும் பேசலாம், என்று மீண்டும் எச்சரிக்கை விடுக்கிறார்!

'கெடல்வேண்டின் கேளாது செய்க அடல்வேண்டின்
ஆற்று பவர்கண் இழுக்கு', என்பது அந்தக் குறட்பா.

வல்லமை கொண்ட பெரியோரை, இகழாது இருப்போம்; நாம்
வள்ளுவர் காட்டும் பாதையில் நடந்து, உலகில் சிறப்போம்!

:director: . . :angel:

 

[Raji Ram]

பெரியார்... பெரியோர்...

வல்லமை உள்ளவர்களைப் பற்றிக் குறிப்பிட, 'பெரியார்' என்னும் சொல்லைத் திருவள்ளுவர்

பயன்படுத்துகின்றார். ஆனால், இன்று நாம் 'பெரியார்' என்று ஒரு குறிப்பிட்ட தலைவரைக்

குறிப்பிடுவதால், 'பெரியோர்' என்ற சொல்லை உபயோகித்துள்ளேன்!

:decision: . . . :blah:

 

[Raji Ram]

வள்ளுவரைப் போற்றுவோம் ..... 251

பிழைக்க முடியாது!

பிழைக்க முடியாத வழியைத் தேடுபவர்கள்தான்
இழைப்பார், ஆற்றல் மிக்க பெரியோருக்குத் தீங்கு!

ஆற்றல் மிக்கவருக்கு, இல்லாதவர் தீங்கு செய்வது,
கூற்றுவனைக் கையசைத்துக் கூப்பிடுவது போல!

'கூற்றத்தைக் கையால் விளித்தற்றால் ஆற்றுவார்க்கு
ஆற்றாதார் இன்னா செயின்', என்று எச்சரிக்கின்றார்!

வலிமை மிகுந்த அரசனின் கோபத்திற்கு ஆளானவர்,
எளிதாக வாழவே முடியாது, தப்பி எங்கு சென்றாலும்!

'யாண்டுச்சென்று யாண்டும் உளராகார் வெந்துப்பின்
வேந்து செறப்பட் டவர்', என்பது அந்தக் குறள் ஆகும்.

பெரும் தீ சூழ்ந்து சுட்டால்கூட ஒருவர் பிழைக்கலாம்;
பெரியோருக்குத் தவறிழைத்தால், பிழைக்க முடியாது!

'எரியால் சுடப்படினும் உய்வுண்டாம் உய்யார்
பெரியார்ப் பிழைத்தொழுகு வார்', என்கின்றார்.

ஆற்றல் மிக்க பெரியோருக்குத் தீமைகள் இழைக்காது,
பெற்ற உலக வாழ்வில், உய்யும் வழியை அறிவோம்!

:decision: . . . :first:

 

[Raji Ram]

வள்ளுவரைப் போற்றுவோம் ..... 252

பெரியோர் சினந்தால் தீது!

தகுதியால் சிறப்புற்ற பெரியவர், ஒருவனைச் சினந்தால்,
மிகுதியாகச் செல்வமும் குவித்து, பலவகை சுகங்களை

அனுபவித்தாலும், அதனால் ஒரு பயனும் இல்லை; இதை
அனுபவிக்காது அறிந்துகொள்ள, குறட்பா அளிக்கின்றார்!

'வகைமாண்ட வாழ்க்கையும் வான்பொருளும் என்னாம்
தகைமாண்ட தக்கார் செறின்', என்பது அந்த எச்சரிக்கை!

உலகில் அழியாத நிலையைப் பெற்றவர் எனினும், மலை
அளவில் புகழ் உள்ள பெரியோருக்குக் கேடு நினைத்தால்,

தம் குடியோடு அழிந்து போவார், என்ற எச்சரிக்கையை,
தம் குறட்பாவில் அளித்து, வழிகாட்டுகிறார் வள்ளுவர்!

'குன்றன்னார் குன்ற மதிப்பின் குடியோடு
நின்றன்னார் மாய்வர் நிலத்து'. இது குறள்.

உயர்ந்த கொள்கை உடையவர் சீறினால், நாடு ஆள்பவன்,
உயர்ந்த நாட்டையே இழந்து, நிலை குலைந்து, அழிவான்!

'ஏந்திய கொள்கையார் சீறின் இடைமுரிந்து
வேந்தனும் வேந்து கேடும்', என்பது குறட்பா.

வசதிகளும், துணைகளும், எல்லையற்று இருப்பினும், ஒரு
தகுதியுள்ள பெரியோர் வெகுண்டால், பிழைக்க முடியாது!

'இறந்தமைந்த சார்புடையர் ஆயினும் உய்யார்
சிறந்தமைந்த சீரார் செறின்', என எச்சரிக்கை!

உயர்ந்த பெரியோரின் சினத்துக்கு ஆளாகாமல் இருப்போம்;
உயர்ந்த நெறிகள் அறிந்து, இவ்வுலக வாழ்வில் சிறப்போம்!

:angel:

 

[Raji Ram]

அதுவும் ருசிக்குமே!

அடுத்த அதிகாரத்தில், மனைவிகளிடம் அடிமையாக இருத்தல் தவறு என்பதைப் பலவாறு

உரைக்கின்றார், திருவள்ளுவர். ஆனால் முன்பு சொல்லும் சில கதைகளில், மனைவியை

அடிக்கும் கணவனே ஹீரோ!! இதோ, சிறு வயதில் எங்களை மகிழ்வித்த ஒரு கதை.

பலருக்கும் தெரிந்ததுதான்!

Old wine in a new bottle! அதுவும் ருசிக்குமே! :hungry:

 

[Raji Ram]

அத்திரிபாச்சா!

நண்பன் ஒருவன் விருந்துண்ண அழைத்தான் என,
அன்புடன் புறப்பட்டான் ஒருவன், மகிழ்ச்சி பொங்க!

காலை புறப்பட்டு, நண்பன் ஊருக்குச் சென்றுவிட்டு,
மாலை வருவதாக, மனைவியிடம் கூறிப் போனான்!

நல்ல ஒரு விருந்து, அகமகிழ்ந்து நண்பனும் அளிக்க,
நல்ல கொழுக்கட்டைகள், அழகாகச் செய்து கொடுக்க,

அன்றுவரை அதனை உண்ணாதவன், தன் நண்பனை,
'என்னது, புதுப் பலகாரம்?' என்று அதிசயித்துக் கேட்க,

'இதுதான் கொழுக்கட்டை என்னும் பெயர் கொண்டது;
இதுதான் புதிதாய் நான் செய்யக் கற்றுக் கொண்டது',

என்று அவன் சொல்ல, அதையே மனதில் நினைத்து,
அன்று மாலையே மனைவியிடம் சொல்ல விழைந்து,

விடை பெற்றுக்கொண்டு திரும்பினான், வீடு நோக்கி,
கோடை காலக் கத்திரி வெய்யிலையும் பாராட்டாது!

'கொழுக்கட்டை, கொழுக்கட்டை' என்றே ஜபம் செய்து,
கொழுக்கட்டை நினைவிலே, இல்லம் வரும் பொழுது,

கத்திரி வெய்யில் காரணமாய் வந்த திடீர் மழையில்,
'அத்திரிபாச்சா' என்று சில சிறுவர் கத்துவது கேட்டு,

அதிசயித்த அவன், என்னவென நோக்க, அச்சிறுவர்,
வரிசையில் நின்று , மழைநீர்க் குட்டையைத் தாண்ட,

அதையே மந்திரம்போலச் சொல்லி, குதிப்பது கண்டு,
அதையே அவனும் சொல்லிக் குட்டையைத் தாண்ட,

அவன் ஜபித்த பழைய மந்திரம், மறந்தே போய்விட,
அவன் மனமும், 'அத்திரிபாச்சா' மந்திரம் ஜபித்தது!

இனிய இல்லம் திரும்பியதும், தன் மனைவியைத்
தனியே அழைத்து, 'எனக்கு அத்திரிபாச்சா சாப்பிட

வேண்டும் என்று சொல்ல, அவள் பயந்து, 'அதுபோல
என்றும் பலகாரமே செய்ததில்லை', என்று சொல்ல,

பலமுறை சொல்லியும், இதுவே பதிலாய்க் கிடைக்க,
பலமாக அடித்தான் அவளை, அவளது கன்னத்திலே!

பக்கத்து வீட்டுத் தோழி, சத்தம் கேட்டு உள்ளே வர,
திக்கற்று நிற்கும் அவளைப் பார்த்ததும், கனிவுடன்,

'என்ன! இப்படியா சண்டை போடுவது? உன் அழகுக்
கன்னம் இப்படிக் கொழுக்கட்டைபோல் வீங்குவது?'

என்று கேட்டதுமே, இவனுக்கு நினைவிலே வந்தது,
இன்று தான் உண்டது, கொழுக்கட்டைதான் என்பது!

:argue: . . :decision:

 

[kunjuppu]

#563

very sad poem raji.

thank you for writing this.

i know of no other culture, like the indian one, where the man takes out his frustration on the woman by slapping her. every indian movie, where this happens, i get upset, point this out to my wife.

there should be some rule of conduct that we do not show this type of stuff in the movies. just like cigarette smoking.

women are not objects for men to show their violence or frustration. but you have rightly pointed out a believable situation.

despicable such guys. how can a culture call itself cultured, when it blesses the ill treatment of its women? i am very ashamed to call myself an indian when i see such scenes. unfortunately, it happens in tambram families. even in toronto. very sad.

 

[Raji Ram]

அடித்தால்அடிப் பேன்எனப் பெண்கள் எழுந்தால்

அடிப்பதைஆண் கள்நிறுத்து வார்!

:fish: => :moony:

P S: Home work for Pann Sir!!

 

[kunjuppu]

அடித்தால்அடிப் பேன்எனப் பெண்கள் எழுந்தால்

அடிப்பதைஆண் கள்நிறுத்து வார்!

:fish: => :moony:

P S: Home work for Pann Sir!!

i am all for self defence raji. there are these ba****ds who deserve a good thrash back.

unfortunately female physical abuse is a reality even in the west, where the women are quite liberated. there appears to be a group of women, who for unknown reasons, find abusive men and stick with them.

some say, their fathers were abusive to their mothers, and this is the only type of men they know. not sure, i agree with that.

yes, hit back with twice the force.

personally, i have advised all my women folks, the minute the man raises the hand, you leave him. and NEVER NEVER take him back. once the hand is raised, it will be raised again.

 

[Raji Ram]

................
personally, i have advised all my women folks, the minute the man raises the hand, you leave him. and NEVER NEVER take him back. once the hand is raised, it will be raised again.

Your anger is right, Sir! But, some poor women folk depend so much on their better (bitter!)

halves that they have to grin and bear it!! Now a days, girls (especially in our community)

have become very bold and their partners will NOT dare do that! Most of the girls are

financially independent too! eace:

 

[Raji Ram]

வள்ளுவரைப் போற்றுவோம் ..... 253

எது சிறப்பைத் தராது?

வெற்றி பெறும் ஒவ்வொரு ஆணுக்குப் பின்னும், அந்த
வெற்றி கிட்ட, ஒரு பெண் துணை இருப்பாள் - ஆனால்,

தம் மனைவி சொல் மந்திரமென்று, அவள் பின் செல்பவர்,
தம் வாழ்வில் சிறக்க இயலாது, என்கிறார் திருவள்ளுவர்!

தன் மனைவியை மட்டுமே விரும்பி, அவளது சொல்லை,
தானே சிந்திக்காது கேட்பவர், சிறந்த பயன் பெற மாட்டார்.

கண்ணாகக் கடமைகளை நினைப்பவர், இப்படி இருப்பதை,
வேண்டாத பொருளாகவே கொண்டிருப்பார், என்கின்றார்.

'மனைவிழைவார் மாண்பயன் எய்தார் வினைவிழைவார்
வேண்டாப் பொருளும் அது', என்பது குறளின் குரலாகும்.

ஏற்றுக்கொண்ட கொள்கையில் ஈடுபாடு இல்லாது, தான்
ஏற்றுக்கொண்ட பெண்ணை நாடி, அவள் பின் செல்பவன்

நிலைமை, வெட்கித் தலை குனிவதாகவே போய்விடும்;
இதனை உணர்த்த, ஒரு குறட்பாவை அமைக்கிறார் அவர்.

'பேணாது பெண்விழைவான் ஆக்கம் பெரியதோர்
நாணாக நாணுந் தரும்', என்று எச்சரிக்கின்றார்!

மனைவியை மதிப்பதை அறிந்திட வேண்டும்; ஆனால்
மனைவி சொல்வதெல்லாமே கேட்பது, சிறப்பைத் தராது!


:director: . . :blah:

 

[Raji Ram]

வள்ளுவரைப் போற்றுவோம் ..... 254

மனைவியை அஞ்ச வேண்டாம்...

ஒருவன் தன் மனைவியை மதிப்பதில் தவறில்லை; ஆனால்,
அவன் அவள் சொல்வதற்கெல்லாம் பணிதல், தவறே ஆகும்!

நல்வழியில் மனைவியைத் திருத்தாது, பணியும் இழி தன்மை,
நல்லோரின் எதிரில், வெட்கத்தால் தலை குனிந்திட வைக்கும்!

'இல்லாள்கண் தாழ்ந்த இயல்பின்மை எஞ்ஞான்றும்
நல்லாருள் நாணந் தரும்', என்பது எச்சரிக்கையாகும்.

மனைவியை அஞ்சி வாழும், மறுமைப் பயன் இல்லாதவனின்
வினையாகிய செயல்கள், என்றுமே சிறப்புப் பெறாது போகும்!

'மனையாளை அஞ்சும் மறுமையி லாளன்
வினையாண்மை வீறெய்தல் இன்று'.

என்றும் மனைவிக்கு அஞ்சியே நடப்பவன், நல்லவர்களுக்கு
என்றும் நல்ல செயல்களைச் செய்து தந்திடவும், அஞ்சுவான்!

'இல்லாளை அஞ்சுவான் அஞ்சுமற் றெஞ்ஞான்றும்
நல்லார்க்கு நல்ல செயல்', என்பதே அந்தக் குறட்பா.

அஞ்சி நடப்பதே வாழ்க்கை என ஆனால், என்ன செய்திடவும்
அஞ்சி நடப்பதே வழக்கமாக ஆகிவிடும், என்பது எச்சரிக்கை!

:moony: . . :fear: . . :nono:

 

[Raji Ram]

'மனையாளை அஞ்சும் மறுமையி லாளன்
வினையாண்மை வீறெய்தல் இன்று'

இந்தக் குறளில் மறுமை என்பதற்கு, மறு பிறவி என்று ஒரு பொருள் இருக்க,

மறுமை என்பது, பிரமச்சரியத்திலிருந்து, இல்லாளனாக மாறுவதே என்பார் சிலர்!

:decision:

 

[Raji Ram]

அன்றும், இன்றும்.

அன்றும், இன்றும், என்றும் மனிதரில்,
நன்றும், தீதும் செய்வோர் உள்ளார்.

நல்லோருக்குத் தீமைகள் செய்திடும்,
அல்லோர் ஒருநாள் நிஜமாய் வீழ்வர்!

நரகாசுரனின் வதத்தை உலகில் நாம்,
நரக சதுர்த்தசி - 'தீபாவளி' என்போம்.

புராண காலத்தில், வேலும், வாளும்;
நவீன காலத்தில், நவீன முறைகள்!

இரு விமானங்கள் விரைந்து, மோதி,
இரு கட்டிடங்கள், நொறுங்கி வீழ்ந்து,

விட்டில் பூச்சிகள் போலவே மக்கள்,
விட்டார், தங்கள் இனிய உயிர்கள்!

உலகினை நடுங்க வைத்த Bin Laden,
உலகினை நீத்த இந்நாளை எண்ணி,

பாதகன் ஒருவன் ஒழிந்தான் என்று,
பாரினிலே கொண்டாடி மகிழ்வோம்!

தர்மம் ஒருநாள் வெல்லும்! :clap2:

 

[Raji Ram]

வள்ளுவரைப் போற்றுவோம் ..... 255

பெண்ணாசை பயனில்லை.

அறிவு, பண்பு இரண்டும் இல்லாத தன் மனைவி, வெறும்
அழகு கொண்டு இருப்பதால், அவள் தோளை அஞ்சுபவன்,

வானவருக்கு நிகராகத் தன்னை நினைத்துக்கொண்டாலும்,
மானவரில் சிறந்தவனாகக்கூட, பெருமை பெற மாட்டான்!

'இமையாரின் வாழினும் பாடிலரே இல்லாள்
அமையார்தோள் அஞ்சு பவர்', என்பது குறள்.

ஒரு பெண்ணிற்கு ஏவல் புரிபவனின் ஆண்மையை விட,
ஒரு பெண்ணின் நாணம் உடைய பெண்மையே சிறந்தது!

'பெண்ணேவல் செய்தொழுகும் ஆண்மையின் நாணுடைப்
பெண்ணே பெருமை உடைத்து', என்று அறிவுறுத்துகிறார்!

நன்னுதல் கொண்ட அழகியின் வயப்பட்டு, அறிவிழப்பவர்,
நண்பர்களின் குறைகளையும் தீர்த்து உதவி புரிய மாட்டார்;

தம்முடைய அறப்பணிகளான, நற்செயல்களும் செய்யார்!
தம்முடைய ஒரு குறளில், இதை உரைக்கிறார் வள்ளுவர்.

'நட்டார் குறைமுடியார் நன்றாற்றார் நன்னுதலாள்
பெட்டாங்கு ஒழுகு பவர்', என எச்சரிக்கிறார் அவர்!

பெண் ஏவல் புரிந்து, ஆண்மையைக் குறைக்க வேண்டாம்;
பெண்களை மதித்து, அன்புடன் பேணினால் அது போதும்!

:grouphug:

 

[Raji Ram]

வள்ளுவரைப் போற்றுவோம் ..... 256

பெண் பித்து பொல்லாதது!

ஆணவங்கொண்ட மனைவியிடம் அடிபணிந்து ஏவல்
தானங்கே புரியும் ஆண்மகன், பெண்பித்தனே ஆவான்!

அறநெறிச் செயல் செய்து, அதனால் பொருளும் பெற்று,
பொருளால் செய்யும் நற்பணிகளை அவன் செய்யான்!

'அறவினையும் ஆன்ற பொருளும் பிறவினையும்
பெண்ணேவல் செய்வார்கண் இல்', என்கின்றார்.

சிறந்த சிந்தனையும், நெஞ்சில் உறுதியும் உள்ளவர்,
மறந்தும் பேதைமையான பெண்ணாசை கொள்ளார்!

'எண்சேர்ந்த நெஞ்சத் திடனுடையார்க்கு எஞ்ஞான்றும்
பெண்சேர்ந்தாம் பேதைமை இல்', என்பது குரளமுதம்!

பெண்ணாசையும், பெண் பித்தும், தவறென அறிவோம்!
மண்ணில் இவை தவிர்த்து, நாம் வாழ்வில் உய்வோம்!

:first:

 

[Raji Ram]

என்றும் உள்ளனர்!

சபலச் சித்தம் உடைய ஆண்கள் இருப்பதால், அவர்களின்
சபலம் தீர்க்கச் சில பெண்களும் வழி மாறிப் போகின்றார்!

'விலை மகளிர்' என அவர்களைக் குறிப்பிட்டு, அவர்களின்
நிலை புரிய வைத்தாலும், 'பொதுமகளிர்' என்றே கூறலாம்!

அவர்களை நாடித் தங்கள் பணிகளை மறந்து போய்விட்டு,
அவர்களின் அடிமைகளாகவே வாழ்பவர், கெட்டுவிடுவார்.

அவர்களால் வாழ்வு பாழாக வேண்டாம் என்பதை உரைக்க,
அதிகாரம் ஒன்றில் குறட்பாக்களைத் தருகிறார், வள்ளுவர்!

:humble:

 

[Raji Ram]

வள்ளுவரைப் போற்றுவோம் ..... 257

அறவழி அறிவோம்...

அற வழிப் பாதையைவிட்டு விலகிப் போகும் ஆடவரின்
ஒரு வழியே, பொதுமகளிரைத் தேடிப் போகும் தன்மை.

அன்பே உண்மையாக இல்லாது, வெறும் பொருளுக்காக,
அன்பைக் காட்டும், அந்த வகையான மகளிரின் இனிய,

சொற்களை நம்பி ஏமாறுவோருக்கு, என்றும் இறுதியில்,
சொல்லொணாத் துன்பமே வந்து சேரும் என்பது நிஜமே.

'அன்பின் விழையார் பொருள்விழையும் ஆய்தொடியார்
இன்சொல் இழுக்குத் தரும்', என்பது நீண்ட அந்த குறட்பா.

தமக்குக் கிடைக்கும் பலன்களை மட்டும் அளந்து பார்த்து,
தமது சொற்களை, அதற்கு ஏற்பப் பேசும் பொதுமகளிரின்,

இனிய சொற்களால், மதி மயங்கி, அறவழிப் பாதை மாறி,
இன்பத்தை நாடாது, அவர்கள் தொடர்பை விடவேண்டும்.

'பயன்தூக்கிப் பண்புரைக்கும் பண்பின் மகளிர்
நயன்தூக்கி நள்ளா விடல்', என்பது அறிவுரை.

இன்னும் வலிமையாக, இவ்வித நடத்தையைக் கண்டிக்க,
இன்னும் ஒரு உவமையைக் காட்டுகிறார், திருவள்ளுவர்.

பணத்தை வேண்டி, பொய்யாக மகளிர் தழுவுதல், அந்நியன்
பிணத்தை, இருட்டறையில் தழுவுதல் போன்றது, என்கிறார்.

'பொருட்பெண்டிர் பொய்ம்மை முயக்கம் இருட்டறையில்
ஏதில் பிணந்தழீஇ அற்று', என்பது அந்தக் குறட்பா ஆகும்.

:rip: