Quotable Quotes Part II

[Visalakshi Ramani]

Share:

Facebook X (Twitter) LinkedIn WhatsApp Email Share Link

#892 to #895

#892. சிவாய என்றிருப்பதுவே ஆனந்தம்

ஆனந்தம் மூன்றும், அறிவு இரண்டு, ஒன்று ஆகும்;
ஆனந்தம் ‘சிவாய’ ; அறிபவர் பலர் இல்லை;
ஆனந்தமோடும் அறிய வல்லார்கட்கு
ஆனந்தக் கூத்தாய் அகப்படுந் தானே.

‘அ ‘, ‘உ ‘ , ‘ம’ என்ற மூன்றும் ஆனந்தம் ஆகும். விந்து நாதம் இவையிரண்டும் அறிவு ஆகும். இவை அனைத்தும் ஒன்றாக இணைந்து பிரணவம் என்ற ஒன்றாகும். ‘சி ‘என்னும் சிவனை ‘நம’ என்பதுடன் பொருத்தாமல் ‘வாய’ என்று சக்தியால் ஆன்மாவிடம் பொருத்தினால் சிவானந்தம் உண்டாகும். இந்த உண்மையைப் பலரும் அறிவதில்லை! இந்த உண்மையை அறிந்து கொண்டவர்களுக்குச் சிவன் ஆனந்தக் கூத்தன் என்ற உண்மை விளங்கும். அவன் நிகழ்த்தும் ஆந்தக் கூத்தும் புலப்படும்.

#893. பயன் விந்து நாதமே ஆகும்!

படுவது இரண்டும் பலகலை வல்லார் ;
படுவது ஓங்காரம் பஞ்சாக் கரங்கள் ;
படுவது சங்காரத்தாண்டவப் பத்தி;
படுவது கோணம் பரந்திடும் வாறே.

பல நூல்களைக் கற்று தேர்ந்தவர்கள் விந்து, நாதம் இவற்றைப் பெறுவர். பிரணவம் ஆகிய ஓங்காரம் அல்லது திரு ஐந்தெழுத்தாகிய ‘நமசிவாய’ இவற்றைக் கொண்டும் நாதம், விந்து விளங்கும் குருமண்டலத்தை அடைய முடியும். இதை விளக்குவது ஈசனின் சங்காரத் தாண்டவம் ஆகும். அது சஹஸ்ர தலத்தில் விந்துத் திரி கோணம் என்ற பெயரில் விரிந்து பரந்து உள்ளது.

விளக்கம்
பிரணவ யோகத்தால் நாதம் விந்து விளங்குவது குருமண்டலதில். பஞ்சாக்ஷர யோகத்தால் விளங்குவது ‘சிவாய’ என்னும் சக்தி மண்டலம். செபம் அற்ற போது இந்தச் சக்தி மண்டலம் விந்து நாதமாக ஆகிவிடும். இரண்டு யோகங்களுக்கும் பயன் ஒன்றே. அதுவே விந்து நாதத்தைப் பெறுவது.

#894. பொதுச் சபையும் சிவமும்

வாறே சதாசிவ மாறுஇலா ஆகமம்;
வாறே சிவகதி வண்துறை; புன்னையும்;
வாறே திருக்கூத்து ஆகம வசனங்கள்
வாறே பொது ஆகும் மன்றின் அமலமே.

சதாசிவனால் அளிக்கப்பட்ட ஆகமம் சிவ நெறிக்கு மாறாத வேத நெறியாகும். வளமை மிகுந்த இவற்றை அடைந்தால் பாச நீக்கம் ஏற்படும். இதுவே சைவ ஆகமங்கள் கூறும் உண்மை அறிவு. இதுவே எல்லோருமே சென்று அடையும் பொதுச் சபையாகும். இதுவே குற்றமற்ற சிவன் விளங்கும் இடம் ஆகும்.

#895. சதாசிவம் என்னும் ஆதாரம்

அமலம் பதிபசு பாசங்கள் ஆகமம் ;
அமலம் திரோதாயி ஆகும் ஆனந்தமாம்;
அமலம் சொல் ஆணவம் மாயை காமியம்
அமலம் திருக் கூத்து அங்கு ஆம் இடம் தானே.

அமலனான சிவனே பதி, பசு, பாசங்களுக்கு ஆதாரம் ஆனவன். அந்தச் சிவமே மாயையின் மறைப்புக்கும், சீவனின் ஆனந்தத்துக்கும் ஆதாரம். ஆணவம் கன்மம், மாயை இவற்றுக்கும் அந்த அமலன் சிவனே ஆதாரம். அந்தச் சிவன் விளங்குகின்ற இடம் சங்காரத் தாண்டவம் நிகழும் இடமாகும்.

 

[Visalakshi Ramani]

#896. சிவன் ஒப்பற்றவன்

தானே தனக்குத் தலைவனு மாய்நிற்கும்
தானே தனக்குத் தன்மைலை யாய்நிற்கும்
தானே தனக்குத் தன்மய மாய்நிற்கும்
தானே தனக்குத் தலைவனு மாமே.

சிவசக்தியாக ஒன்றி விளங்குவதால், தானே தன் உடலின் ஒரு பாதியில் உள்ள சக்திக்குத் தலைவன் ஆவான். தான் விளங்கும் மலையாகவும் தானே விளங்குகின்றான் சிவபெருமான். பிறவற்றுடன் கலந்து விளங்கும் போதும் தன்னுடைய இயல்பில் எந்த மாறுபாடும் இல்லாமல் குறையின்றி விளங்குகின்றான். தன்னை ஏவும் தலைவன் என வேறு யாருமில்லாததால் தனக்குத் தானே தலைவன் ஆக விளங்குகின்றான்.

#897. தானே அனைத்துக்கும் தலைவன்

தலைவனு மாய்நின்ற தற்பரக் கூத்தனை
தலைவனு மாய்நின்ற சற்பாத் திரத்தைத்
தலைவனு மாய்நின்ற தாதவிழ் ஞானத்
தலைவனு மாய்நின்ற தாளிணை தானே.

நிர்மலமான சிவனே உயிரினத்துக்குத் தலைவன் ஆவான். அந்த சிவனே அந்த உயிர்களைத் தாங்கும் தலைவனாகவும் உள்ளான். சஹஸ்ரதளத்தில் விளங்கிச் சீவன்களுக்கு ஞானத்தைத் தரும் கதிரவனும், மதியும் அவனது இரு திருவடிகள் ஆகும்.

#898. எழுத்துக்கள் எல்லாம் சிவனே!

இணை ஆர்திருவடி எட்டு எழுத்து ஆகும்;
இணை ஆர்கழல் இணை ஈரைஞ்சு அதுஆகும்;
இணை ஆர்கழல் இணை ஐம்பத்தொன்று ஆகும்;
இணை ஆர்கழல் இணை ஏழாயிரமே.

‘எட்டு’ என்னும் எண்ணைக் குறிக்கின்ற ‘அ ‘ சிவபெருமானின் திருவடிகள் ஆகும்.
(ஈரைஞ்சு) பத்து என்ற எண்ணைக் குறிக்கும் ‘ய’ சிவன் ஆன்மாவில் விளங்குவது ஆகும்.
ஐம்பத்தொன்று எழுத்துக்களிலும் விளங்குபவன் சிவபெருமானே ஆவான். சிவபெருமான் எழுத்து வடிவில் உள்ள ஒலியுலகமாக எங்கெங்கும் விளங்குகின்றான்.

ஏழு வகை சக்திகள் அல்லது ஆற்றல்கள் இவைகள்:

ஏழு சக்தியர்…………….தொழில்கள்…………………தலைவியர்

1. கலைமகள்………….. படைத்தல்………………….வாணி

2. அலைமகள்…………. காத்தல்…………………….திருமகள்

3. உலைமகள்…………. அழித்தல் …………………..உமை

4. சலமகள்……………. மறைத்தல்………………….மகேசை

5. மலைமகள்………….. அருளல்……………………மனோன்மணி

6. நிலைமகள்………….. கலப்பித்தல்…………………விந்து

7. தலைமகள்………….. களிப்பித்தல்………………..சக்தி
#899. மந்திரங்களின் வகைகள்
ஏழா யிரமாய், இருபதாய், முப்பதாய்,
ஏழா யிரத்தும் எழுகோடி தான் ஆகி,
ஏழா யிரத்து உயிர் எண் இலா மந்திரம்
ஏழாய், இரண்டாய் இருக்கின்ற வாறே.
ஏழாயிரம் என்று கூறப்படும் மந்திரங்கள் இருபது, முப்பது என்ற எண்ணிக்கையில் அமைந்த எழுத்துக்களால் ஆனவை. இந்த ஏழாயிரம் மந்திரங்களுக்கும் முடிவு ஏழு வகைப்படும். எண்ணிலடங்காத பிரிவுகளை உடைய ஏழாயிரம் மந்திரங்களில், இந்த ஏழு முடிவுகளைக்கொண்ட மந்திரங்கள் யாவும் விந்து, நாதங்களில் முடிவடையும்.
மந்திரங்களின் ஏழு முடிவுகள் இவையாகும்:
1). நம:, 2). சுவதா, 3). சுவாஹா, 4). வஷடு, 5). வௌஷடு, 6). ஹூம், 7). ஹூம்பட்

 

[mkrishna100]

"The best time to plant a tree was 20 years ago. The next best time is now.” -– Chinese proverb.

 

[Visalakshi Ramani]

"The best time to plant a tree was 20 years ago. The next best time is now.” -– Chinese proverb.

If the trees were planted 20 years ago, we get to enjoy the fruits produced.
If they are planted NOW our children will get to enjoy the fruits!
How nice it is to plant for the future generation than for our own use!

 

[Visalakshi Ramani]

#900. மந்திரமே சிவன் வடிவம்

இருக்கின்ற மந்திர மேழா யிரமாம்
இருக்கின்ற மந்திர மெத்திற மில்லை
இருக்கின்ற மந்திரம் சிவன்றிரு மேனி
இருக்கின்ற மந்திரம் இவ் வண்ணந் தானே.

அசபை என்னும் பிரணவ மந்திரமே ஏழாயிரம் மந்திரங்கள் ஆகும். எத்திறம் பெறவில்லை அசபை மந்திரம்? அசபை மந்திரமே சிவபெருமானின் திருமேனியாகும். அசபை மந்திரமே யாவுமாக உள்ளது.

#901. மந்திரங்களின் இயல்பு

தானே தனக்குத் தகுநட்டந் தானாகும்
தானே யகார விகாரம தாய் நிற்கும்
தானே ரீங்காரத் தத்துவக் கூத்துக்குத்
தானே யுலகில் தனிநடந் தானே.

பிறர் ஒருவரின் தூண்டுதல் இல்லாமலேயே, சிவன் தானே தகுந்த கூத்தை நடத்துவான். தானே தன்னிடமிருந்து சக்தியை பிரித்துப் பிறப்பிப்பான். தானே மஹாமாயையால் நடைபெறும் ஐந்தொழில்களுக்கும் ஏற்ற நிகரற்ற கூத்தைக் கைக் கொள்ளுவான்.

# 902. கூத்தின் பயன்

நடம் இரண்டு ஒன்றே நளினம் அது ஆகும்
நடம் இரண்டு ஒன்றே நமன் செய்யும் கூத்து
நடம் இரண்டு ஒன்றே நகை செயா மந்திரம்
நடம் சிவலிங்கம் நலம் செம்பு பொன்னே.

‘நடம்’ என்னும் கூத்து இரண்டு வகைப்படும்.
அவை ( 1) . சங்காரக் கூத்து; ( 2) . அற்புதக் கூத்து.

சங்காரக் கூத்து என்பது சிவன் உயிர்களின் பக்குவத்துக்கு ஏற்பத் தன்னிடம் அவற்றை இணைத்துக் கொள்வது ஆகும். ஆதலால் அது நம்மை தருவது ஆகும். மற்றொரு கூத்தாகிய அற்புதக் கூத்து உயிர்களைப் பிறவியில் செலுத்துவது. இதுவே யமனுக்கு வேலை தரும் கூத்து. சங்காரக் கூத்து நன்மை பயப்பதால் அதுவே பழிப்புக்கு ஆளாகாத பிரணவ மந்திரம். சென்பு பொன்னாக மாறுவதைப் போல இந்தக் கூத்தினால் உடல் சிவமயமாக ஆகிவிடும்.

#903. மலம் நீங்கும்

செம்பு பொன்ஆகும் சிவாய நம என்னில்;
செம்பு பொன்னாகத் திரண்டது சிற்பரம்;
செம்பு பொன் ஆகும் ஸ்ரீயும் கிரீயும் எனச்;
செம்பு பொன் ஆன திருவம்பலமே.

‘சிவாயநம’ என்னும் திரு ஐந்தெழுத்தை ஓதினால் உயிரின் மலங்கள் நீங்கிவிடும். செம்பு பொன்னாக மாறுவதைப் போல உடலின் குற்றங்கள் நீங்கித் தூய்மை அடையும். அறிவு மயமான சிற்பரம் உடலில் பொருந்தும். ஸ்ரீம், ஹ்ரீம் என்று உச்சரிக்கும் போதும் உடல் தூய்மை அடையும். செம்பு பொன்னாகும் போது அதில் திருவம்பலம் வந்து பொருந்தினால் சீவனின் மலங்கள் நீங்கப் பெற்று அது சிவமாகத் திகழும்.

 

[mkrishna100]

If they are planted NOW our children will get to enjoy the fruits!

Why children even when we become old we can enjoy the fruits of the same . The Tree here does not mean just normal trees it can be any good habit . Many people I have seen complaining once they reach 60 years ( i.e after retirement ) saying they missed studying Sanskrit , Missed Studying Gita or other spiritual works , missed exercising etc and after reaching 80 they say they missed doing these things after retirement . So in essence do not cry over the missed time or missed opportunites , if you find a good habit worth following just follow it to the best you can and it does not matter whether you are 30,40 , 60 or 80 .

 

[Visalakshi Ramani]

Well said sir! :clap2:
I will put it in a nutshell...
"Better late than never!" Right?

P.S.

My case is different.
Everybody says I am doing this/that/whatnot/ more than what I should be doing!
I managed to live through the Maargazhi month's tight schedule ONLY to fall sick in Thai.
I am unable to put my feet down once I sit or lie down nor can I stand for a long time!
Punishment for trying to live beyond my allowed limit of sakthi???

 

[Visalakshi Ramani]

I can hear several familiar voices saying in unison out:

"Naan appavE chonnEn! Nee thaan kEkkalE !!" :moony:

 

[Visalakshi Ramani]

Dear Mr. Krishna,

By the way how do you like the thread NaaraayaNeeyam surging ahead fast?

(Touch wood! Nazar na lag jaaaye!! kalladi pattaalum kaNNadi padak koodaathu allavaa?)

 

[mkrishna100]

Dear Mr. Krishna,

By the way how do you like the thread NaaraayaNeeyam surging ahead fast?

(Touch wood! Nazar na lag jaaaye!! kalladi pattaalum kaNNadi padak koodaathu allavaa?)

Sorry Visalakshi Madam I am not following your Narayaneeyam thread so cant comment on how fast it is going .Anyway if you enjoy posting then keep posting the same .

 

[Visalakshi Ramani]

Oh boy! Am I happy that I need the permission of only Sriman V. Krishna

(S/O. Vasudevan and Devaki) to post in the NaaraayaNeeyam thread!

 

[Visalakshi Ramani]

#904. திருவம்பலச் சக்கரம்

திருவம்பலம் ஆகச் சீர்ச் சக்கரத்தைத்
திரு அம் பலம் ஆக ஈராறு கீறித்
திரு வம்பு அலமாக இருபத்தைஞ்சு ஆக்கி
திருவம்பலம் ஆகச் செபிக்கின்ற வாறே.

திருவம்பலச் சக்கரத்தை அமைக்க ஆறு கோடுகள் குறுக்கும் நெடுக்குமாக வரைந்து அதை இருபத்து ஐந்து அறைகளாக ஆக்க வேண்டும். அவற்றில் திரு ஐந்தெழுத்தை முறையாக அமைத்து உச்சரிக்கவேண்டும்.

#905. இன்பம் தரும்

வாறே சிவாயநம, நமச்சி வாயநம
வாறே செபிக்கில், வரும் பேர் பிறப்பு இல்லை
வாறே அருளால் வளர்கூத்துக் காணலாம்
வாறே செபிக்கில் வரும்செம்பு பொன்னே.

“சிவாயநம சிவாயநம” என்று உறுதியாக செபித்தால் பிறப்பு உண்டாகாது. வளர்ச்சியைத் தரும் திருக் கூத்தினைக் காண இயலும். சீவனின் ஆன்மா மலம் நீங்கிப் பொன்னைப் போல விளங்கும்.

#906. செபிக்கும் முறை

பொன்ஆன மந்திரம் புகலவும் ஒண்ணாது
பொன்ஆன மந்திரம் பொறிகிஞ்சு கத்து ஆகும்;
பொன்ஆன மந்திரம் புகை உண்டு, பூரிக்கின்
பொன்ஆகும் வல்லோர்க்கு உடம்பு பொற்பாதமே.

பொன்போன்ற திரு ஐந்தெழுத்து மந்திரத்தை வாய் விட்டு உரக்கச் சொல்லக் கூடாது. இந்த பொன் போன்ற மந்திரத்தை ஓசை இல்லாமல் உதட்டளவில் மட்டும் உச்சரிக்க வேண்டும். இந்த மந்திரத்தைத் தியானிக்கும் போது சிரசின் தென்கிழக்கு (அக்கினியின்) திசையில் இருந்து வட கிழக்கு (ஈசான) திசைக்கு உணர்வு பாய்ந்து பெருகும். இங்ஙனம் பெருகிப் பாய்ந்தால் உடல் பொன்னாக மாறும். ஈசனின் திருவடிப் பேறும் கிடைக்கும்.

 

[mkrishna100]

It is folly for a man to pray to the gods for that which he has the power to obtain by himself.
- Epicurus

 

[Visalakshi Ramani]

GOD is the POWER that enables a man to think, to talk and to act.

avan indRi oru aNuvum asaiyaathu! :nono:

chaattai illaa pambaramaga nammai

aattuvippavan avan endRu aRivOm! :hail:

 

[mkrishna100]

"The function of education is to teach one to think intensively and to think critically. Intelligence plus character that is the goal of true education " - Martin Luther King, Jr.

 

[Visalakshi Ramani]

How come we have very clever criminals

among the highly educated men and women???

Education teaches tolerance and forbearance for sure!

 

[Visalakshi Ramani]

#907. சிறந்த மாணவர் அமைவர்

பொற்பதங் காணலாம் புத்திரர் உண்டாகும்
பொற்பதத் தாணையே செம்பு பொன்னாயிடும்
பொற்பதம் காணத் திருமேனி யாயிடும்
பொற்பத நன்னடஞ் சிந்தனை செல்லுமே.

திருவைந்தெழுத்தைத் தியானித்தால் திருவடிகளின் காட்சியைப் பெறலாம். சிறந்த ஆசானாக உருவாகலாம். சிறந்த பல மாணவர்கள் வந்து அமைவர். அவர்களின் குற்றங்களும் சிவன் அருளால் அகன்று செல்லும். பொன்னடிகளைக் காணும் தகுதி வந்து சேரும். அதனால் எப்போதும் திருவடிக் கூத்தினைச் சிந்தித்த வண்ணம் இருங்கள்.

#908. திருக்கூத்தின் பயன்கள்

சொல்லு மொரு கூட்டில் புக்குச் சுகிக்கலாம்
நல்ல மடவார் நயத்துடனே வரும்
சொல்லிலும் பாசச் சுடர்ப்பாம்பு நீங்கிடும்
சொல்லும் திருக்கூத்தின் சூக்குமம் தானே.

திருவைந்தெழுத்துத் தியானத்தால் மற்றொரு உடலில் புகுந்து சுகமுறலாம். அழகியர் இத்தகையவரை நயந்து அணுகுவர். இவர் சொல்லலும் சொல்லால் பிறரின் பந்த பாசம் நீங்கி விடும். இவை அனைத்தும் திருக் கூத்தினால் விளையும் பயன்கள் ஆகும்.

#909. தியானத்தின் பயன்

சூக்குமம் எண்ணா யிரம்செபித் தாலும், மேல்
சூக்கும மான வழியிடைக் காணலாம்;
சூக்கும மான வினையைக் கெடுக்கலாம்
சூக்குமமான சிவனது ஆனந்தமே.

மெளனமாக தியானிக்கப்படும் திருவைந்தெழுத்தைத் ஆயிரம் முறை ஜபித்தாலும், நுண்மையான சஹஸ்ர தளத்தைக் காண இயலும். சஞ்சித வினைகள், ஆகாமிய வினைகள் அனைத்தையுமே அழித்து விடலாம்.

#910. பீஜ எழுத்துக்கள்

ஆனந்தம் ஆனந்தம் ஒன்று என்று அறிந்தி இட
ஆனந்தம் ஆனந்தம் ஆ ஈ ஊ ஏ ஓம் என்ற ஐந்து இடம்;
ஆனந்தம் ஆனந்தம் அஞ்சுமது ஆயிடும்
ஆனந்தம் அம்-ஹ்ரீம்-ஹம்-க்ஷம்-ஆம் ஆகுமே

சீவன் சஹஸ்ரதளத்தை அடைந்து, சிவனுடன் ஒன்றிவிடும் நிலைக் கூறுவது ஆனந்தம் தரும். ஆ, ஈ, ஊ, ஏ , ஓம் என்னும் படிச் சிவனின் தன்மையும் சீவனின் தன்மையும் பிரிக்க முடியாதபடி ஒன்றாக இருக்கின்ற இடத்தைச் சென்று அடைவது அதைவிடவும் ஆனந்தம் தரும். இவை அனைத்தும் ஒன்றாகும் நாதாந்தத்தை அடைவது அதை விடவும் ஆனந்தம் தரும். விந்து எழுத்துகளாகிய அம், ஹ்ரீம், ஹம், க்ஷம் , ஆம் என்ற ஐந்தும் சிறந்த ஆனந்தத்தைத் தரும்.

 

[Visalakshi Ramani]

#911 to #913

#911. குருமுகமாகக் கற்கவும்

மேனி இரண்டும் விலங்காமல் மேற்கொள்ள
மேனி இரண்டும் மிக்கரா, அவிகாரி ஆம்
மேனி இரண்டும் ஊ ஆ ஈ ஏ ஓ என்று
மேனி இரண்டும் ஈ ஓ ஊ ஆ ஏ கூத்ததே.

#912. ஒளி பொருந்தும் விதம்

கூத்தே சிவாய நமநம சிவாயிடும்
கூத்தே ஈ ஊ ஆ ஏ ஓம் சிவாயநம வாயிடும்
கூத்தே ஈ ஊ ஆ ஏ ஓம் சிவாயநம ஆயிடும்
கூத்தே இ ஊ ஏ ஓம் நமசிவாய கோளொன்றுமாறே

#913. ஈசன் ஆடினால் இயங்கும் உலகு!

ஒன்றில் இரண்டு ஆட, ஒன்றொன்று உடன் ஆட
ஒன்றினில் மூன்று ஆட, ஓரேழும் ஒத்து ஆட
ஒன்றினில் ஆட, ஓர் ஒன்பதும் உடன் ஆட
மன்றினில் ஆடினான் மாணிக்கக் கூத்தே.

வான் ஒன்றாக விளங்கும். காற்று இரண்டாக விளங்கும். தீ மூன்றாக விளங்கும். இந்த மூன்றுமே ஈசனின் கூத்தினால் இயங்கும். அப்போது வானில் இந்த மூன்றின் ஒளியும் விளங்கும். பஞ்ச பூதங்களின் அணுக்களுடன், விந்து அணுக்களும், நாத அணுக்களும் சேர, இவை ஏழும் இந்த மூன்றின் ஒளியில் ஆடும். சிவன் ஒருவனாக ஆடுவான்.

சிவன், சக்தி, நாதம், விந்து, சாதாக்கியம் , மகேசுரம், உருத்திரன், திருமால், நான்முகன் என்ற ஒன்பது தத்துவங்களும் ஆடும்படிச் சிவன் சிற்றம்பலத்தின் சிவந்த ஒளியில் நடனம் ஆடுவான்.

சிவன் இயங்கினால் உலகு முழுவதும் இயங்கும் என்பது கருத்து .

 

[Visalakshi Ramani]

2. திருவம்பலச் சக்கரம்

திருவம்பலச் சக்கரம் குறுக்கும் நெடுக்குமாகக் கோடுகளை வரைந்து அந்தக் கட்டங்களில் எழுத்துக்களை எழுதி வழிபடுவதற்கு உரியது. சிதாகாசத்தில் ஆனந்த நடனமாடும் சிவன் சக்தியுடன் மந்திர வடிவாக இருப்பதை விளக்கும் சக்கரம் இது.

#914 to #918

#914. அம்பலச் சக்கரம் அமைப்பது

இருந்த இவ்வட்டங்கள் ஈராறு ரேகை;
இருந்த இரேகை மேல் ஈராறு இருத்தி,
இருந்த மனைகளும் ஈராறு பத்து ஒன்று
இருந்த மனை ஒன்றில் எய்துவன் தானே.

இந்தச் சக்கரம் வரைவதற்கு பன்னிரண்டு கோடுகள் குறுக்கும் நெடுக்குமாக வரைய வேண்டும். இதில் 121 அறைகள் அமைத்திருக்கும். நடுவில் உள்ள அறையில் சிவன் இருப்பான்.

#915. சிவம் பொருந்துமிடம்

தான் ஒன்றி வாழ் இடம் தன் எழுத்தே ஆகும்;
தான் ஒன்றும் அந் நான்கும் தன் பேர் எழுத்து ஆகும்;
தான் ஒன்றும் நாற்கோணம் தன் ஐந்தெழுத்து ஆகும்;
தான் ஒன்றிலே ஒன்றும் அவ்வரன் தானே.

சிவம் வீற்றிருக்கும் இடம் ‘சி’ என்ற எழுத்து இருக்குமிடம். ‘வ’, ‘ய’, ‘ந’, ‘ம’ என்ற நான்கு எழுத்துக்கள் அவன் திருப் பெயரை உணர்த்துவன. நாற்கோணத்தில் சூழ்ந்து இருப்பதது சிவனின் திருவைந்தெழுத்து. நடுவில் உள்ள அறையில் ‘சி’ அமைந்திருக்கும். அதைச் சுற்றி உள்ள சதுரக் கட்டங்களில் முறையே ‘வ’, ‘ய’, ‘ந’ , ‘ம’ விளங்கும். நான்கு மூலைகளிலும், நான்கு திசைகளிலும் ‘சி’ என்ற எழுத்து அமையும்.

#916. பிறவியை அழிக்கும் “அரகர” தியானம்

அரகர என்ன அரியது ஒன்றுஇல்லை;
அரகர என்ன அறிகிலர் மாந்தர்;
அரகர என்ன அமரரும் ஆவர்;
அரகர என்ன அறும் பிறப்பு அன்றே.

‘அரகர’ என்று தியானிப்பவர்களுக்குச் செய்வதற்கு அரியதென்று எச்செயலும் இராது. எதையுமே எளிதாகச் செய்ய முடியும். இந்தப் பெயருக்கு அத்துணை சிறப்பு இருந்த போதிலும் அதை ஓதிப் பயன் அடைவதை மக்கள் அறிந்திருக்க வில்லை. ‘அரகர’ தியனம் ஒளிமயமான உடலைத் தரும். ‘அரகர’ என்று தியானித்தல் வினைகள் அற்றுவிடும். அதனால் பிறவி அழிந்து விடும்.

அரன் + கரன் = அரகரன்

அரன் = சீவனின் வினைகளை அறுப்பவன்.
கரன் = மாயையின் காரியத்தை ஒடுக்குபவன்.

#917. ஒன்பது வடிவில் சிவலிங்கம்

எட்டு நிலை உள எங்கோன் இருப்பிடம் ;
எட்டினில் ஒன்றும் இருமூன்றும் ஈரேழும்;
ஒட்டிய விந்துவும் நாதமும் ஓங்கிடப்
பட்டது மந்திரம் பால்மொழிபாலே.

சிவன் வீற்றிருக்கும் எட்டு இடங்கள் அம்பலச் சக்கரத்தின் நான்கு திசைகளிலும், நான்கு கோணங்களிலும் உள்ளன. இந்த எட்டு இடங்களிலும் திருவைந்தெழுத்துப் பொருந்தும். இந்த எட்டு இடங்களுடன் மையத்தில் இருக்கும் இடத்தையும் சேர்த்தால் மொத்தம் ஒன்பது இடங்கள் சிவனின் இருப்பிடங்கள் ஆகும்.
சிவனுக்கு ஒன்பது வடிவங்கள் உள்ளன . இவை : நான்முகன், திருமால், உருத்திரன், மகேசுரன், சதாசிவன், விந்து, நாதம், சக்தி, சிவன். இவ்வாறு சிவனை வழிபடும் போது, வழிபடுபவருடைய சிரசில் விந்துவின் ஒளியும் நாதத்தின் ஒளியும் பொருந்தும்.

#918. உடலில் உயிரை நிறுத்தலாம்

மட்டு அவிழ் தாமரை மாது நல்லாளுடன்
ஒட்டி இருந்த உபாயம் அறிகிலர்
விட்ட எழுத்தை விடாத எழுத்துடன்
கட்ட வல்லார் உயிர் காக்க வல்லாரே.

தேன் சிந்துகின்ற சஹஸ்ர தளத்தில் சிவனும், சக்தியும் பொருந்தி இருக்கும் உண்மையைப் பலரும் அறியவில்லை . கதிரவன், மதி இவற்றின் செயல்களை மாற்றிவிட அறிந்து கொண்டவர்கள், தம் உடலில் உயிரை நிலை நிறுத்தும் வல்லமை பெறுவர்.

 

[Visalakshi Ramani]

#919 to #923

#919. இறைவன் இருக்குமிடம்

ஆலயம் ஆக அமர்ந்த பஞ்சாக்கரம்
ஆலயம் ஆக அமர்ந்த இத்தூலம் போய்,
ஆலயம் ஆக அறிகின்ற சூக்குமம்
ஆலயம் ஆக அமர்ந்திருந் தானே.

பஞ்சாக்ஷரம் இறைவனின் ஆலயமாக விளங்கும். சீவனின் தூல உடலும் இறைவனின் ஆலயமே. இந்த பருவுடலைக் கடந்த சூக்கும உடலிலும் சிவன் கோவில் கொண்டுள்ளான்.

#920. ஐந்தெழுத்தின் பயன்

இருந்த இவ்வட்டம், இரு மூன்று இரேகை
இருந்த அதனுள் இரேகை ஐந்தாக,
இருந்த அறைகள் இருபத்தைஞ்சு ஆக,
இருந்த அறை ஒன்றில் எய்தும் அகாரமே.

இந்தச் சக்கரம் ஆறு கோடுகளை உடையது. அதில் கட்டங்களையும் ஐந்து ஆக்கினால், அறைகள் (ஐந்து X ஐந்து) இருபத்து ஐந்து ஆகும். அதில் நடுக் கட்டத்தில் சிவனைக் குறிக்கும் ‘அ ‘ சென்று பொருந்தும்.

# 921. நுண்ணிய சிவாயலாம் அமைக்கலாம்

மகாரம் நடுவே; வளைந்திடும் சத்தியை
ஒகாரம் வளைத்திட்டும் பிளந்து ஏற்றி,
அகாரம் தலையாய் இருகண் சிகாரமாய்
நகார வகாரம் நற்காலது நாடுமே.

மண்டலமிட்ட குண்டலினி சக்தியை கீழே நோக்க விடாமல் மேலே ஏற்றிச் செல்ல வேண்டும். அகாரமும், உகாரமும் பொருந்துகின்ற இடமாகிய புருவ மத்திக்கு அதைச் செலுத்த வேண்டும். சிவன் அறிவு மயமாக விளங்கும் இடமே தலை. அவன் அக்கினி விளங்கும் இடமே இரு கண்கள். சுவாதிஷ்டனத்தில் உள்ள நகாரமும், விசுத்தியில் இருக்கும் வகாரமும் சுழுமுனை வழியே விருப்புடன் அடையப் படும்.

#922. பிரணவம்

நாடும் பிரணவம் நடு இரு பக்கமும்
பாடும் அவர்வாய் பரந்து அங்கு நின்றது
நாடும் நடுவுள் முகம் நமசிவாய
ஆடும் சிவாய புறவட்டத்து ஆயதே.

பிரணவ மந்திரத்தை புருவ மத்தியில் இரண்டு கண் பார்வையையும் பொருத்தி நோக்க வேண்டும். அப்போது அண்ணாக்கு பகுதியில் ஓர் உணர்வு தோன்றிப் பரவும் அதுவே ‘நமசிவாய’ என்பது ஆகும். பிறகு அந்த உணர்வே சிரசை அடைந்து தலையைச் சுற்றியுள்ள பகுதியில் ‘சிவாயநம’ என்று விளங்கும்.

#923. மாறி மாறி அமையும்

ஆயும் சிவாய நமமசி வாயந
ஆயும் நமசிவாய யநமசிவா
ஆயுமே வாயநமசி எனும் மந்திரம்
ஆயும் சிகாரம் தொட்டு அந்தத்து அடைவிலே

சக்கரத்தில் ‘நமசிவாய’ என்பது மாறி மாறி அமையும். ‘சிவாயநம’, ‘மசிவாயந’, ‘நமசிவாய’, ‘யநமசிவா’, ‘வாயநமசி’ என்று மந்திரம் ‘சி’ என்ற எழுத்தில் தொடங்கிச் ‘சி’ என்ற எழுத்தில் முடியும்.

 

[Visalakshi Ramani]

#924 to #928

#924. சக்கரத்தில் ஐம்பத்தோரு எழுத்துக்கள்

அடைவினில் ஐம்பதும் ஐயைந்து அறையின்
அடையும் அறை ஒன்றுக்கு ஈரெழுத்து ஆக்கி ,
அடையும் மகாரத்தில் அந்தமாம் க்ஷவ்வும்
அடைவின் எழுத்து ஐம்பதொன்றும் அமர்ந்ததே.

‘க்ஷ’ என்ற எழுத்தைத் தவிர மற்ற ஐம்பது எழுத்துக்களையும், இருபத்து ஐந்து அறைகளில், அறைக்கு இரண்டாக அடைக்க வேண்டும். இறுதியில் பிரணவ வட்டமாகிய நடு அறையில் ‘க்ஷ’ என்ற எழுத்தை மூன்றாவதாக அமைக்க வேண்டும். இப்போது ஐம்பத்தொன்று எழுத்துக்களும் அம்பலச் சக்கரத்தில் அடங்கிவிடும்.

#925. சக்கர அமைப்பு

அமர்ந்த அரகர ஆம் புற வட்டம்
அமர்ந்த அரிகரி ஆம் அதன் உள்வட்டம்
அமர்ந்த அசபை ஆம் அதனுள் வட்டம்
அமர்ந்த இரேகையும் ஆகின்ற சூலமே.

அச்சக்கரத்தின் வெளிவட்டத்தில் ‘அரகர’ என்பதையும், அதன் உள்வட்டத்தில் ‘அரிகரி என்பதையும், அதற்கும் உள்வட்டத்தில் ‘அம்சம்’ என்கின்ற அசபையையும் இடவேண்டும். சக்கரத்தின் கோடுகளின் முடிவில் சூலத்தை இடவேண்டும்.

#926. சிவன் பொருந்தும் இடம்

சூலத் தலையில் தோற்றிடும் சத்தியும்
சூலத் தலையில் சூழும்ஓங் காரத்தால்
சூலத்து இடைவெளி தோற்றிடும் அஞ்செழுத்து
ஆலப் பதிக்கும் அடைவது வாமே.

சூலத்தின் முடிவில் சக்தியின் எழுத்தான ‘ஹ்ரீம்’ என்பதை எழுத வேண்டும். சூலத்தை வளைத்துச் சுற்றி ‘ஓ’ என்பதை எழுதவேண்டும்.சூலத்தின் இடைவெளியில் ஐந்தெழுத்தை எழுத வேண்டும். இதுவே சிவபெருமான் பொருந்துகின்ற இடம் ஆகும்.

#927. சக்கரத்தின் அமைப்பு

அதுஆம் அகார இகார உகாரம்
அதுஆம் எகார ஒகாரம் அது அஞ்சாம்;
அதுஆகும் சக்கர வட்டம் மேல் வட்டம்
பொது ஆம் இடைவெளி பொங்கு நம் பேரே.

அ , இ , உ , எ , ஒ என்பவை அந்த ஐந்து திரு எழுத்துக்கள் ஆகும். சக்கர வட்டத்தில் இடைவெளியில் இவற்றை எழுத வேண்டும். இவற்றைச் சுற்றி சிவ சிவ என்பதை ஒரு வட்டமாகச் சூழ்ந்து இருக்கும் வண்ணம் எழுத வேண்டும். சூலத்தின் இடைவெளியில் இந்த ஐந்து எழுத்துக்களை எழுதி, அவற்றைச் சுற்றி ஒரு வட்டம் அமைத்து, அதில் சிவ சிவ என்பதை அமைக்கலாம்.

#928. தரும் பெரும் சம்பத்து

பேர் பெற்றது மூல மந்திரம் பின்னது
சேர்வுற்ற சக்கர வட்டத்துக் சந்நிதியில்
நேர் பெற்று இருந்த இடம் நின்றது சக்கரம்
ஏர் பெற்று இருந்த இயல்பு இது ஆமே.

அ , இ, உ , எ , ஒ ஆகிய ஐந்து குறில் உயிர் எழுத்துக்களை முதலில் அடைத்த பிறகு ‘சிவ சிவ’ என்னும் புகழ் பெற்ற பெயரை இடைவெளி இல்லாமல் மேல் வட்டத்தில் அமைக்க வேண்டும். இந்தச் சக்கரத்தை வழிபட்டால் அது பெரும் சம்பத்தைத் தரும்.

 

[Visalakshi Ramani]

#929 to #932

#929. ஐம்பூதங்களின் தானங்கள்

இயலும் இம்மந்திரம் எய்தும் வழியின்
செயலும் அறியத் தெளிவிக்கும் நாதன்
புயலும் புனலும் பொருந்துஅங்கி மண் விண்
முயலும் எழுத்துக்கு முன்னா இருந்ததே.

திருவம்பலச் சக்கரத்தில் நிலம், நீர், தீ, வலி, வெளி என்ற ஐம் பூதங்களுக்கும் உரிய எழுத்துக்கள் ல, வ, ரம், ய, அ என்பவை ஆகும்.

நம் உடலில் ஐம்பூதங்களின் இடம் இவை:

நிலம் ….மூலாதாரம்

நீர்………..கொப்பூழ்

தீ………….இதயம்

வளி……..கழுத்து

வெளி…..புருவ மத்தி

#930. மும்மலங்கள் நீங்கும்

ஆறெட்டு எழுத்தின் மேல் ஆறும் பதினாலும்
ஏறிட்டு அதன்மேலே விந்துவும் நாதமும்
சீறிட்டு நின்று, ‘சிவாய நம’ என்ன,
கூறு இட்டு மும்மலம் கூப்பிட்டுப் போமே.

( 6 x 8 = 48 ) நாற்பத்தெட்டாவது எழுத்தாகிய ‘ஸ’காரத்தை, ஆறாவது எழுத்தாகிய ‘ஊ’காரத்துடனும், பதினான்காவது எழுத்தாகிய ‘ஔ’ காரத்துடனும் சேர்த்தால் பராசக்தியின் பீஜ அக்ஷரமாகிய ‘சௌ’ கிடைக்கும். இதனுடன் விந்துவும், நாதமும் பொருந்தும் வண்ணம் அமைக்க வேண்டும். அதை மேலே எழும்பும் வண்ணம் செய்து ‘சிவாய நம’ என்று ஜபிக்க வேண்டும் அப்படிச் செய்தால் ஆணவம், கன்மம், மாயை என்னும் மும்மலங்களும் ஜபம் செய்பவரின் உடலை விட்டு ஓலமிட்டபடி ஓடி மறைந்து விடும்.

ஸ + ஊ = ஸூ
ஸூ + ஔ = சௌ

சௌ என்பது பராசக்தியின் பீஜ அக்ஷரம் ஆகும்.

#931. நாத ஒலி கேட்கும்

அண்ணல் இருப்பது அவள் அக்கரத்துளே;
பெண்ணின் நல்லாளும் பிரான் அக்கரத்துளே;
எண்ணி இருவர் இசைந்து அங்கிருந்திடப்
புண்ணிய வாளர் பொருள் அறிவார்களே.

‘சௌ’ என்ற பீஜாக்ஷரத்தில் சிவனும் இருப்பான், சக்தியும் இருப்பாள். சிவசக்தியர் இங்ஙனம் இணைந்து சிரசில் ஈசானத்தில் இருப்பதை அறிந்து கொண்டவர், அதைப் பின்பக்க மூளையில் நாத ஒலியாகக் கேட்பர்.

#932. சிவதாண்டவம்

அவ் இட்டு வைத்து அங்கு அர இட்டு மேல் வைத்து
இவ் இட்டு பார்க்கில் இலிங்கம் – அதாய் நிற்கும்;
மவ் இட்டு மேலே வளி உறக் கண்டபின்
தொம் இட்டு நின்ற சுடர்க்கொழுந்து ஆமே.

ஈசானிய திசையில் ‘ஹர’ என்று சிவாக்கினியைத் தூண்ட வேண்டும். அப்போது ஹரி என்னும் ஞானலிங்கம் விளங்கும். தொண்டையிலுள்ள விசுத்திச் சக்கரத்திலிருந்து, சுழுமுனை வழியே, பிராணவாயு தொண்டைக்கு மேலே செல்லும் போது, தொம் தொம் என்று கூத்தாடும் ஒளி வடிவான இறைவன் விளங்குவான்.

 

[Visalakshi Ramani]

#933. சக்தியின் தலைவன் சதாசிவன்

அவ் உண்டு, சவ் உண்டு, அனைத்தும் அங்கு உள்ளது
கவ்வுண்டு நிற்கும் கருத்து அறிவார் இல்லை
கவ்வுண்டு நிற்கும் கருத்தறி வாளர்க்குச்
சவ் உண்டு சத்தி சதாசிவன் தானே.

‘ஹம்சம்’ என்ற அசபை மந்திரத்தில் ‘ஹ’ என்ற எழுத்துச் சிவனையும், ‘ச’ என்ற எழுத்துச் சக்தியையும் குறிக்கும். உடலில் சிவலிங்கம் அமையும் போது அதில் சிவசக்தியர் விளைவிக்கும் உலகப் பொருட்கள் யாவையும் நுண்ணியமானவைகளாக காரண வடிவில் அமைந்திருக்கும். காரண வடிவில் சூக்குமமாக இவை அமைந்துள்ளதை அறிந்தவர் எவருமில்லை. காரண வடிவாக உலகப் பொருட்கள் கலந்து அமைந்துள்ளதை கண்டு அறிய வல்லவரிடம் சக்தியின் தலைவனாகிய சதாசிவன் திகழ்வான்.

#934. ஐந்தெழுத்துக்கள்

அஞ்செழுத்தாலே அமர்ந்தனன் நந்தியும்
அஞ்செழுத்தாலே அமர்ந்தபஞ் சாக்கரம்
அஞ்செழுத்து ஆகிய அக்கர சக்கரம்
அஞ்செழுத்துள்ளே அமர்ந்திருந் தானே.

சிவன் ஐந்தெழுத்துக்களின் வடிவாக விளங்குகின்றான்.
பஞ்சாக்கரம் ஐந்து சொற்களின் முதல் எழுத்துக்களால் ஆனது.
இந்த ஐந்தெழுத்துக்களாலேயே சக்கரங்கள் அமைக்கப்படும்.
இந்த ஐந்தெழுத்துக்களில் அமர்ந்துள்ளவன் ஆதிபிரான் ஆன சிவன்.

#935. கூத்தபிரானைக் காணுவது எவ்வாறு?

கூத்தனைக் காணும் குறி பல பேசிடில்
கூத்தன் எழுத்தின் முதல் எழுத்து ஓதினார்
கூத்தனொடு ஒன்றியி கொள்கைய ராய்நிற்பர்
கூத்தனைக் காணும் குறிஅது ஆமே.

கூத்த பிரானைக் காண்பதற்கு உள்ளன பல நெறிகள். அவன் பெயரின் முதல் எழுத்தாகிய ‘சி’ என்பதை ஓதுபவர்கள் சிவனிடமிருந்து பிரிவே இல்லாது விளங்குவர். அவனை எளிதில் காணும் நெறி இதுவே ஆகும்.

#936. சிவன் உறவினன் ஆவான்

அத்திசைக்கு உள்நின்ற அனலை எழுப்பியே
அத்திசைக்கு உள்நின்ற ‘ந’ எழுத்து ஓதினால்
அத்திசைக்கு உள்நின்ற அந்த மறையனை
அத்திசைக்குள் உறவு ஆக்கினன் தானே.

மூலாதாரத்தில் இருக்கும் மூலக் கனலை எழுப்ப வேண்டும். ‘ந’ காரத்தை நன்கு அறிந்து கொண்டு ஓதினால் மறைந்து உறையும் சிவனை நம் உறவினன் ஆக்கிக் கொள்ள முடியும். ‘ந’ காரம் என்பது ‘நமசிவாய’ என்பதைக் குறிக்கும். இந்த நாமத்தை உச்சரிக்கும் போது அது ஆதாரத் தானங்கள் கழுத்து, இதயம், உந்தி, சுவாதிஷ்டானம் இவற்றின் வழியே சென்று மூலாதாரத்தை அடையும்.

#937. குண்டலினி சக்தி

தானே யளித்திடும் தையலை நோக்கினால்
தானே யளித்திட்டு மேலுற வைத்திடும்
தானே யளித்த மகாரத்தை யோதிடத்
தானே யளித்ததோர் கல்லொளி யாகுமே.

மூலாதாரத்தில் உள்ள குண்டலினி சக்தியை எழுப்பி விட்டால் மற்ற அனைத்தும் தானே நடைபெறத் தொடங்கும். அந்த குண்டலினி சக்தியே அருளை வாரி வழங்கும். அதுவே சஹஸ்ர தளத்தின் மேல் சென்று பொருந்தும். ‘ம’ காரத்தை ஓதினால், அது தலையின் மீது தோன்றும் ஒளியில் சென்று பொருந்தும்.

 

[Visalakshi Ramani]

#938 to #942

#938. மணி போல ஒளிர்வான்

கல்லொளி யேயென நின்ற வடதிசை
கல்லொளி யேயென நின்றனன் இந்திரன்
கல்லொளி யேயென நின்ற சிகாரத்தைக்
கல்லொளி யேயெனக் காட்டி நின்றானே.

சிரசில் மூளையின் இடப்பக்கத்தில் ( தலையின் வடக்கு திசையில்) சிவபெருமான் எழுந்தருளுவான். என்றாலும் முகத்தின் முன்புறத்திலும் (இந்திரனின் திசையாகிய கிழக்கிலும் ) ஒளி வீசியது. இவ்வாறு ஒளிரும் சிவபெருமான் எனக்கு அக்கினியின் நிறத்தில் ஒரு மணியைப் போலத் தோற்றம் அளித்தான்.

# 939. சிந்திப்பவருக்குச் சிவன் வெளிப்படுவான்

தானே எழுகுணம், தண்சுட ராய் நிற்கும்;
தானே எழுகுணம், வேதமு மாய் நிற்கும்;
தானே எழுகுணம் ஆவதும் ஓதிடின்
தானே எழுந்த மறையவன் ஆமே.

பிரறால் வேண்டப்படாத போது சிவன் குளிர்ந்த சந்திர கலையில் விளங்குவான். பிறரால் அறிவிக்கப் படாமலேயே தானே அறிவு மயமாக விளங்குவான். உண்மையில் எல்லா நற்குணங்களும் சிவனே ஆவான். அவனையே எப்போதும் சிந்திப்பவருக்கு அவன் தன்னை வெளிப்படுத்துவான்.

#940. ஐந்தெழுத்தின் வடிவம்

மறையவன் ஆக மதித்த பிறவி
மறையவன் ஆக, மதித்திடக் காண்பர்
மறையவன் அஞ்செழுத்துள் நிற்கப் பெற்ற
மறையவன் அஞ்செழுத்தாம் அது வாகுமே.

பிறவி அளிக்கப் பட்டது சிவத் தன்மைக் காண்பதற்காகவே.
சிவத்தன்மையை அடைந்தால் பிறர் எல்லோரும் மதிப்பர்.
நாத வடிவினனாகிய சிவன் ஐந்தெழுத்தில் அடங்குவான்.
நாத வடிவம் அடைந்த சீவனும் ஐந்தெழுத்து வடிவம் பெறும்.

#941. ஐந்தெழுத்தில் திருமேனி

ஆகின்ற பாதமும் அந் ‘ந’ ஆய் நின்றிடும்;
ஆகின்ற நாபியுள் அங்கே மகாரமாம்;
ஆகின்ற ‘சி’ இரு தோள், ‘வ’ ஆய்க் கண்டபின்,
ஆகின்ற அச்சுடர் அவ் இயல்பு ஆமே.

பாதத்தில் பொருந்தும் ‘ந’காரம்.
நாபியுள் பொருந்தும் ‘ம’காரம்.
இரு தோளில் பொருந்து ‘சி’காரம்
வாயில் அமையும் ‘வ’காரம்
இதுவே ஐந்தெழுத்தில் திருமேனியாகும்.

#941. பிரணவத் தியானம்

அவ் இயல்பு ஆய இரு மூன்று எழுத்தையும்
செவ்வியல் பாகச் சிறந்தனன் நந்தியும்;
‘ஒ’ இயல்பு ஆகா, ஒளி உற ஓங்கிடின்
‘ப’ இயல்பு ஆகப் பரந்து நின்றானே.

பஞ்சாக்கரத்தில் உள்ள இரண்டு எழுத்துக்கள் ‘ நம’ . மூன்று எழுத்துக்கள் ‘சிவாய’. இந்த இயலை அறிந்தவர்களிடம் சிறந்த முறையில் சிவம் என்னும் பர பொருள் விளங்கும். ‘ஒ’ என்ற பிரணவத்தை ஒளி பொருந்தும் படித் தியானம் செய்தால் சிவ பரம் நாத மயமாக எங்கும் பரவி நிற்கும்.

 

[Visalakshi Ramani]

#943 to # 947

#943. ஓங்காரத் தியானம்

பரந்தது மந்திரம் பல்லுயிர்க்கு எல்லாம்
வரம் தரு மந்திரம் வாய்த்திட வாங்கித்
துரந்திடு மந்திரம் சூழ்பகை போக
உரம் தரும் மந்திரம் ‘ஓம் ‘ என்று எழுப்பே.

‘ஓம்’ என்னும் பிரணவ மந்திரத்தின் நாதம் உலகம் எங்கும் பரவி விரியும். உயிர்கள் விரும்புவதை எல்லாம் அந்த மந்திரம் அளிக்க வல்லது. அது ஓதுபவருடைய பகையாகிய இருட்டை நீக்கும். நன்மை தரும் இந்த மந்திரத்தை ‘ஓம்’ என்று எழுப்புவீர்!

#944. சீவ ஒளியில் சிவ ஒளி!

‘ஓம்’ என்று எழுப்பித்தன் உத்தம நந்தியை,
நாம் என்று எழுப்ப, நடு எழு தீபத்தை
ஆம் என்று எழுப்பி, அவ்வாறு அறிவார்கள்
மாமன்று கண்டு மகிழ்ந்து இருந்தாரே.

பிரணவ யோகத்தால் உடலில் உள்ள ஒளி மண்டலத்தை எழுப்ப முடியும். அந்த ஒளி மண்டலமே சீவனின் ஒளி மண்டலம் என்று அறிந்து கொள்ள வேண்டும். நடு நாடியாகிய சுழுமுனையிலே விளங்கும் ஒளியே சிவபெருமான் என்று அறிந்தவர்கள் சீவ ஒளியில் சிவ ஒளியைக் கண்டு மகிழ்ந்து இருப்பார்கள்.

#945. திருவம்பலச் சக்கரம்

ஆகின்ற சக்கரத் துள்ளே யெழுத்தைந்தும்
பாகொன்றி நின்ற பதங்களில் வர்த்திக்கும்
ஆகின்ற ஐம்பத்தோ ரெழுத் துண்ணிற்கப்
பாகொன்றி நிற்கும் பராபரன் தானே.

திருவம்பலச் சக்கரத்தில் ஐந்து எழுத்துக்களும் ஐந்து அறைகளில் அழகுறப் பொருந்தும். உயிர் எழுத்துக்களும் மெய் எழுத்துக்களும் ஆகிய ஐம்பத்தொன்றும் அதில் பொருந்தும். இவற்றுடன் மேலான சிவபெருமானும் அதில் நன்கு பொருந்துவான்.

#946. மாறி மாறி வரும் எழுத்துக்கள்

பரம் ஆய அஞ்செழுத்து உள் நடு ஆக,
பரம் ஆய ‘நமசிவ’ பார்க்கில் , ‘மவயநசி’
பரம் ஆய ‘சியநமவ ‘ ஆம் பரத்து ஓதில்
பரம் ஆய ‘வசிமநய’ மாய் நின்றே.

‘சிவாய நம’ என்ற ஐந்தெழுத்துக்களில் நடுவில் உள்ளது ‘ய’கரம். இந்த ஐந்தெழுத்து மந்திரத்தை கீழ்க் கண்டவாறு ‘யநமசிவ’ , ‘மவயநசி’ , ‘சியநமவ, ‘வசிமயந’ என்று நான்கு வகைகளாக மாற்றி மாற்றி தியானிக்க வேண்டும். அப்போது தான் பொருள் நன்கு புலனாகும். மனதில் பதியும்.

#947. ஐம்பூதங்களும் ஐந்தெழுத்தும்

நின்ற எழுத்துக்கள் நேர்தரு பூதமும்
நின்ற எழுத்துக்கள் நேர்தரு வண்ணமும்
நின்ற எழுத்துகள் நேர்தர நின்றிடில்
நின்ற எழுத்துள்ளும் நின்றனன் தானே.

திருவைந்தெழுத்துக்கள் ஐந்து பூதங்களையும் தூண்டி இயக்கும் வல்லமை படைத்தவை. சக்கரத்தில் உள்ள எழுத்துக்கள் திருவைந்தெழுத்துக்களின் வடிவத்தை புலனாக்கும். இந்தச் சக்கரத்தில் எழுத்துக்கள் முறையாக இருந்தால் அவற்றில் சிவத்தின் வடிவமும் சிறந்து விளங்கும்.