Quotable Quotes Part II

[Visalakshi Ramani]

Share:

Facebook X (Twitter) LinkedIn WhatsApp Email Share Link

483. கருவின் உருவம்

கொண்ட நல்வாயு இருவர்க்கும் ஒத்தெழில்
கொண்ட குழவியும் கோமளமாயிடுங்
கொண்ட நல்வாயு இருவர்க்கும் குழறிடில்
கொண்டது மில்லையாம் கோல்வளை யாட்கே.

புணரும் ஆண் பெண் இருவரின் மூச்சுக் காற்றும் ஒத்து இருந்தால் கருவில் அழகிய குழந்தை உருவாகும். புணரும் போது இருவருக்கும் உயிர்ப்புத் தடுமாறினால் குழந்தை உண்டாகும் வாய்ப்பு இல்லை!

 

[Visalakshi Ramani]

484. பொற்சிலை போன்றது

கோல்வளை உந்தியில் கொண்ட குழவியும்
தால்வளை யுள்ளே தயங்கிய சோதியாம்
பால் வளர்ந்து உள்ள பகலவன் பொன் உருப்
போல் வளர்ந்து உள்ள பொருந்து உரு ஆமே.

பெண்ணின் வயிற்றில் வளரும் குழந்தை பேரொளி உடையது. அது ஆணாகவோ பெண்ணாகவோ வளரும். கதிரவனின் பொன்னிற ஒளியைப் பெற்று வளர்ந்து முழு வடிவம் பெறும்.

 

[mkrishna100]

Compassion arises from empathy; empathy arises from the cultivated ability to truly see anything from the other's point of view. - Judith Hanson Lasater

 

[Visalakshi Ramani]

தன்னைப் போல பிறரையும் நினை!

The blood is red and the bones are white

for each and everyone of us!

 

[Visalakshi Ramani]

திருமூலரின் திருமந்திரம் ( இரண்டாம் தந்திரம் )

14. கர்ப்பக் கிரியை

(கர்ப்பத்தில் உருவாகும் உயிர்களை இறைவன் காக்கும் முறை).

#485. உயிருக்கு இல்லை உருவம்!

உருவம் வளர்ந்திடும் ஒண் திங்கள் பத்தில்
பருவமது ஆகவே பாரினில் வந்திடும்
மருவி வளர்ந்திடும் மாயையினாலே
அருவம் அது ஆவது இங்கு ஆர் அறிவாரே.

கருவில் குழந்தை பத்து மாதங்கள் வளரும். தக்க காலத்தில் உலகில் வந்து பிறந்திடும். மாயை என்னும் வளர்ப்புத் தாயுடன் பொருந்தி மேலும் மேலும் வளரும். ஆயினும் அந்த உருவத்தின் உள்ளே இருக்கும் உயிர் அருவமானது என்ற உண்மையை யார் அறிவார் ?

 

[Visalakshi Ramani]

#486. மயக்கும் மாயை

இட்டான் அறிந்திலன் ஏற்றவள் கண்டிலள்,
தட்டான் அறிந்தும் ஒருவர்க்கும் உரைத்திலன்,
பட்டாங்கு சொல்லும் பரமனும் அங்கு உளன்,
கெட்டேன் இம்மாயையின் கீழ்மை எவ்வாறே.

கருவுக்குக் காரணம் ஆன தந்தை அது என்ன குழந்தை என்றறியான். அதைக் கருவில் ஏற்ற தாயும் அது என்ன குழந்தை என்றறியாள். ஒரு தட்டானைப் போல அதை உருவாக்கும் நான்முகனும் யாருக்கும் அதைக் கூறமாட்டான். அதை அமைக்கும் சதாசிவனும் அங்கே இருப்பான். மாயையின் மயக்கும் சக்தி தான் என்னே!

 

[Visalakshi Ramani]

487. பழமைக்கும் பழமை

இன்பு உற நாடி இருவரும் சந்தித்தித்
துன்பு உறு பாசத்தில் தோன்றி வளர்ந்த பின்,
முன்பு உற நாடி நிலத்தில் முன் தோன்றிய
தொன்பு உற நாடி நின்று ஓதலும் ஆமே.

இன்பம் அடைய விரும்பிய ஆண் பெண் இருவரும் புணருவர். அப்போது துன்பம் பொருந்திய பாசத்தில் தோன்றும் ஓர் உயிர். அந்த உயிர் வளர்ந்த பின்னர் மேன்மை அடைய விரும்பினால் செய்ய வேண்யது இதுவே. உலகில் எல்லாவற்றுக்கும் பழமையான இறைவனை நாடித் துதிக்க வேண்டும்.

 

[Visalakshi Ramani]

திருமூலரின் திருமந்திரம் ( இரண்டாம் தந்திரம் )

14. கர்ப்பக் கிரியை

(கர்ப்பத்தில் உருவாகும் உயிர்களை இறைவன் காக்கும் முறை).

#488. கரு வளரும் விதம்

குயிற்குஞ்சு முட்டையைக் காக்கைக் கூட்டு இட்டால்
அயிர்ப்பு இன்றிக் காக்கை வளர்க்கின்றது போல்
இயக்கு இல்லைப் போக்கு இல்லை ஏன் என்பது இல்லை
மயக்கத்தால் காக்கை வளர்க்கின்ற வாறே.


குயில் தன் முட்டையைக் காக்கைக் கூட்டில் இட்டாலும், காக்கை அதைச் சந்தேகிக்காமல் வளர்த்து வரும். அது போன்றே தாயும் ஒரு மயக்கத்துடன் கருவின் உடலை வளர்ப்பாள் - ஒரு இயக்கம் இல்லாமலும், போக்கு இல்லாமலும், ஏன் என்று கேட்காமலும்!

 

[Visalakshi Ramani]

489. இறைவன் இன்புறுவான்

முதற்கிழங்கு ஆய் முளையாய் அம்முளைப்பின்
அதற் புதலாய், பலமாய் நின்று அளிக்கும்
அதற்கு அதுவாய் இன்பம்ஆவது போல
அதற்கு அதுவாய் நிற்கும் ஆதிப்பிரானே.

முதலில் விதை மட்டும் இருக்கும். பிறகு அது முளைக்கும். பிறகு வளர்ந்து புதர் ஆகும். பிறகு நல்ல கனிகளை அளிக்கும். இதுவே தாவரங்களின் இயல்பு. இதைப் போன்றே எல்லாவற்றையும் படைத்துக் காத்து அளிப்பதே இறைவனுக்கு இன்பம் தருகின்ற செயல் ஆகும்

 

[Visalakshi Ramani]

490. தவத்தால் அறியலாம்

ஏனோர் பெருமையன் ஆகிலும் எம் இறை
ஊனே சிறுமையுள் உட்கலந்து, அங்குளன்,
வானோர் அறியும் அளவல்ல மாதேவன்
தானே அறியும் தவத்தின் உள்ளே.

ஏனைய தேவர்களைக் காட்டிலும் அதிக ஏற்றம் உடையவன் இறைவன். ஆயினும் குற்றம் குறைகள் நிறைந்த சீவர்களின் உடல்களிலும் அவன் கலந்து விளங்குகின்றான். அத்தகைய பெருந்தகையை தேவர்களாலும் அறிய இயலாது. மனிதர்கள் தாங்கள் செய்யும் தவத்தினால் அவனை அறிந்து கொள்ளலாம்

 

[Visalakshi Ramani]

491. பக்குவம் தரும் ஏற்ற உடலை!

பரத்தில் கரைந்து பதிந்த நற்காயம்
உருத்தரித்து இவ்வுடல் ஓங்கிட வேண்டி
திரைக்கடல் உப்புத் திரண்டது போலத்
திரித்துப் பிறக்கும் திருவருளாலே.

இறைவனிடம் நுண்மையாக ஒடுங்கிய உடல் மீண்டும் பருவத்துக்கு ஏற்ற பயன் அடைய வேண்டும். அலைகடலில் கதிரவனின் வெப்பத்தால் திரண்டு உருவாகும் உப்பைப் போலவே, இறைவன் அருளால் மீண்டும் உடல் ஒரு கருவிலே உருவாகின்றது.

 

[Visalakshi Ramani]

திருமூலரின் திருமந்திரம் ( இரண்டாம் தந்திரம் )

15. சீவ வர்க்கங்கள்

1. விஞ்ஞானகலர் – ஆணவம் ஒன்றை மட்டும் உடையவர்.

2. பிரளயாகலர் – ஆணவம், கன்மம் இரண்டையும் உடையவர்.

3. சகலர் – ஆணவம், கன்மம், மாயை என்னும் மூன்றையும் உடையவர்.

 

[Visalakshi Ramani]

#492. சிவமயம் ஆக்கும்

சக்தி சிவன் விளையாட்டால் உயிராக்கி
ஒத்த இரு மாயா கூட்டதிடையூட்டிச்
சுத்தம தாகுந் துரியம் புரிவித்துச்
சித்தம் புகுந்து சிவமயமாக்குமே.

சிவனும் சக்தியும் உயிர்களை நுண் உடல்களில் புகுத்துவர். இது அவர்களுக்கு ஒரு விளையாட்டு. சுத்தம், அசுத்தம் என்னும் இரண்டு மாயைகளுடன் கூட்டுவிப்பர். மேலான துரிய நிலையை அடையச் செய்வர். அதன் பின் உயிர்கள் சிவமயம் ஆகும்படி அருள் செய்வர்.

 

[Visalakshi Ramani]

#493. பத்துப் பிரிவினர்

விஞ்ஞானர் நால்வரும், மெய்பிரளயாகலத்
தஞ்ஞானர் மூவரும், தாங்கு சகலத்தின்
அஞ்ஞானர் மூவரும் ஆகும் பதின்மராம்;
விஞ்ஞானர் ஆதியர் வேற்றுமை தானே.

தெளிந்த ஞானம் உடைய விஞ்ஞானர் நான்கு வகைப்படுவர். பேரூழிக் காலத்தில் ஞானம் அடையும் பிரளயாகலர் மூன்று வகைப்படுவர். உலக வாழ்விலும் அறியாமையிலும் அழுந்தியுள்ள சகலர் மூன்று வகைப்படுவர். இவ்வாறு சீவர்கள் பத்து வகைப்படுவர்.

விளக்கம்

விஞ்ஞானர் நான்கு வகையினர்:
உடலுடன் இருக்கும் போதே சிவத்துடன் பொருந்திய சீவன் முக்தர் ஒருவகை
உடலை விட்டுப் பிரிந்த பின்னர் சிவத்துடன் பொருந்துகின்ற
உத்தம, மத்திம, அதமர் என்ற மேலும் மூன்ற வகையினர்.

பிரளயாகலர் மூன்று வகையினர்:
உத்தம, மத்திம, அதம வகையினர்.

சகலர்:
உத்தம, மத்திம, அதம வகையினர்.

 

[Visalakshi Ramani]

#494. விஞ்ஞானர் நான்கு வகையினர்


விஞ்ஞானர் கேவலத்து ஆராது விட்டவர்;
அஞ்ஞானர் அட்ட வித்தேசாரம் சார்ந்துளோர்;
எஞ்ஞானம் ஏழ்கோடி மந்திர நாயகர்;
மெய்ஞானர் ஆணவம் விட்டு நின்றாரே.

ஆணவத்தை மட்டும் உடைய தன்னலம் நீங்கியவர்; ஆன்ம ஞானம் உடைய அட்ட வித்தியேசுரபதம் சார்ந்தவர், உயர்ந்த ஞானம் கொண்ட ஏழு கோடி மந்திரேசுரர்; உண்மையான் அஞ்ஞானம் பெற்று ஆணவ மலத்தை அழித்தவர் என்று நான்கு வகைப்படுவர் விஞ்ஞானகலர்.

 

[Visalakshi Ramani]

திருமூலரின் திருமந்திரம் ( இரண்டாம் தந்திரம் )

15. சீவ வர்க்கங்கள்

#495. அடையும் பதங்கள்

இரண்டாவதில் முத்தி எய்துவர் அத்தனை,
இரண்டாவதுள்ளே இருமல பெத்தர்,
இரண்டு ஆகும் நூற்றெட்டு உருத்திரர் என்பர்
முரண்சேர் சகலத்தார் மும் மலத்தாரே.

விஞ்ஞானகலரில் பக்குவம் சற்றுக் குறைவாக இருப்பவர்கள் உடலுடன் உள்ள போதே சீவன் முக்தி அடைவதில்லை. அவர்கள் அடுத்த பிறவியில் சிவனைச் சென்று அடைவர். பிரளயாகலர் இரு பிறவிகளில் உருத்திர பதவி அடைவர். மாயையினால் பந்திக்கப்பட்ட சகலர் தங்களுடைய மூன்று மலங்களும் அழியாமல் இருப்பார்.

---------------------------------------------------------------------------------------------------

#496. சகலரின் வகைகள்

பெத்தத்த சித்தோடு பேண்முத்தச் சித்துஅது
ஒத்திட்டு இரண்டிடையூடு உற்றார் சித்துமாய்
மத்தது மும்மலம் வாட்டுகை மாட்டாதார்
சத்தத்து அமிழ்ந்து சகலத்து உள்ளாரே.

ஆணவம், கன்மம், மாயை என்னும் மூன்றும் உடையவர் சகலர். இவர்களில் சிலர் சித்தான சிவதைப் பேணியதால் ஞான வடிவான சிவம் ஆகி விடுவர். ஞானம் கிரியை என்னும் இரண்டும் ஒத்துப் போய் சதாசிவ நிலையில் பற்றி நிற்பவர் ஆணவம் கன்மம் இரண்டையும் கடந்து ஞான வடிவாக நிற்பர். ஆணவம், கன்மம், மாயை என்ற மூன்றும் நீங்கப் பெறாதவர் நாதத் தத்துவத்தை அறியாத சகலராகவே எப்போதும் இருப்பர்.

--------------------------------------------------------------------------------------------------------

#497. சிவனை அறிந்தவர் ஆவார்

சிவம்ஆகி ஐவகைத் திண்மலம் செற்றோர்
அவம்ஆகாச் சித்தர் முத்தாந்தத்து வாழ்வார்
பவம்ஆன தீர்வோர்; பசுபாசம் அற்றோர்
நவம் ஆன தத்துவம் நாடிக் கொண்டாரே.

ஐந்து வகைப்பட்ட மலங்கள் ஆணவம், கன்மம், மாயை, மாயேயம், திரோதாயி என்பவை. இந்த ஐந்தையும் வென்றவர் சித்தர் ஆகிவிடுவார். என்றும் அழிவில்லாத நிலையில் இருப்பார். அவருடைய பசு பாசத் தன்மைகள் நீங்கிவிடும். அவருக்குப் பிறவிப்பிணி ஓழிந்து விடும். அவர் சிவனின் ஒன்பது நிலைகளையும் நன்கு அறிவார். அவை சிவம், சக்தி, நாதம், விந்து, சதாசிவன் , மகேசுரன் , உருத்திரன், திருமால், நான்முகன் என்பவை.

-------------------------------------------------------------------------------------------------------

 

[Visalakshi Ramani]

திருமூலரின் திருமந்திரம் ( இரண்டாம் தந்திரம் )

15. சீவ வர்க்கங்கள்

#498. ஒன்பது வகையினர்

விஞ்ஞானர் ஆணவ கேவலம் மேவுவார் ;
விஞ்ஞானம் மாயையில் தாங்கும் இருமலர்;
அஞ்ஞானர் அச்சகலத்தார் சகலராம்
விஞ்ஞானர் ஆதிகள் ஒன்பான் வேறு உயிர்களே.

விஞ்ஞானர் ஆணவம் என்ற ஒரு மலத்தை மட்டும் உடையவர். சுத்த மாயையில் உள்ள பிரளயாகலர் ஆணவம், கன்மம் என்னும் இரண்டு மலங்களை உடையவர். சகலர் அறிவற்றவர்கள். ஆணவம், கன்ம, மாயை என்னும் மும்மலங்களையும் உடையவர். இந்த ஒவ்வொரு வகையிலும் உத்தமம், மத்திமம், அதமம் என்ற மூன்று மூன்று பிரிவுகள் என மொத்தம் ஒன்பது வகைகள் உள்ளன.

----------------------------------------------------------------------------------------------------

#499. மூவருக்கும் முக்தி

விஞ்ஞான கன்மத்தால் மெய்அகம் கூடி
அஞ்ஞான கன்மத்தினால் சுவர் யோனி புக்கு
எஞ்ஞான மெய் தீண்டியே இடைவிட்டுப் போய்
மெய்ஞானர் ஆகிச் சிவம் மேவல் உண்மையே.

விஞ்ஞானகலர் எடுத்த பிறவியிலேயே ஞானம் பெற்றுச் சிவபதம் சென்று அடைவர். இவர்கள் ஞான கர்மத்தால் உள் நின்று உணர்த்தப் பெறுவர் . பிரளயாகலர் இங்ஙனம் ஞான கர்மத்தால் உள் நின்று உணர்தப் பெறார். இவர்கள் சில பிறவிகளில் சுத்த வித்தியா மண்டலங்களை அடைந்து அதன் பின்னர் சிவபதம் சென்று சேருவர். சகலர் பலப்பலப் பிறவிகளில் படிப்படியாக ஞானம் பெறுவர். உண்மையான ஞானத்தை அடைந்த பின்பு இவர்களும் சிவபதம் சென்று சேருவர். சிவசாயுச்சியம் என்பது அனைவருக்கும் உறுதியாகக் கிடைக்கும்.

---------------------------------------------------------------------------------------------------


#500. சகலருக்கும் சிவப்பேறு

ஆணவந் துற்ற அவித்தாம் நனவு அற்றோர்
காணிய விந்துவாம் ; நாத, சகல ஆதி
ஆணவம் ஆதி அடைந்தோர் அவர் அன்றே
சேண் உயர் சத்தி சிவதத்துவம் ஆமே.

ஆணவத்துடன் கூடிய அஞ்ஞானத்தை முற்றிலுமாக நீக்கியவர், சகல நிலையிலும், உடம்புடன் உள்ள போதே, நாதம் பிந்து ஆகியவற்றைக் காண முடியும். ஆணவம் முதலான மலங்களை உடையவரோ எனில், அம்மலங்கள் முற்றிலுமாக நீங்கிய பிறகே, மேன்மை பொருந்திய சிவமண்டலங்களைச் சென்று அடைய முடியும்.

-----------------------------------------------------------------------------------------------------------

 

[Visalakshi Ramani]

I just completed the Moondraam Thanthiram of Thirumanthiram.

The fourth blog Naangaam Thanthiram willbe launched very soon.

I am giving the links to the first three blogs since they are

yet to be added to the list of blogs in my website.

 

[Visalakshi Ramani]

#883. இன்பம் பொங்கும் எங்கும்!

மாறு மதியும தித்திரு மாறின்றித்
தாறு படா மற்றண் டோடே தலைப் படில்
ஊறு படாதுடல் வேண்டும் உபாயமும்
பாறு படாவின்பம் பார்மிசைப் பொங்குமே.

கீழ் நோக்குதல் இல்லாத சந்திர கலையை என்றும் மாறுபடாமல் போற்றுங்கள். சுழுமுனை வழியே ஸஹஸ்ரதளத்தை அடைந்தால் உடல் அழியாது. செய்யும் யோகம் கைக் கூடும். இன்பம் பொங்கும் எங்கும்!

இத்துடன் மூன்றாம் தந்திரம் முற்றுப் பெற்றது.

 

[Visalakshi Ramani]

[FONT=Georgia, serif]https://thirumanthiram1.wordpress.com/
[/FONT]
[FONT=Georgia, serif]https://thirumanthiram2.wordpress.com/
[/FONT]
[FONT=Georgia, serif]https://thirumanthiram3.wordpress.com/[/FONT]

 

[Visalakshi Ramani]

திருமூலரின் திருமந்திரம் ( இரண்டாம் தந்திரம் )

16. பாத்திரம்

பாத்திரம் என்பது அறநெறியில் ஈட்டிய பொருளைப்

பத்திரமாகச் சேமித்து வைக்கும் இடம் ஆகும்.

#501. தானப் பயன்

திலமத்தனை பொன் சிவஞானிக்கீந்தால்
பல முத்தி சித்தி பரபோகமுந் தரும்
நிலமத்தனை பொன்னை நின்மூடர்க்கீந்தால்
பலமுற்றே பர போகமும் குன்றுமே.

எள்ளளவு பொன்னைச் சிவஞானியாருக்கு ஈந்தால் அதன் பயனாக இம்மையில் இன்பமும், சித்தியும் கிடைக்கும். மறுமையில் முக்தி கிடைக்கும். அஞ்ஞானியருக்கு பூமி அளவு பொன்னைத் தந்தாலும் இம்மையில் இன்பம் கிடைக்காது; மறுமையில் முக்தியும் கிடைக்காது.

-----------------------------------------------------------------------------------------------------------

#502. நாதனை உணர்ந்தவர் தேவர் ஆவர்

கண்டிருந் தாருயிர் உண்டிடுங் காலனைக்
கொண்டிருந் தாருயிர் கொள்ளுங் குணத்தனை ‘
நன்றுணர்ந் தார்க்கருள் செய்திடு நாதனைச்
சென்றுணர்ந் தார் சிலர் தேவருமாமே.

உரிய காலம் வரை காத்திருந்து அதன் பின்னர் உயிரைப் பறித்துச் செல்வான் யமன். அவனைச் செலுத்துபவன் சிவபெருமானே ஆவான். எட்டுச் சீரிய குணங்களை உடைய சிவன். தன்னை நன்றாக உணர்ந்தவர்களுக்கு அருள் புரிவான். அவன் விளங்குகின்ற நாத விந்து மண்டலங்களைச் சென்று அடைந்தவர்கள் வானவர்கள் ஆகி ஒளி மண்டலத்தில் வசிப்பார்கள்.

------------------------------------------------------------------------------------------------------

#503. இறைவனை வணங்க வேண்டும்.

கைவிட்டிலேன் கருவாகிய காலத்தும்
மெய்விட்டிலேன் விகிர்தன் அடி தேடுவன்
பொய்விட்டு நானே புரிசடையான் அடி
நெய்விட்டிலாத இடிஞ்சிலும் ஆமே.

அன்னையின் வயிற்றில் நான் கருவாக இருந்த போதே சிவஞானத்தைப் பற்றி இருந்தேன். நான் உடலுடன் கூடி இருந்த போதும் அவன் நினைவு நீங்காமல் இருந்தேன். பொய்யான உடலை விடுத்த பின்பும் நான் ஒளி மயமான சிவன் திருவடிகளையே நாடுவேன். நெய் விடாத விளக்கு போல ஒளிர்கின்ற அது ஒரு தூண்டா விளக்கு ஆகும்.


-------------------------------------------------------------------------------------------------------

#504. தன்மயமாகி இருப்பர்

ஆவன ஆவ, அழிவ அழிவன,
போவன போவ, புகுவ புகுவன,
காவலன் பேர் நந்தி, காட்டித்துக் கண்டவன்
ஏவன செய்யும் இளங்கிளை யோனே.

வர வேண்டியவை தாமே வந்து சேரும். நீங்க வேண்டியவை தாமே நீங்கி விடும். கழிய வேண்டியவை தாமே கழியும். அனுபவிக்க வேண்டியவை தாமே வந்து சேரும். இறைவள் காட்டுவதைக் கண்டு அமைபவனே ஈசன் ஆணைப் படி நடக்கும் தகுதி வாய்ந்தவன் ஆவான்.

-----------------------------------------------------------------------------------------------------------

 

[Visalakshi Ramani]

திருமூலரின் திருமந்திரம் ( இரண்டாம் தந்திரம் )

17. அபாத்திரம்

தகுதியற்றவர்கள் ஆவர் அபாத்திரம்.
நல்லார்க்கு ஈவது நற்பயன் தரும்.
அல்லார்க்கு ஈவது நற்பயன் தராது.

#505. வறண்ட பசு

கோல வறட்டைக் குனித்துக் குளகிட்டுப்
பாலைக் கறந்து பருகுவ தேயொக்குஞ்
சீலமு நோன்பு மிலாதவர்க் கீந்தது
காலங் கழிந்த பயிரது வாகுமே.

ஒழுக்கமும், நோன்பும் இல்லாதவர்க்கு ஈவது எதைப் போன்றது? அழகிய வறட்டுப் பசுவுக்கு குனிந்தும் நிமிர்ந்து பசுந் தழைகள் இட்டு அதன் பாலைக் கறந்து குடிப்பது போன்றது ஆகும். பருவம் தவறிச் செய்த பயிரைப் போன்றது ஆகும்.

--------------------------------------------------------------------------------------------------------

# 506. அன்பிலாதவர்க்கு ஈதல்

ஈவதி யோக மியம நியமங்கள்
சார்வ தறிந்தன்பு தங்கு மவர்க்கன்றி
ஆவ தறிந்தன்பு தங்காதவர்களுக்கு
ஈவா பெரும் பிழை யென்று கொள்ளீரே.

யோகம் செய்யும் போது செய்ய வேண்டியவை எவை தவிர்க்க வேண்டியவை எவை என்பதை நன்கு அறிந்த, அன்பு உடையவர்களுக்கே தானம் செய்ய வேண்டும். அங்ஙனம் உள்ளத்தில் அன்பு சிறிதும் இல்லாதவர்களுக்கும், சார்பு அறியாதவர்களுக்கும் தானம் செய்வது பெரிய தவறு ஆகும். உலகத்தோரே இதை நன்கு அறிந்து கொள்வீர்!!

---------------------------------------------------------------------------------------------------------

#507. நரகத்தில் அழுந்தான்

ஆமா றறியா னதி பஞ்ச பாதகன்
தோமாறும் ஈசற்குந் தூய குரவற்கும்
காமாதி விட்டோர்க்கும் தரல் தந்து கற்பிப்போன்
போமா நரகிற் புகான் போதங் கற்கவே.

பஞ்சமா பாதகன் நல்லவர்களுக்கு தானம் தருவதன் பயனை அறியாமல் வீணே கெடுவான். ஆனால் குற்றமற்ற குருவுக்கும், தூய பெரியவர்களுக்கும், காமம் முதலிய மன மலங்களை முற்றிலுமாக அழித்தவர்களுக்கும் தானம் தருபவன் ஒரு நாளும் நரகக் குழியில் விழவே மாட்டான்.

------------------------------------------------------------------------------------------------------------

#508. ஏழு வகை நரகங்கள்

மண்மலை யத்தனை மாதனம் ஈயினும்
அண்ணல் இவனென்றே யஞ்சலி யத்தனாய்
எண்ணி யிறைஞ்சாதார்க் கீந்த விருவரும்
நண்ணுவ ரேழா நரகக் குழியிலே.

மண் மலையளவு பெரிய பொருளைத் தானம் செய்தாலும், சிவனே முன் நின்று அதைத் தருகின்றான் என்று எண்ணி கூப்பிய கைகளுடன் சிவனை வணங்க வேண்டும். அவ்வாறு எண்ணாமல் தானம் கொடுக்கின்றவனும், அதை வாங்குகின்றவனும் ஏழு வகைப்பட்ட நரகங்களில் வீ ழ்ந்து வருந்துவர்.

------------------------------------------------------------------------------------------------------

 

[Visalakshi Ramani]

திருமூலரின் திருமந்திரம் ( இரண்டாம் தந்திரம் )

18. தீர்த்தம்

தீர்த்தம் என்றால் தூய நீர் என்று பொருள். காவிரியும், கங்கையும் மண்ணில் பாய்ந்து மக்களைத் தூய்மைப் படுத்துகின்றன. அது போன்றே உடலின் உள்ளேயும் மூலாதாரம் முதல் சஹஸ்ர தளம் வரையில் தூய நீர் உள்ளது. அந்த நீரை அறிந்து கொண்டு அதில் நீராட வேண்டும்.

509. ஏழு தீர்த்தங்கள்

உள்ளத்தின் உள்ளே உளபல தீர்த்தங்கள்
மெள்ளக் குடைந்து நின்று ஆடார் வினை கெடப்
பள்ளமும் மேடும் பரந்து திரிவரே
கள்ள மனம் உடைக் கல்வி இலோரே.

உடலின் உள்ளே மூலாதாரம் முதல் சஹஸ்ரதளம் வரையில் ஏழு இடங்களில் தூய நீர் உள்ளது. நாம் செய்த வினைகள் நீங்கிட இந்தத் தூய நீரில் நீராட வேண்டும். நேர்மையான மனமும், தெளிந்த அறிவும் இல்லாதவர்கள் பள்ளங்களிலும் மலைகளிலும் தூய நீரைத் தேடி அலைவார்கள்.

-------------------------------------------------------------------------------------------------------

#510. அகத்தில் சிவன் விளங்குவான்

தளி அறிவாளர்க்குத் தண்ணியதாய்த் தோன்றும்
குளி அறிவாளர்க்குக் கூடவும் ஒண்ணான்
வளி அறிவாளர்க்கு வாய்க்கினும் வாய்க்கும்
தெளி அறிவாளர்தம் சிந்தையுளானே.

கோவிலில் சென்று வழிபடுபவருக்குச் சிவன் குளிர்ச்சியுடையவனாகி அருள் செய்வான் .காம நெறியில் செல்பவர்களுக்கு அவன் அடைய முடியாதவன் ஆவான். மூச்சுப் பயிற்சியும் பிராணாயாமமும் செய்பவர் ஒருவேளை அவனை அடையக் கூடும். ஆயினும் அவன் தெளிந்த ஞானம் உடையவர் சிந்தையில் எப்போதும் இடையறாது வீற்றிருப்பான்.

--------------------------------------------------------------------------------------------------------------

#511. கள்ள மனம் கொண்டவர்

உள்ளத்தின் உள்ளே உணரும் ஒருவனைக்
கள்ளத்தின் ஆருகலந்து அறிவார் இல்லை
வெள்ளத்தை நாடி விடும் அவர் தீவினை
பள்ளத்தில் இட்டது ஒரு பத்தலுள் ஆமே.

உள்ளத்தால் உணர இயலும் சிவபெருமானை! கள்ள மனம் கொண்ட, ஒழுக்கம் அற்றவர்களால் சிவனை அறிய இயலாது. இன்பத்தை நாடும்அவர்கள் மனம் ஒரு ஒட்டையான சால் போன்றது. அவர்கள் சிவனை அறிய முயல்வது ஓட்டைச் சாலை வைத்துக் கொண்டு மேட்டுக்கு நீரை இறைப்பதைப் போன்று வீணாகும்.

----------------------------------------------------------------------------------------------------------

 

[Visalakshi Ramani]

திருமூலரின் திருமந்திரம் ( இரண்டாம் தந்திரம் )

18. தீர்த்தம்

#512. தலை உச்சியில் உள்ளது கங்கை நீர்!

அறிவு ஆர் அமரர்கள் ஆதிப் பிரானைச்
செறிவான், உறைபதம் சென்று வலங்கொள்
மறியார் வளைக்கை வருபுனல் கங்கைப்
பொறிஆர் புனல் மூழ்கப் புண்ணியர் ஆமே.

ஒளி மண்டலத்தில் வாழ்பவர்கள் அமர்கள். அவர்கள் விந்து மண்டலத்தை அடைந்து, ஆதிப் பிரானாகிய சிவபெருமானை அடைவர். ஐம் பொறிகளை உடைய அன்பர்கள் காமத்தைத் தடுத்து வெற்றி கொண்டால், ஓங்கார நாதத்துடன் தலை உச்சியில் பாயும் கங்கை நீரில் நீராடிப் புனிதர்கள் ஆகிவிடலாம்.

-------------------------------------------------------------------------------------------------------

#513. சிவனை உள்ளத்தில் தேடுவீர்

கடலில் கெடுத்துக் குளத்தில் காண்டல்
உடலுற்றுத் தேடுவார் தம்மை ஒப்பார் இல்;
திடம் உற்ற நந்தி திருவருளால் சென்று
உடலில் புகுந்தமை ஒன்று அறியாரே.

கடலில் ஒரு பொருளைப் போட்டு விட்டு அதை குளத்தில் சென்று தேடுவர் சிலர். ஆயினும் நீர்ப்பை என்னும் கடலில் விந்து நீக்கம் ஆவதைக் கெடுத்தவர், அதை நெற்றிப் பகுதியில் உள்ள குளத்தில் ஒளியாகப் பெற முடியும். சிவபெருமான் தன் திருவருளால் நம் உடலில் புகுந்துள்ளதால் இதுவும் சாத்தியமே.

-------------------------------------------------------------------------------------------------------
#514. சந்திர மண்டலம்

கலந்தது நீர் அது உடம்பில் கறுக்கும்;
கலந்தது நீர் அது உடம்பில் சிவக்கும்;
கலந்தது நீர் அது உடம்பில் வெளுக்கும்;
கலந்தது நீர், அனல், காற்று அது ஆமே.

சீவன் தாமச குண வயப்பட்டிருக்கும் போது உடலில் கலந்துள்ள நீர் கருமை நிறம் உடையதாக இருக்கும். ராஜச நிலையில் மூல வாயு நெற்றியைச் சென்று அடையும் போது மாதுளம் பூவைப் போன்று சிவந்த நிறத்துடன் இருக்கும். சாத்விக குணத்துடன் சிதாகாசத்தை அடையம் போது வெண்மையான ஒளியுடன் விளங்கும். இவ்வாறு கலந்த நீரில் தீயின் ஒளியும், காற்றியின் இயக்கமும் கலந்து இருக்கும்.

-----------------------------------------------------------------------------------------------------------------

 

[Visalakshi Ramani]

திருமூலரின் திருமந்திரம் ( இரண்டாம் தந்திரம் )

19. திருக்கோவில் இழிவு

கோவிலுக்குச் செய்யும் இழிவுகளால் விளையும் கேடு!

#515. தாவர லிங்கம்

தாவர லிங்கம் பறித்தொன்றில் தாபித்தால்
ஆவதன் முன்னே யரசு நிலை கெடுஞ்
சாவதன் முன்னே பெருநோய் அடுத்திடுங்
காவலன் பேர் நந்தி கட்டுரைத் தானே.

சிவலிங்கம் சிவபெருமானுடைய அருவுருவத் திருமேனி ஆகும். ஓரிடத்தில் அமைக்கப் பட்டுள்ள ஒரு லிங்கத்தைப் பெயர்த்து வேறு இடத்தில் வைத்தால் ஆகாது. அவ்வாறு செய்ய எண்ணினால் அது நிகழும் முன்பே அந்த நாட்டின் ஆட்சி அழிந்து போகும். லிங்கத்தைப் பெயர்த்தவனை அவன் இறக்கும் முன்பே தொழுநோய் வந்து பற்றும். இதை உலகுக்கு உரைத்தவன் உலகின் காவலனான சிவபெருமான்.

-----------------------------------------------------------------------------------------------------

#516. கோவில் மதில்

கட்டுவித் தார்மதில் கல்லொன்று வாங்கிடில்
வெட்டுவிக் கும் அபிடேகத் தரசரை
முட்டுவிக் கும்முனி வேதியராயினும்
வெட்டுவித் தேவிடும் விண்ணவ னாணையே.

கோவில் மதிலின் ஒரு கல்லைப் பெயர்த்து எடுத்தால் அதன் தீமைப்பயன் முடி சூடிய மன்னனையே வெட்டி வீழ்த்தி விடும். முனிவர்களின் செய்கின்ற தவம் பயன் தராமல் தடுக்கும். அவ்வாறு கல்லைப் பெயர்த்துப் பறித்தவன் அந்தணன் ஆயினும் அவனையும் வெட்டி வீழும்படிச் செய்யும். இது சிவ பெருமானின் ஆணை ஆகும்.

-----------------------------------------------------------------------------------------------

#517. பூசைகள் தவறக் கூடாது

ஆற்றரு நோய்மிக் கவனி மழையின்றிப்
போற்றரு மன்னரும் போர்வலி குன்றுவர்
கூற்றுதைத் தான்றிருக் கோவில்க ளெல்லாஞ்
சாற்றிய பூசைகள் தப்பிடிற் றானே.

காலனைக் காலால் உதைத்தவன் சிவபெருமான். அவன் திருக் கோவில்களில் மறைகள் விதித்தபடி பூசைகள் நடைபெற வேண்டும். அங்ஙனம் பூசைகள் நிகழவில்லை என்றால் குணப்படுத்த முடியாத பல வியாதிகள் தோன்றும். பருவத்தே மழை பொழியாது பொய்க்கும். மன்னனின் போர் ஆற்றல் குறைந்து விடும்.

------------------------------------------------------------------------------------------------------------