எண்ண அலைகள்....

[Raji Ram]

Share:

Facebook X (Twitter) LinkedIn WhatsApp Email Share Link

இறைவனிடம் ஒர் உரையாடல்!

நாளை உலகில் பிறப்போம் என அறிந்து, அந்
நாளை எண்ணிப் பயந்து போனது, குழந்தை!

இறைவனிடம் பேசினால்தான் தன்னுடைய
குறைகளைப் போக்கும் வழி கிடைக்கும் என,

தன் ஐயங்கள் ஒவ்வொன்றாக அவனிடமே
தான் கேட்க ஆரம்பித்தது! 'உலகில் பிறந்தால்

சின்னஞ் சிறு உருவில் இருப்பேனே! அப்போது
சின்னத் துயரும் வராது எவர் காப்பார்?' என்று

கேட்க, இறைவன் உரைத்தான், 'தேவைகளைக்
கேட்காமலே செய்ய ஒரு தேவதை இருப்பாள்!'.

இன்னும் சந்தேகங்கள் மனதில் அலை மோத,
இன்னும் தனது உரையாடலைத் தொடர்ந்தது!

'நடக்கவும் முடியாத நிலைமையே இருக்குமே?'
'நடக்கும் வரை, தேவதை அன்புடன் தூக்குவாள்!'

'மற்றவர் பேசும் மொழியே எனக்குப் புரியாதே!'
'கற்றுக் கொடுப்பாள், பல மொழிகளை உனக்கு!'

'உன்னுடன் பேச என்னால் முடியாதே, இறைவா!'
'என்னை அணுகும் வழிகளை அவள் கற்பிப்பாள்!

என்னைப் போற்றும் தோத்திரங்களைச் சொல்லி,
என்னை அடைய வழிகள் அறிந்திடச் செய்வாள்!'

'அப்படி ஒரு தேவதை இருந்தால் நலமே; ஆனால்,
எப்படி அவளை நானே அடையாளம் காண்பது?'

'கவலையை விடுவாய்! உனை ஈன்ற அன்னையே
கவலைகள் தீர்த்துக் காத்திடும் தேவதை ஆவாள்!'

:angel: . . . :hug:

 

[Raji Ram]

மன நிறைவு!

சிற்பக் கலையில் சிறந்த ஒரு கலைஞர்,
அற்புதமான ஒரு சிலையின் அருகிலே,

அதே போன்ற மற்றொரு சிலை வடிக்க,
ஒரே முனைப்பாகப் பணியிலே ஈடுபட,

ஒரு ரசிகர், தனது மனதில் ஐயத்துடன்
அருகில் வந்து, கேள்வியைக் கேட்டார்!'

ஜோடியாக வைத்திட வேண்டும் என்று,
ஜோடியாகச் செய்கின்றீரா?', என வினவ

'இந்தச் சிலையில் சிறு குறை உள்ளதே!
அந்தக் காரணத்தால், வேறு செய்கிறேன்!'

என்று கூற, சிலையை ஆராய்ந்து, 'குறை
ஒன்றும் நான் காணவில்லையே!' என்று

சொல்ல, அதன் நெற்றியில் சிறு கீறலைத்
துல்லியமாகக் காட்டினார், அக் கலைஞர்!'

எங்கே இதனை வைக்கப் போகின்றீர்கள்?'
என்ற வினாவிற்கு, இப்படி வந்தது பதில்!'

இருபது அடி உயரத் தூண் ஒன்றின் மேல்!'
'இருபது அடிக்கும் மேலே இருக்கும் குறை,

எவருக்குமே தெரியாதே!' என்று வியந்த
அவருக்கு கிடைத்த பதில், மிகச் சிறந்தது!

'நான் வடித்த சிலையில் உள்ள குறையை,
நான் அறிவேனே! எனது படைப்புக்களிலே

நான் மன நிறைவு பெற வேண்டும் எனில்,
என் சிலைகளில் பூரணத்துவம் வேண்டும்!'

மன நிறைவு பிறர் பாராட்டினால் வராது!
மன நிறைவு பூர்ணத்துவத்தாலே வரும்!
eace:

 

[nannilam_balasubramanian]

People who are able to exercise a control over their thoughts and speech
can have a calm atmosphere, tranquility, etc in their life. That becomes
their thought waves of a progressive outlook.

Balasubramanian
Ambattur

 

[Raji Ram]

பாராட்டு!

பாராட்டை எதிர்பார்ப்பது மனித குணம்;
பாரபட்சம் இல்லாது கிடைத்தால் நலம்!

பிறர் பாராட்டுகின்றாரோ இல்லையோ,
சிறந்த முறையில் பணிகளைச் செய்து,

நாமும் மன நிறைவால் மகிழ வேண்டும்;
நம் மகிழ்ச்சி பிறருக்கும் பரவ வேண்டும்!

உன்னதமான இந்த நிலைமை இருந்தால்,
மண்ணுலகம் வேறு விதமாக இருக்குமே!

:thumb:

 

[MRKUMAR]

பாராட்டுக்கள்மிக்க நன்றி

 

[Raji Ram]

பாராட்டுக்கள் மிக்க நன்றி

உங்களின் பாராட்டுக்களுக்கு மனம் நிறைந்த நன்றி நண்பரே!

 

[Raji Ram]

Dear Prof. Sir,

தங்கள் ஊக்கம், எந்தன் ஆக்கம்!

மிகச் சிறிய குழந்தைகளைப் பாராட்டி ஊக்குவிப்பது நம் கடமை. ஆனால், விவரம் தெரிந்த பிள்ளைகளை, ஊக்குவிக்கிறோம்

என்ற பெயரில், கண்மூடித்தனமாகப் பாராட்டி, அவர்கள் உன்னத நிலை அடைவதைத் தடுக்கின்றோமோ என்ற எண்ணம் வந்தது.

அதன் விளைவே 'பாராட்டு' என்ற சிறு படைப்பு!

Regards......

 

[Nara]

....தங்கள் ஊக்கம், எந்தன் ஆக்கம்!

You are very welcome Mrs. RR, my appreciation is sincere, I liked your poem so I clicked Like, very simple

Cheers!

 

[Raji Ram]

இயல்பை மாற்ற வேண்டாம்!

உன்னதமான கர்நாடக இசையைப் பாடும்,
தன்னிகரில்லாச் சிறுவரைத் தேர்வு செய்ய

அருமையான போட்டி! அதில் போட்டியிட
அழகான ஒரு சிறுமி; மும்பை நகர வாசி!

மலையாளம் கலந்த கொஞ்சும் தமிழிலே,
மணியான குரலில் பேசினாள்; ரசித்தேன்!

இயல்பான அவளின் துடுக்குப் பேச்சிலும்
மயக்கும் தன்மை இருந்திட, நிகழ்ச்சியை

நடத்தும் இளைஞரோ, ஒப்புதல் அளிக்க,
நல்ல ராகத்துடன் அவள் கூறும் 'ஓ' வை,

குறிப்பிட்டுச் சொன்னதுடன், அவளுக்கு
'திரிபுர சுந்தரி' எனப் பெயர் இட்டதாகவும்

சொல்ல, அதன் பிறகு அவள் 'ஓ' என்று
சொல்லத் தயக்கம் காட்டி, ஆமோதிக்க

தன் தலையை அசைக்க ஆரம்பித்தாள்;
என் மனம் அவளின் 'ஓ' வுக்கு ஏங்கியது!

 

[Raji Ram]

My favourite 'O - kutty' appears in the first half of this video:

BA 81-Carnatic music Idol 2012-semi finals-MP2_Feb29_074519_0.flv - YouTube

 

[Raji Ram]

இப்படி ஒரு பேச்சா?

அலைபேசி அலைகள் போலப் பெருகிவிட,
தொலைபேசியின் மதிப்பும் மங்கிவிட்டது!

'பேசு இந்தியா பேசு' என்று கூவி அழைத்து,
பேசும் வழக்கத்தை அதிகரிக்க விழைகிறார்!

பத்து நிமிடம் பேசவேண்டும் என்று, காரில்
வைத்துச் சென்றார், குழந்தையை ஒருவர்.

பத்து நிமிடப் பேச்சிலே மெய் மறந்து போக,
பத்து நிமிடம் என்பது, ஒரு மணி நேரம் ஆக,

குளிர் சாதனம் இயங்கிய அந்த வண்டியிலே,
உயிர் துறந்துவிட்டது, அப் பச்சிளம் குழந்தை!

நீண்ட ஒரு பேச்சால், ஒரு பச்சிளம் குழந்தை
மாண்ட செய்தி கேட்டு, மனம் பதறுகின்றது!

:sad:

 

[Subhalakshmi]

இப்படி ஒரு பேச்சா?

அலைபேசி அலைகள் போலப் பெருகிவிட,
தொலைபேசியின் மதிப்பும் மங்கிவிட்டது!

'பேசு இந்தியா பேசு' என்று கூவி அழைத்து,
பேசும் வழக்கத்தை அதிகரிக்க விழைகிறார்!

பத்து நிமிடம் பேசவேண்டும் என்று, காரில்
வைத்துச் சென்றார், குழந்தையை ஒருவர்.

பத்து நிமிடப் பேச்சிலே மெய் மறந்து போக,
பத்து நிமிடம் என்பது, ஒரு மணி நேரம் ஆக,

குளிர் சாதனம் இயங்கிய அந்த வண்டியிலே,
உயிர் துறந்துவிட்டது, அப் பச்சிளம் குழந்தை!

நீண்ட ஒரு பேச்சால், ஒரு பச்சிளம் குழந்தை
மாண்ட செய்தி கேட்டு, மனம் பதறுகின்றது!

:sad:

How irresponsible of a parent, what is important more than your child, NOTHING simply nothing.. very sad to hear that..

 

[Raji Ram]

எனக்கு வெற்றி! என் நாட்டுக்கு?

இதோ வந்துவிட்டது, அதோ வந்துவிட்டது என்பது
இதோ வந்தது; டண்டுல்கரின் அந்த நூறாவது நூறு!

சக்தி வாய்ந்த அணிகளுக்கு எதிரிலே பல தடவை
சக்தி இல்லாதவர் போல ஓர் இலக்க ஓட்டங்கள்!

Tendulkar என்பதை Hundredulkar என்று மாற்றணும்
என்று அடிக்கடி கிண்டல் செய்ய ஆரம்பித்தேன்!

ஒரு வழியாக வந்தது அந்த நல்ல நாளும், நேற்று!
பெரு மகிழ்ச்சி கொண்டது நம் இந்தியா! ஆனால்,

எளிதாக வெல்லலாம் என்று இறுமாந்திருந்த ஒரு
எளிமையான அணி, நம்மை எளிதாக வென்றதே!

நின்று நிதானமாக விளையாடியவருக்கு வெற்றி!
சென்று தோல்வியைத் தழுவியது அவரின் அணி!

வாழ்க கிரிகெட் ஆட்டம்!! :thumb:

போனஸ்: என்னுடைய குறும்பு பிரம்மச்சாரி மருமகன் உரைக்கிறான்
Tendulkar தன் பெயரை Tondulkar என மாற்றினால் Ton Ton ஆக ஓட்டங்கள் எடுப்பாரே! :roll:

 

[nannilam_balasubramanian]

One will not have energy if one skips the meal, i.e. just like a car trying to
run without fuel. Nowadays, the Indian Cricket has become a Game of Chance
than a Game of Skills.

Balasubramanian
Ambattur

 

[Raji Ram]

...... Nowadays, the Indian Cricket has become a Game of Chancethan a Game of Skills.

​I strongly believe in 'passing the suitcases'!! opcorn: . . . :dance:

Assured after watching India winning Srilanka, with 'bonus' points, recently!

 

[Raji Ram]

நல்லதை நினைப்போம்!

நல்லவை வரினும், அல்லவை வரினும், நாம்
நல்லவை எண்ணி மகிழ்வதை முயலுவோம்!

'இருளாகிப் போனதே தமிழகம்', எனப் பலரும்
பொருமும் வேளை இது; இதன் விளைவாய்

'இடைவிடா மின்சார விநியோகம்' செய்யும்,
தடையில்லாது மின்விசிறி சுழல வைக்கும்,

அந்த U P S பாட்டரி வியாபாரமும் ஓங்கியது!
அதன் விளைவு? எத்தனை பேர் பிழைக்கிறார்!

மின்னியல் வல்லுனர், 'பாட்டரி' செய்வோர்,
மின்சாரக் கம்பிகள் செய்வோர் ஆகியோரே!

இது ஒரு புறம் இருக்க, இன்னொரு நன்மை!
பொதுவாக வேறு வேறு அறைகளில் சென்று

நேரத்தைக் கழிக்கும் குடும்ப உறுப்பினர்கள்,
நேரே அமர்கிறார், ஒரு மின் விசிறியின் கீழ்!

பல மின் விசிறிகளைப் போட்டால், எப்படிப்
பல மணி நேர மின்வெட்டை சமாளிப்பதாம்?

குடும்ப ஒற்றுமை மறைமுகமாக ஓங்கிடக்
கடும் மின் வெட்டை மகிழ்வுடன் ஏற்போம்!

:dance: . . .

 

[Raji Ram]

இப்படி ஒரு வேண்டுதலா?

தொலைக்காட்சியில் இதனைக் கண்டு, பய
அலைகள் மோத, அரண்டு போய்விட்டேன்!

ஐநூறு ஆண்டுகளாக இதுபோல எறிகின்றார்,
ஐம்பது அடி உயரத்திலிருந்து, குழந்தைகளை!

மகாராஷ்டிராவில், ஷோலாப்பூரிலே நடப்பது
மெகா நிகழ்வே, பிரதி ஆண்டும், ஒரு நாளில்!

குறிப்பிட்ட நன் நாளில் சின்னக் குழந்தைகள்
எறியப்படுகின்றார், உடைகள் ஏதும் இன்றி!

கீழே விழுவோர், ஒரு canvas துணியில் பட்டு,
மேலே எகிறிச் சென்றிட, ஒரு பக்தர் பிடிக்க,

ஆரவாரத்துடன் கூடிய பக்தரின் கூட்டத்தில்,
பேராபத்தைத் தாண்டிய குழந்தை, பலராலும்

தூக்கப்பட்டு, வலமாக வந்திடும்! இது போலத்
தூக்கிப் போடுவது, ஒரு பயங்கரக் காட்சியே!

பயத்தாலோ, சுளுக்காலோ அச் சிறு குழந்தை
பாதிக்கப்பட்டால், யார் பொறுப்பு ஏற்பாராம்?

வேண்டும் குழந்தை என வேண்டியோர் சிலர்;
வேண்டும் நல்ல உடல்நிலை குழந்தைக்கு என

வேண்டிய சிலர் என்று பட்டியல் நீள, எனக்கோ
வேண்டியதே இல்லை, இது போன்ற கொடுமை

என்ற எண்ணமே அலை மோதியது! இதனை
எந்தச் சட்டத்தாலுமே தடுத்திட முடியாதோ?


இதோ சென்ற ஆண்டு எடுத்த விடியோ காட்சி: :scared:

Throwing Babies 50ft off Roof To Thank Pagan gods - YouTube

 

[Raji Ram]

அலைகள் ஓய்வதில்லை!

அலைகள் ஓய்வதில்லை; கடலின்
அலைகள் எனினும், எண்ணத்தின்

அலைகள் எனினும்! என் எண்ண
அலைகள் அளித்த கவிதைகளை

ஆவலுடன் படித்துப் பாராட்டி, நான்
ஆவலுடன் எழுத மேலும் தூண்டிய

உள்ளங்களுக்கு, நன்றி உரித்தாகுக!
வள்ளுவத்தில் என் ஈடுபாட்டால்

வள்ளுவரைப் போற்றிய பொழுது,
நல்லுரைகள் அளித்த நண்பருக்கு,

சிறப்பு நன்றி பாராட்டுகின்றேன்!
சிறந்த முறையிலே புத்தாண்டு

பிறக்கட்டும்! அனைவர் வாழ்வும்
சிறக்கட்டும் என வாழ்த்துகிறேன்!

உலகம் உய்ய வேண்டும்,
ராஜி ராம் ray2:

 

[Raji Ram]

 

[Raji Ram]

பிழைக்கும் வழி!

பணக்காரன் போல உணவகம் சென்று வர,
தனக்குள் எண்ணம் வளர்த்தவன் ஒருவன்;

ஒரு முறையேனும் ஐந்து நட்சத்திர உணவு
அருமையாய் உண்ண விழைந்த எளியவன்!

ஆயிரங்களில் ஆகும் செலவை நினைத்தபடி,
ஆசையை அடக்கிவந்தான், பல மாதங்களாக!

தன் ஆசையை நிறைவேற்ற, அவனுக்கு ஒரு
தன்னிகரில்லாத் திட்டம் மனத்திலே உதிக்க,

இரண்டு நூறு ரூபாய் நோட்டுக்களை எடுத்து,
ஐந்து நட்சத்திர உணவு விடுதிக்குள் சென்று,

ஆசை தீரப் பல வகைகள் கேட்டு, தட்டுக்கள்
மேசை முழுதும் நிறைய, ஆவலோடு உண்டு,

பணம் மூவாயிரம் ஆனதெனச் சொல்ல, ஒரு
கணமும் தாமதியாது 'இல்லை' என்று சிரிக்க,

கோபம் கொண்ட விடுதி முதலாளி, அவனை
நேரம் கடத்தாது காவல் நிலையத்தில் சேர்க்க,

அவர் சென்ற பின், இரண்டு நூறு ரூபாய்களை
அவன் சென்று காவல் அதிகாரியிடம் கொடுக்க,

மனம் மகிழ்ந்தவர், அவனை விடுதலை செய்ய,
மனம் நிறைய அவனும் இல்லம் திரும்பினான்!

:hungry: . . . :dance:

 

[Raji Ram]

அதிசய ஓவியம்!

மோனலிசாவின் அமைதியான புன்னகையை,
மோனப் புன்னகை என்று கூறுவார் உலகிலே!

அதிசயமாகப் போற்றிடும் இதில், இன்னுமோர்
அதிசயத்தைக் கண்டுள்ளனர் சில வல்லுனர்கள்!

தன் முகத்தையே லியோ நார்டோ டாவின்சி,
பெண் முகமாக வரைந்துவிட முனைந்தாராம்!

அழகான ஒரு விடியோவாக இந்தக் கருத்தை,
அழகாகப் பதிவேற்றியுள்ளனர், நாம் அறிந்திட!

பேனா எழுதுகிறதா என்று சோதனை செய்திட,
பேனாவால் எழுதுவர் தம் பெயரை! அதுபோல,

தன் முகத்தையே மாதிரியாக்கி, அழகு கூட்டி,
தன் சிறந்த ஓவியத்தை அவர் படைத்தாரோ?

Please watch this video:

Mona Lisa The feminine aspect of Leonardo Da Vinci - YouTube

 

[Raji Ram]

நான் ரசித்த ஒரு கவிதை! :ranger:

வந்த மடல் :

பொன்மாளிகை வேண்டும், அங்கு
வெண்மதி சூழ்ந்திடும் வேளையிலே ஒரு

தண்ணிழல் முற்றமும் தென்றலுடன் என்
பண்ணிசை யாழ்மிசை பண்ணிடவே ஒரு

கன்னியவள் வேண்டும்; கண்ணுக் கழகாக, ஒரு
கன்றுடன் கறவைபுல் மென்றிட வேண்டும்

அன்றைய சோறுநிதம் மிம் மண்ணில்
சென்று தேடாமல் ஒன்றிட வேண்டும்
குன்றா மதி வேண்டும்;

கற்றவர் உடன்வேண்டும், மற்று
செற்றவள் சொந்தமும் வாணியுடன் நற்

கொற்றவை கூட்டணியும் - சற்று
பெற்று மகிழ்ந்திட அருள் வேண்டும்
நற்றவ மிக வேண்டும்;

வேண்டுதல்
தொடரும்....... பொறுமைக்கு நன்றி

தந்த பதில்!!

பொன்னொளி மாளிகை ஒன்று வேண்டுகிறான்
மின்னொளி மங்கையும் உடன் நாடுகிறான்

பன்னாட்டு வசதிகளும் பல விதம் கோருகிறான்
எந்நாளும் அது இன்ப வாழ்வு என தேடுகிறான்!

புதுமைப்பெண் அழகி தான் அவள் இன்று
முதுமை அடைவாள் அன்றோ நாளை !

கோதுமை அல்வாவும் மெல்ல முடியாது
ஏதுமே எவ்வளவு சொன்னாலும் படியாது !

மாதும் மாளிகையும் மகிழ்ச்சி தரும் இன்று
நீண்ட நாட்கள் சுகம் நிரந்திரமாய் தந்திடுமா ?
ஏதும் அளவோடு கோர நிகழ்ச்சி வரும் நாளை ! (First I read as 'Gora nigazhchi' :scared: )
தாண்டவ தாகம் தானாக தணிந்திடுமே!

போதுமென்ற மனமே பொன் செய் மருந்து
காது நிறைய கேட்டும் போய் விட்டது பறந்து !?!

இப்படிக்கு அன்புடன்

பெ ந சு மணி

 

[shansnrmp]

காணி நிலம் வேண்டும் – பராசக்தி
காணி நிலம் வேண்டும், –
நினைவூட்டுகிறது …நன்றி

 

[Raji Ram]

இதோ.... இன்னும் பல புதுமையான வேண்டுதல்கள்!!

Satham illatha thanimai - YouTube

 

[Raji Ram]

நினைத்ததும், கிடைத்ததும் - 1

இயற்கை அன்னையை அன்புடன் நோக்கி. அவள்
இயற்றும் அற்புதங்களை வியப்பது என் வழக்கம்!

சந்திர சூரியர்களை எத்தனை முறை காமராவில்,
சிந்தை மகிழ்திடச் சிறைப் பிடித்தாலும் போதாது!

சிங்காரச் சென்னைக்கு வந்து முப்பது ஆண்டுகள்!
சிந்தித்தேன், ஏன் சீரிய சித்ரா பவுர்ணமியை நான்

சிறைப் பிடிக்காமல் போனேன் என! இந்த ஆண்டு
இதை நிறைவேற்ற வேண்டுமே! ஆவல் கொண்டு

புறப்பட்டேன் கடற்கரை நோக்கி என் நண்பியுடன்;
சிறந்த படங்கள், தேதியோடு தரும் காமராவுடன்!

நிரம்பி வழிகின்றது கூட்டம்; சாந்தோம் கடற்கரை!
நிரம்பிக் கிடக்கின்றன Fast food விற்கும் கடைகள்!

கடல் அலைகள் Bench போல வடிவமைத்து வைத்த
கடல் அருகில், சுடும் மணலில், கிடைத்த இடத்தில்,

வசதியாக அமர்ந்தோம் நாங்கள்! இந்த இடம்தான்
வசதியாக இருக்கும், புகைப் படங்கள் நன்கு எடுக்க.

அந்த நேரம் சிறிது அமைதியாக இருந்த அலைகள்
கொஞ்ச நேரம் ஆன பின், அதிகரிக்கத் துவங்கின!

கதிரவன் மறையும் நேரத்தில் சரியாகச் சந்திரன்
உதித்து வரும் அல்லவா? பின்னே நோக்கியதும்

கண்டேன் சிவக்கும் சூரியனை; கையில் எடுத்துக்
கொண்டேன் அவனின் அழகைப் படங்கள் எடுக்க!

hoto: . . . தொடரும்..................