MahAperiyavA's teachings and messages

[SANDHYAV]

Share:

Facebook X (Twitter) LinkedIn WhatsApp Email Share Link

this vijay tv 6 pm thingi is gonnu be like this? cant beat vikram vethal or thenali rama i think, but will see how it goes!

 

[P.J.]

Thanks to Shri Gurusevamani C S Mehta for sharing this….


Kanchi Mahaswami Vidyamandir Rajakilpakam Tambaram Mahasawmi sitting in front of Shasra Rudraksha Lingam


Source: Kanchi Mahaswami Vidyamandir « Sage of Kanchi

Hari Krishnamurthy

 

[rishikesan]

Dear all, I. Read in the Hindu that Vijay T. v. Would broadcast from Monday to Friday the life of Mahayana at 6 P.M.
Those interested can watch
rishikesan

 

[P.J.]

"பில்லி-சூனியக்காரி என்று பெரியவாளுக்கு எப்படித் தெரிந்தது?"

சொன்னவர்;ஓர் அணுக்கத் தொண்டர் ஸ்ரீமடம்
தொகுத்தவர்;டிஎஸ்.கோதண்டராம சர்மா
தட்டச்சு;வரகூரான் நாராயணன்.
நன்றி;வானதி பதிப்பகம்.

பார்ப்பதற்கு ரொம்ப நல்ல பாட்டியாகத்தான்
தென்பட்டாள். வெள்ளை வெளேரென்று புடைவை.
நெற்றி நிறைய திருநீறு,கழுத்து கொள்ளாமல்
ருத்ராட்ச, ஸ்படிக மாலைகள்.

பெரியவாளை வெகு விநயமாகப் பணிந்து எழுந்தாள்.

ஒரு தொண்டரிடம், நூறு எலுமிச்சம் பழம், ஸ்டோர்
சமையற்கட்டிலிருந்து கொண்டுவரச் சொன்னார்கள்.

ஒரு தட்டில் எலுமிச்சம்பழங்கள் வந்தன.

"அந்தப் பாட்டியிடம் கொடு."

பாட்டிக்குத் திகைப்பு. பிரசாதம் என்றால்,ஓரிரு
பழங்கள் போதுமே...நூறு எதற்கு? 'எனக்கு ஏன்
இத்தனைப் பழங்கள்?'என்றமாதிரி பார்த்தாள் பாட்டி.

"நீ நிறைய எலுமிச்சம்பழம் காசு கொடுத்து வாங்க
வேண்டியிருக்கு. துர்தேவதையை ஆவாஹனம்
பண்ணி, பல பேர் வீட்டிலே வைத்து, அவர்கள்
குடியைக் கெடுக்க வேண்டியிருக்கு...

இந்தப் பழத்தை அள்ளிண்டு போ! உனக்கு ரொம்ப
உபயோகமாக இருக்கும்" என்று பொரிந்து தள்ளினார்கள்.

பாட்டி விக்கித்துப் போய் நின்றாள்.அவள் பில்லி-
சூனியக்காரி என்று பெரியவாளுக்கு எப்படித் தெரிந்தது
என்று திடுக்கிட்டு, குன்றிப்போனாள்.

அழுதுகொண்டே நமஸ்காரம் செய்தாள்;
மன்னிப்புக் கேட்டாள்.

"உனக்குத் தெரிந்த துர்தேவதை மந்திரங்களை,
ஒரு பசுமாட்டின் காதில் சொல்லிவிட்டு,மறந்துவிடு.
இனிமேல் பில்லி-சூனியம் வேண்டாம். பகவன்நாமா
சொல்லிக்கொண்டிரு,,,"

பின்னர் பாட்டிக்கு விபூதிப் பிரசாதம் மட்டும்
கொடுத்தார்கள் பெரியவாள்.


Source:Varagooran Narayanan

 

[P.J.]

நன்மை தரும் மவுனம்

* தினமும் அரை மணி நேரமாவது மவுனமாக தியானம் செய்யுங்கள்.

* மவுனத்தை அனுஷ்டித்தால் அந்த நேரத்திலாவது சண்டை, சச்சரவு இராது. இதுவும் ஒரு வகையான சமூக சேவைதான்.

* நல்லதை உண்டாக்கிக் கொடுக்கிற சக்தி மவுனத்துக்கு உண்டு. நன்மைகளை பெற்றுத்தர மவுனமே உபாயமாக இருக்கிறது என்பதை "மவுனம் ஸர்வார்த்த ஸாதகம்' என்று சொல்வார்கள்.

* ஒன்றைச் சுருக்கமாக சொன்னால் அது மனதில் பதியாமல் போய்விடலாம். அதையே சுவாரஸ்யமான கதையாக சொன்னால் நன்றாக மனதில் பதியும்.

* வரவு, செலவு என்பது பணம் ஒன்றில் மட்டும் இல்லை. நாம் வார்த்தையை அதிகம் விட்டால் அது செலவு. எதிராளியிடம் வாங்கிக் கட்டிக் கொள்வது வரவு.
- காஞ்சிப்பெரியவர்

Source: Hari Haran

 

[P.J.]

கஷ்டத்தையும் ரசிக்கப் பழகு

* உனக்கு ஒரு காயம் பட்டாலோ, நோய் வந்தாலோ அதை கடவுளே அனுப்பி வைத்திருப்பதாக நினைத்து ஏற்றுக்கொள்ளும் பக்குவத்தைப் பெற வேண்டும். அவற்றால் ஏற்படும் வலியை சமாளிப்பதை ஒரு தவம் போல கருத வேண்டும். பழகப்பழக இந்த மனோபாவம் உறுதியாகி விடும். நோய்நொடியை தாங்குகிற சக்தி உண்டாகும்.

* நமக்கு எந்த கஷ்டம் வந்தாலும் வறுமையினால் சிரமப்பட்டாலும் அவை எல்லாம் நமக்கு வைராக்கியத்தை கொடுப்பதற்காக சுவாமியினால் அனுப்பப்பட்டவை என நினைத்துக்கொள்.

* சாந்தமாக வாழ சாத்வீக உணவை உண்ண வேண்டும்.

* அரை வயிற்றுக்குத்தான் சாப்பிட வேண்டும். கால் வயிற்றுக்குத் தண்ணீர் குடிக்க வேண்டும். கால் வயிறை வாயுவுக்கு விட்டுவிட வேண்டும். பசி தீர்க்கத்தான் ஆகாரமே தவிர, ருசிக்காக அல்ல.


- காஞ்சிப்பெரியவர

Source: Hari Haran

 

[P.J.]

கடவுளிடம் சொல்வோமே!

* நீருக்குள் வாளியை இழுக்கும்போது கனம் தெரிவதில்லை. அதுபோல, துன்பம் ஏற்படும் போது ஞானம் என்னும் தண்ணீருக்குள் அமுக்கிவிடுங்கள். கனம் குறைந்து மனம் லேசாகி விடும்.

* நாம் இந்த மண்ணில் பிறவி எடுத்து விட்டோம். யாராக இருந்தாலும் ஒருநாள் உயிர் போகத் தான் போகிறது. வாழும் காலத்திற்குள் நம் பாவத்தைப் போக்கிக் கொள்ள முயற்சிப்போம்.

* பாவத்தைப் போக்குவதற்கு எங்கும் அலையத் தேவையில்லை. இருந்த இடத்திலேயே கடவுளின் பெயரைச் சொன்னாலே போதும். இரண்டெழுத்தான "சிவ' என்பதை எப்போதும் சொல்லுங்கள்.

* அன்னதானத்தால்மட்டுமே ஒருவரை முழுமையாகத் திருப்திப்படுத்த முடியும். மற்றவை எல்லாம் எவ்வளவு கிடைத்தாலும் மனம் திருப்தி அடைவதில்லை.

* துன்பத்தை பிறரிடம் சொல்லாமல் இருக்க முடியாது. கடவுளிடம் முறையிட்டால் நிம்மதி கிடைக்கும்.
-
காஞ்சிப்பெரியவர்



Source:Hari Haran

 

[P.J.]

Mahaperiyavaa life incidents ......

Periava is walking up the hills to have darshan of Lord Venkatesha at Thirupathi. A Vidyarthi guides Him and whenever there are steps he cautions ' padi,padi '. Periava says, ' I am old now and my eyesight is poor and I have ' read ' enough. why do you keep saying ' padi,padi '. The Vidyarthi is shaken. He says,' Periava is Saraswathi swaroopam ' Periava must pardon me. Periava asks,' so, you mean to say I am not yet Brahma swaroopam'. Vidyarthi is speechless. Periava smiles and says, ' say Govinda, Govinda'. you will get a lot of punya'. From then on, it is Govinda pravaham all the way.


Source: Sage of Kanchi

 

[P.J.]

யார் முன்னால் பேசினாலும் டம்பம் இல்லாமல் அடக்கமாகப் பேசவேண்டும்.

கல்வித்துறையில் ரொம்ப பெரிய போஸ்டில் இருந்தவர் ஒருவர் மடத்துக்கு அடிக்கடி வருவார்.

ஒருதடவை அப்படி வரும் போது தன்னுடன் இரண்டு வெள்ளைக்காரர்களை அழைத்து வந்தார். வந்தவர், வெறுமனே அவர்களுடன் வரவில்லை, கூடவே "தன்னை நாடி இங்க்லாண்டிலிருந்து மாணவர்கள் வந்திருக்கிறார்கள்!" என்ற பெருமிதம் தலைக்கேற வந்தார்.

பெரியவாளுக்கு நமஸ்காரம் செய்து விட்டு "இவா ரெண்டு பேரும் லண்டன்ல ரிஸர்ச் பண்ணிண்டிருக்கா.... almost எல்லா சப்ஜெக்ட்லேயும் புகுந்து வெளையாடியிருக்கா....பொதுவாஇங்க்லீஷ்காராளே ரொம்ப புத்திசாலிகள்! அதுலேயும் இவா ரெண்டு பேரும் ரொம்ப intelligent! பிஹெச்.டி பண்ணியிருக்கா... இங்க்லீஷ்லதான் வர்ஷாவர்ஷம் புதுசுபுதுசா வார்த்தைகள் சேர்ந்துண்டே போறதே! புது scientific வோர்ட்ஸ் நெறைய கண்டு பிடிச்சிருக்கா. அதான், அந்த பாஷை தேங்கிப் போய் பாஸி பிடிக்காம pureஆ இருந்துண்டு இருக்கு..."

இங்க்லிஷுக்கு ஒரு ஸ்தோத்ரமே பண்ணிவிட்டார் !

யார் முன்னால் பேசினாலும் டம்பம் இல்லாமல் அடக்கமாகப் பேசவேண்டும். அதுவும் ஞானக்கடலான பெரியவா மாதிரி மஹான்கள் முன்னால், தெரிந்தாலும் பேசாமல் அடக்கமாக இருப்பதுதான் சிறப்பு.

தலைகால் தெரியாமல் அதிகம் பேசுவது நம்முடைய மடமை. ஏனென்றால் யார் முன் பேசுகிறோம்! ஒரு வழியாக அவர் மூச்சு விட சற்று நிறுத்தியதும், ஞான சாகரத்திலிருந்து ஒரு துளி வெளியே வந்து விழுந்து அங்கிருந்தோரைத் திணற அடித்தது.

"ஆமாமா....இங்க்லிஷ்காரன் ரொம்...ப புத்திசாலிதான்! நாம என்ன பண்றோம்? பாலைத் தயிரா ஆக்கறோம். அது ஸ்வபாவமா நடக்கறது. ஆனா, தயிரைப் பாலா மாத்தறதில்லே; ஏன்னா.....அது முடியாத விஷயம்.

அதுனாலதான் அக்ஞானிகளான நாம, அந்த மாதிரில்லாம் முயற்சி பண்றதில்லை. ஆனா, இங்க்லிஷ்காரன் புத்திசாலியோன்னோ.... "இதோ, தயிரைப் பாலாக்கி காட்டறேன்"..னான்! Butter Milk ன்னு ஒரு வார்த்தையை கண்டுபிடிச்சுட்டான்! பாத்தியா! எவ்ளோ..வ் சுலபமா butterஐ மில்க் ஆக்கிட்டான்!

நாம என்னவோ அதை "மோர்"ன்னு சொல்றோம்; milk ன்னு சொல்றதில்லே".... புன்சிரிப்புடன் பெரியவா சொன்னதும் கல்வித்துறையின் முகத்தில் ஈயாடவில்லை. சுற்றி இருந்தவர்கள் இந்த விளக்கத்தை கேட்டு, அதிலிருந்த "இதுநாள் வரை காணத் தவறிய" உண்மையை உணர்ந்து புன்னகைத்தனர்.

அந்த வெள்ளைக்கார மாணவர்களோ, பெரியவா சொன்னதை மொழி பெயர்த்து கேட்ட பின்,

"Oh ! My God ! It is not a butter research; but a better research!....." என்று ஆச்சர்யப்பட்டு மிகவும் ரசித்தார்கள்.


Source; Hari Haran; Sage of Kanchi

 

[P.J.]

This benediction was composed by His Holiness Chandrasekharendra Saraswati Swamigal, the Sage of Kanchi, Known to all as the "Paramacharya" and "Maha Periyava". It was rendered at the United Nations on Oct. 23, 1966 on the occasion of the UN day, by Bharat Ratna Smt. M.S.Subbulakshmi.

Artist: Subbulakshmi M S
Composer: Sri Chandrasekharendra Saraswati Swamigal

raagam: Yamunaa KalyaaNi

https://www.youtube.com/watch?v=55fe2XsFv38

 

[9868836164]

A good thing. It helps us think of good things and gnanis which will fetch us Guru Arul. Thanks a lot.

 

[P.J.]

'ஜிலேபிக்கு அத்வைத விளக்கம்'

சொன்னவர்; டி.வி.சுவாமிநாதன் I.A.S. (ஓய்வு)
தொகுப்பாளர்;டி.எஸ்.கோதண்டராம சர்மா
தட்டச்சு;வரகூரான் நாராயணன்.
நன்றி; வானதி பதிப்பகம்

புது டெல்லியில் இர்வின் ரோடிலுள்ள
'ஹனுமான் மந்திரில்' ஒவ்வொரு செவ்வாய்க்-
கிழமையும்,'மங்கள்'என்று கூறி பக்தர்கள்
பெருந்திரளில் குழுமுவர். நீண்டு நிற்கும்
'க்யூ' வரிசையை மாலை ஆறு மணி முதல்
இரவு பத்து மணி வரை காணலாம்.ஆலயத்தின்
நுழைவாயிலின் இருவசமும் மிட்டாய்க் கடைகள்.

பக்தர்கள் தொன்னைகளிலும், தட்டுகளிலும் லட்டு,
பூந்தி,பேடா நிவேதிப்பதற்காக வாங்கிச் செல்வர்.
பண்டிட்ஜி, மணி ஒலித்து அர்ப்பணித்து நெற்றியில்
சிந்தூரத் திலகமிடுவார். 'ஜெய்ராம்ஜி' என்ற த்வனி
இரு செவிகளையும் நிறைக்கும்- குருவாயூரில்
'நாராயணா' உச்சாரணம் போல்.

ஒரு செவ்வாய்க்கிழமை மாலை ஹனுமான் மந்திரில்
தரிசிக்கச் சென்றிருந்த நான் ஆஞ்சநேயருக்கு ஜிலேபி
மாலை அணிவித்திருந்ததைப் பார்த்து வியப்புற்றேன்.
மறுநாள் சென்னை சேர்ந்து வழக்கம் போல் சின்னக்-
காஞ்சி சிவாஸ்தானம் போனேன். காஞ்சி மாமுனிவர்
தரிசனம் நாடி.

ஸ்ரீ பெரியவாளிடம் வடைமாலைக்குப் பதில்
அனுமனுக்கு ஜிலேபி மாலை சார்த்தியிருந்ததை
விவரித்தேன்.உடனே தவச்ரேஷ்டர் அத்வைத
சிகரத்தை எட்டிவிட்டார்.

"இரண்டுக்கும் மாவு ஒண்ணுதான்" என்ற அருள்வாக்கால்.

ஆம், இரண்டுக்கும் ஆதார மூலப்பொருள் உளுந்து
மாவுதானே !

உடனேயே நமது நிலைக்கு இறங்கி வந்து,

"இங்கே இருக்கிறவாளுக்கு உப்பு உறைப்பு வேணும்,
வடை தட்டி சாத்தறா. வடக்கத்திக்காராளுக்கு
தித்திப்பு இஷ்டம்,ஜிலேபி பண்ணி சாத்தறா"என்றார்கள்.


Source:varagooran Narayanan

 

[P.J.]

தமிழ் தாய்மொழி. தாய் தான் முதல் கடவுள். தமிழ் பேச்சை மறக்க கூடாது

நடு வயது தம்பதிகள். நான்கு குழந்தைகள். எல்லாம் நவீன ஆடை - அலங்காரம்; நவீனத் தோற்றம். பெண் குழந்தைகளுக்கு கழுத்து வரை மட்டும் கூந்தல் - எல்லையோர செடிகளை, இடுப்பளவு உயரத்துக்கு மேல் வளராதபடி கத்திரிகோலால் வெட்டி விட்ட மாதிரி; நுனி நாக்கில் ஆங்கிலம் விளையாடியது. கான்வென்ட் படிப்பு.

பெரியவா, அந்த குழந்தைகளை தன் அருகில் வரச்சொன்னார்கள். வந்தன. "பேரென்ன? எங்கே படிக்கிறே? என்று விசாரணையாய் உரையாடல்.

குழந்தைகள் ரொம்ப சகஜமாகி விட்டன; உற்சாகமாக, தயக்கமில்லாமல் பதில் சொல்லி கொண்டிருந்தன.

அருகில் இருந்த பழத்தட்டை காட்டி, 'யாருக்கு என்ன பழம் வேணுமோ எடுத்துக்கலாம்' என்று சொன்னர்கள்.

குழந்தைகளுக்கு ரொம்ப சந்தோஷம்.

Thanks - என்று சொல்லிவிட்டு பழங்களை எடுத்துகொண்டன.

பெரியவா சொன்னார்கள்" "ஒரு request நான் சொன்ன கேட்பேளா?"

ஒரே குரலில், "Oh yes! certainly we will do" என்று குழந்தைகள் கூறின.

'வெளி இடத்திலே, பள்ளிகூடத்திலே அல்லது வேறு மனுஷ்யாளிடத்தில் பேசறபோது இங்கிலீஷ்லே பேசு. உங்க வீட்டிலே, அப்பா - அம்மா, சுவாமிகளா இருக்கிற நான்; அப்புறம், பகவான் இவாளிடம் தயவு பண்ணி தமிழிலே தான் பேசணும். தமிழ் தாய்மொழி. தாய் தான் முதல் கடவுள். தமிழ் பேச்சை மறக்க கூடாது."

குழந்தைகள். 'இனிமே அப்பா - அம்மா , குரு, தெய்வத்துகிட்டே தமிழிலேயே பேசறோம். Promise!' என்றன.

பெரியவா முகத்தில் கோடி சூர்ய பிரகாசம். மகா பண்டிதர்களுடன் அத்வைத விசாரம் பண்ணும்போது பளீரிடும் ஒளியை காட்டிலும் நூறு மடங்கு பிரகாசம்!

https://groups.google.com/forum/#!msg/amrithavahini/J1EQvIP0f1c/HL9bFT3eSSIJ

 

[P.J.]

புண்ணியத்தை தேடுங்கள்

* எதைச் செய்வது நல்லது என்று தோன்றுகிறதோ அது புண்ணியம். எதைச் செய்யக்கூடாது என்று தோன்றுகிறதோ அது பாவம்.

* உலகில் பிறந்த அனைவரும் புண்ணியம் செய்ய வேண்டும் என நினைக்கிறார்கள். ஆனால், நூற்றுக்கு எண்பது பங்கு பாவத்தையே செய்கிறார்கள்.

* வாயாலும், மனத்தாலும், உடலாலும், பணத்தாலும் நாம் பலவித பாவங்களை அன்றாடம் செய்து கொண்டே இருக்கிறோம்.

* கயிற்றை எப்படி சுற்றினோமோ, அப்படியே தான் அவிழ்க்க வேண்டும். அதுபோல, பாவச்செயல்களின் பலனைக் கழிக்க, புண்ணிய செயல்களில் ஈடுபடுவதே வழி.

* மனம்,வாக்கு, உடல், பணம் என எல்லாவற்றாலும் நற்செயல்களில் ஈடுபட்டு புண்ணியத்தை தேடிக் கொள்ள முயல வேண்டும்.

- காஞ்சிப்பெரியவர்

Indian Hindu Religion Philosophers and Spiritual Philosophy

 

[P.J.]

நிறைவே காண்போம்



* ஒருவரைப் புகழ்வதிலும் கட்டுப்பாடு வேண்டும். ஒரேயடியாக முகஸ்துதி செய்தால், ஆணவம் உண்டாகும்.

* நம்மிடம் எத்தனையோ குறைகள் இருக்கின்றன. மற்றவர்களிடம் குற்றம் காண்பதில் கவனம் செலுத்தக்கூடாது.

* சவாரி முடிந்தபின் குதிரையைத் தட்டிக் கொடுப்பது போல, வேலை முடிந்தபின் செய்தவரைப் பாராட்டப் பழகுங்கள்.

* தேவைகளை அதிகரித்துக் கொண்டே போவதால் மட்டும் வாழ்க்கைத் தரம் உயர்வதில்லை. இதனால், இருப்பதைக் கொண்டு நிறைவாக வாழ முயலுங்கள்.

- காஞ்சிப்பெரியவர்

Indian Hindu Religion Philosophers and Spiritual Philosophy

 

[P.J.]

[h=1]மானம் காத்த மாதவன்![/h]

கர்நாடகா மகாராஷ்டிரா எல்லைப் பகுதியில் பெரியவா யாத்ரை பண்ணிக் கொண்டிருந்தார். ராமதுர்க என்ற கிராமத்தில் உள்ள ஒரு ஆற்றில் வெள்ளம் கரைபுரண்டு ஓடிக் கொண்டிருந்தது. எல்லோரும் ஆனந்தமாக நதியில் ஸ்நானம் பண்ணினார்கள். பெரியவா கரையில் அமர்ந்து ஜபம், அனுஷ்டானங்களை பண்ண தொடங்கினார்.


எல்லாம் முடிந்ததும் அருகில் இருந்த ரெண்டு சிஷ்யர்களை கூப்பிட்டு, ” ரெண்டு பேரும் ஒங்களோட மேல் துண்டை கீழ போடுங்கோடா !” என்றார். யாருக்கும் ஏன்? என்று புரியவில்லை. மிக மிக புதுமையான உத்தரவு! போட்டார்கள். பெரியவா சுற்றி அங்கே இங்கே பார்த்தார்……….மக்கள் நடமாட்டமே இல்லாத அந்தப் பகுதியில் ஒரே ஒரு குட்டிப்பையன் நின்று கொண்டு பெரியவாளை பார்த்துக் கொண்டிருந்தான்.


“இந்தாடா……….கொழந்தே! இங்க வா” சைகை பண்ணி அழைத்தார். வந்தான். நதி மேற்கிலிருந்து கிழக்காக இரு கரைகளையும் ஒட்டி அசாத்தியமாக சுழித்து சுழித்து ஓடிக் கொண்டிருந்தது. பெரியவா அந்த குட்டிப்பையனிடம் கன்னடத்தில் ” இ இரடு பட்டகளை ஹத்ர நதி ஓரதல்லி இதாளே…….அந்த யங்குஸ்தர்கடே கொடப்பா! ” [இந்த ரெண்டு வஸ்த்ரங்களையும் அதோ ஆத்தோரம் தெரியற பொண்ணுகிட்ட குடு] என்று சொன்னார்.> >

அந்த பையனும் எதிர் கரைக்கு நீந்தி போய், நீருக்குள் மூழ்கி, தலையை மட்டும் வெளியில் வைத்துக் கொண்டிருந்த அந்த பெண்ணிடம் ரெண்டு வஸ்த்ரங்களையும் குடுத்தான். கிட்டத்தட்ட ஒரு மணிநேரத்துக்கும் மேலாக அந்த பெண் அதே நிலையில் அமர்ந்திருந்திருக்கிறாள். பாவம்!


ஆற்றின் சுழிக்கும் வேகத்தில், அவளுடைய வஸ்த்ரங்கள் போயே போய்விட்டன ! எப்படி வெளியே வருவாள் ? வீட்டுக்கு எப்படிப் போவாள்? படிப்பறிவு சற்றும் இல்லையானாலும், பண்பாடு போகவில்லையே அந்த கிராமத்துப் பெண்களுக்கு!


“இந்த சனங்கல்லாம் எப்பத்தான் இந்த எடத்தை விட்டு எழுந்து போவாங்களோ!” என்று மடத்தினரைப் பார்த்து அவள் நொந்து போயிருக்கக்கூடும். யாத்ரையில் வந்தவர்கள் பார்வை நூறடிக்கப்பால் போகவில்லை. அவசியமும் ஏற்படவில்லை. அவளுடைய இக்கட்டான சூழ்நிலை பெரியவாளுக்கு தெரியாமல் யாருக்கு தெரியும்? அந்தர்யாமியில்லையா? த்ரௌபதி “கோவிந்தா” என்று அலறியதும், எங்கோ த்வாரகையில் இருந்தாலும், அவளுடைய அந்தர்யாமியாகவும் இருப்பவன் அவன்தானே! ஓடி வந்து அவள் மானத்தை காப்பாத்தவில்லையா?

இந்த பெண் மனஸில் போட்ட ஓலம் கேட்டு, தானே முன்வந்து, அவள் மானத்தை காத்தார். அவள் மேல் துண்டுகளை சுற்றிக் கொண்டு, வெளிய வந்து அங்கிருந்தபடியே ஒரு கும்பிடு போட்டுவிட்டு, வீட்டை நோக்கி போனாள்.


2012 December 25 « Sage of Kanchi

 

[P.J.]

https://soundcloud.com/anjugam/chandrasekara?in=naribala/sets/f1s2vlowkjdt

"சந்திரசேகர சரஸ்வதியே சரணம்
ஸ்ரீ காஞ்சி வாழ் தயாநிதியே
அனுபல்லவி.
அந்தரங்கமுடன் உந்தன் அருளைப்பெறவே நான்
என்ன தவம் செய்தேனோ கருணைக் கடலே.
சரணம்
பக்தர்கள் செய்திட்ட பாக்யமாம் பாரில்
பரம் பொருள் ஆகவே அவதரித்தாய்
மா தவம்செய்திடும் மாணிக்கமாம்
ஸ்ரீ ஜெயேந்திர சரஸ்வதியை நீ அளித்தாய்
பந்த பாசம் வென்ற பாலயோகி சங்கர
விஜயேந்திர சரஸ்வதியை அளித்தாய்.

 

[P.J.]

கானல்நீர்!


கானல்நீர்!(ஜலமே இல்லாத பாலைவனத்தில் ஜலம் இருக்கிற மாதிரி ஒரு ஏமாற்று ஜாலம்)
- ஜகத்குரு காஞ்சி காமகோடி ஸ்ரீசந்திரசேகரேந்திர சரஸ்வதி சங்கராச்சார்ய ஸ்வாமிகள்.





கானல்நீர்!(ஜலமே இல்லாத பாலைவனத்தில் ஜலம் இருக்கிற மாதிரி ஒரு ஏமாற்று ஜாலம்)
- ஜகத்குரு காஞ்சி காமகோடி ஸ்ரீசந்திரசேகரேந்திர சரஸ்வதி சங்கராச்சார்ய ஸ்வாமிகள்.

பாலைவனங்களில் நிறைய மான் கூட்டங்கள் இருக்கும். அவற்றுக்கு வெயில் காலத்தில் ‘ஹா ஹா’ என்று தாஹம் எடுக்கும். ஆனால், பாலைவனத்தில் ஜலம் கிடைக்குமா? கிடைக்காவிட்டால் போகிறது. அங்கே ஜலமே கிடைக்காது என்பதாவது தெரிந்துவிட்டால் மான் கூட்டம் பாலைவனத்தை விட்டு வெளியிலே உள்ள நீர் வளமுள்ள நாட்டுக்கு ஓடிவந்து உயிரைக் காப்பாற்றிக் கொள்ள முடியும். ஆனால், இதையும் செய்ய முடியாமல் ஜலமே இல்லாத பாலைவனத்தில் ஜலம் இருக்கிற மாதிரி ஒரு ஏமாற்று ஜாலம் நடக்கிறது. அதுதான் கானல்நீர் என்பது.

ப்ரதிபிம்பம் (reflection), ஒளிச்சிதறல் (refraction) ‘தியரி’களைக் கொண்டு ஸயன்ஸில் இதை விளக்குகிறார்கள். மொத்தத்தில் இது என்னவென்றால், பாலைவனம் மாதிரியான ஒரு விஸ்தாரமான வெளியில் ரொம்பவும் உஷ்ணம் ஏறிப்போய், காற்று ப்ரதேசம் இலேசாகி விடுகிறபோது, தூரத்திலிருந்து பார்க்கிறவர்களுக்கு ஜலத்திலே ப்ரதிபிம்பம் தெரிகிறமாதிரி மண்ணிலேயே தெரிகிறது. தூரத்திலிருந்து பார்க்கிறபோது வெறும் மணற்பாங்கான பூமியே ஒரு நதி ஓடுகிற மாதிரி தெரியும். அதை நோக்கிப் போகப் போக, அதுவும் தள்ளிப் போய்க்கொண்டேயிருக்கும்.


இப்படிப்பட்ட கானல்நீரைப் பார்த்து மான்கள் வாஸ்தவமான ஜலம் என்று நினைத்து அதைத் தேடித் தேடி ஓடி கடைசியில் ஓடமுடியாமல் களைத்து, வெயிலின் உஷ்ணம் தாங்காமல், ரொம்பவும் பரிதாபமாக ஜீவனை இழக்கும், ஸம்ஸ்க்ருதத்தில் ‘ம்ருக்’ என்றால் ‘தேடுவது’ என்று அர்த்தம். ஓயாமல் எதையாவது தேடி ஓடிக்கொண்டே இருப்பதுதான் ‘ம்ருகம்’. கானல் நீரைத் தேடி ஓடி மடிவது மான் என்ற ம்ருகத்தின் பரிதாபமான கார்யமாக இருக்கிறது!

லோகமெல்லாம் மாயை என்று அத்வைத சாஸ்திரத்தில் சொல்லியிருக்கிறது. ‘அதெப்படி மாயை? லோகம்தான் கண்ணுக்குத் தெரிகிறதே?’ என்று கேட்டால், ‘கானல் நீர் கூடத்தான் கண்ணுக்குத் தெரிகிறது. அதனால் அது நிஜமாகிவிடுமா ? அப்படித்தான் இந்த லோகமும் ஒரு கானல் நீர்’ என்று அத்வைத க்ரந்தங்களில் சொல்லியிருக்கிறது.

* பொருளைத் தேடி அலைவதால் வாழ்க்கை தரம் உயர்வதில்லை. தரமான வாழ்வு என்பது அவரவர் பெற்றிருக்கும் மனநிறைவைப் பொறுத்த விஷயம்.

* மனம் தியானத்தில் நிலைத்து நிற்க வேண்டுமானால், கடவுளின் திருவடிகளை கெட்டியாகப் பிடித்துக் கொள்ள வேண்டும்.
* அது வேண்டும், இது வேண்டும் என்று ஏதாவது ஒன்றைத் தேடி அலையும் வரையில், எத்தனை பணம் இருந்தாலும் அவனை பரம ஏழை என்று தான் சொல்ல வேண்டும்.
* சுவரில் எறிந்த பந்து திரும்புவது போல, மனதில் நிறைவேறாத ஆசைகளே கோபமாகத் திரும்பி, நம்மைப் பாவச் செயல்களில் தள்ளிவிடுகிறது.
* பழைய பாவங்களுக்குப் பரிகாரம் தேடுவதை விட, புதிய பாவச்சுமை சேராமல் பார்த்துக் கொள்வது அவசியம். அதற்கு ஒரே வழி கடவுளின் திருவடியை சரணடைவது தான்.


Source: Hari Krishnamurthy

 

[P.J.]

Sri Maha Periyava Vakku








ஆத்மா- நம் வாழ்க்கை-கடவுள்(ஸ்ரீசந்திரசேகரேந்திர சரஸ்வதி ஸ்வாமிகள்.)

ஆத்மா என்பது நம்முள் இருக்கும் ஒரு வாழ்க்கைச் சுடர்.

கடவுள் என்பவர் இந்த விளக்கை ஏற்றி வைக்கும் பெரும் சுடர்.

கடவுள் என்பவர் வாழ்க்கைக்குப் பொருளும்,உருவமும் கொடுக்கும் மகாசக்தி.

ஆத்மா, நம்முள்ளேயே இருக்கிறது. ஆனால் இருட்டு வரும்போதுதான் நாம் விளக்கையும், அதன் சுடரையும் தேடுகிறோம்.

அதேபோல வாழ்க்கையில் தெளிவும், விடிவும் தேவைப்படும் வேளையில்தான் நாமும் ஆத்மாவின் சுடரை நாடுகிறோம்.

கடவுள் என்பவர் இந்த விளக்கை ஏற்றி வைக்கும் பெரும் சுடர்.

அந்தப் பெரும் சுடரின் ஒருசிறு பகுதியாகவே நம்முடைய ஆத்மா ஒளி தருகிறது.

ஆக நம்முள் இருக்கும் சிறுசக்திக்கு மூலாதாரமானது அந்தப் பெரும் சக்தி.

நம்முடைய ஆத்மா ஒரு பல்பு என்றால், கடவுள் அதற்கு ஒளியைத் தரும் பெரிய மின்உற்பத்தி நிலையம்.

இரண்டுக்கும் இணைப்பு இருப்பது நம்முடைய கண்ணுக்குத் தெரியாது.

ஆனால் விளக்கு எரியாவிட்டால் "பவர் இல்லை" என்று சொல்லுவதைப் போல, நம்முடைய ஆத்மாவின் சக்தியை உணராதவரையில் கடவுள் இருப்பதாக நாமும் உணரமாட்டோம்.

இன்னோர் உதாரணம் - பெரிய வான்வெளி இருக்கிறது.

அதில் காற்று நிறைந்திருக்கிறது.

அதில் ஒரு சிறு வீட்டை பூமியில் கட்டுகிறோம்.

அதன் அளவுக்குள் மின் விசிறியைப் பொருத்துகிறோம்.

அறையின் ஜன்னல்களை மூடிவிட்டு காற்று இல்லை என்று எண்ணிக் கொள்கிறோம்.
ஆனால் உண்மையில் அறைக்குள்ளும் காற்று இருக்கிறது.

மின்விசிறியைப் போட்டதும் அது காற்றின் அசைவைத் தூண்டுகிறது.

காற்று இருப்பதை உணருகிறோம்.

அதேபோலக் கடவுள் விரிந்த வான்மண்டலத்தில் பரவி இருக்கும் காற்றைப் போன்றவர்.

நம்முள்ளும் அவர் இருக்கிறார்.

ஆனால் அதை நாம் பக்தி உணர்வால் ஆத்மாவைத் தூண்டித்தான் புரிந்துகொள்ள வேண்டும்.

நான் என்ற அகந்தை இருக்கும்வரை இது புரியாது.

அறையின் கதவுகளும், ஜன்னல்களும் சாத்தப்பட்டிருக்கும் வரை, காற்று இருப்பதை உணரமாட்டோம்.

கதவும், ஜன்னல்களும் திறக்கின்றன.

நான் என்ற அகந்தை அகலுகிறது.

நாமும் தெய்வீக உணர்வை நாடிப் புறப்படுகிறோம்.

வீட்டின் சுவர்கள் உடைகின்றன.

அறை மீண்டும் வான்மண்டலமாகி விடுகிறது.

பிறகு அறைக்குள் இருக்கும் காற்றும் வெளியே உள்ள வான் மண்டலமும் ஒன்றே.

உலக பந்தங்களுக்குள், உணர்ச்சி வலைக்குள் மாட்டிக்கொண்டிருக்கும் ஆன்மா, உடலை உதறி எறிந்துவிட்டுப் புறப்படுகிறது.

அதன்பின் அதுவும் கடவுளின் வியாபகமும் ஒன்றே.

கடவுளைச் சரணடைவோம்



Source: Hari Krishnamurthy

 

[P.J.]

இசையின் மழையில் நனைந்து... இதயம் முழுதும் குளிர்ந்து....

தினமலர் 16-02-2014

காஞ்சி மகாபெரியவர் தியானம் செய்வதற்காக, காஞ்சி அருகிலுள்ள தேனம்பாக்கத்திற்கு செல்வது வழக்கம். ஒருமுறை, அங்கு பக்தர்கள் ஏராளமாக கூடியிருந்தனர். அப்போது, பாடகர் சீர்காழி கோவிந்தராஜன், தன் நண்பர் கவிஞர் நெமிலி எழில்மணியுடன் அங்கு வந்தார். தான் அங்கு வருவது தெரிந்தால், கூட்டம் கூடிவிடக்கூடாது என்பதால், யாருக்கும் முன்கூட்டியே தகவல் சொல்லாமல் வந்து விட்டார். தனது உதவியாளரிடம் கூட, காஞ்சிபுரம் செல்வது பற்றி அவர் சொல்லவில்லை. தான் பாடிய பாடல் அடங்கிய இசைத்தட்டுகளை பெரியவரிடம் கொடுத்து ஆசி பெற வேண்டும் என்பது அவரது நோக்கம்.

பெரியவர் அப்போது பூஜையில் ஈடுபட்டிருந்ததால், திரை போடப்பட்டிருந்தது. ஒரு சில பக்தர்களே பெரியவரைக் காண காத்திருந்தனர். அவர்கள் வரிசையில் சீர்காழியும் சேர்ந்து கொண்டார். அப்போது கதவு திறக்கும் சத்தம் கேட்டது. அனைவரும் பெரியவர் தரிசனம் தர வெளியே வருகிறார் என எண்ணி தயாராக நின்றனர். ஆனால், பெரியவரின் சீடர் ஒருவர் மட்டுமே அங்கே வந்தார்.

கூட்டத்தினரை நோக்கி, ""இங்கே சீர்காழி கோவிந்தராஜன் வந்திருக்கிறாரா?'' எனக் கேட்டார். பரபரப்புடன் எழுந்த சீர்காழி, ""இதோ இருக்கிறேன்'' என்று பதிலளித்த படி அவர் முன் வந்தார்.

""உங்களை மகாபெரியவா பாடச் சொன்னா'' என்று சொல்லி விட்டு உள்ளே போய்க் கதவைத் தாழிட்டுக் கொண்டார். மெய் சிலிர்த்துப் போய் விட்டார் சீர்காழி. தான் தேனம்பாக்கம் வந்து, ஒரு சில நிமிடங்கள் ஆகாத நிலையில், அதிலும் யாருக்கும் தெரியாத நிலையில், உள்ளே பூஜை செய்யும் பெரியவருக்கு எப்படி தெரிந்தது?'' என்று பரவசப்பட்டார். தான் பாடுவதற்கு, பெரியவர் உத்தர விட்டதை எண்ணி மகிழ்ந்தார்.

""ஹிமாத்ரிசுதே பாஹிமாம்'' என்ற பாடலைப் பாடத் தொடங்கினார். தொடர்ந்து பெரியவர் மீது, தான் பாடிய பாடல்களையும் பாடினார். சிறிது நேரத்தில் கதவு திறக்கப்பட்டது. அதுவரை, சீர்காழியின் இசைமழையில் நனைந்து, இதயம் குளிர்ந்த பெரியவர், பூஜை முடித்து, காவியுடையில் வெளியே வந்தார். சீர்காழி கோவிந்தராஜன் அவரருகே சென்று, இசைத்தட்டைக் கொடுத்து, ஆசி பெற்றார். பின், ஆனந்தக் கண்ணீருடன் புறப்பட்டார்.

சீர்காழி கோவிந்தராஜனின் மகன் டாக்டர் சிவசிதம்பரம் இந்த சம்பவத்தை இசை மேடைகளில், அடிக்கடி சொல்லி மகிழ்வதுண்டு.

சீர்காழியைப் பாடச் சொல்லி உத்தரவிட்ட காஞ்சிப்பெரியவர், ஞானசக்தியால் அனைத்தையும் அறியும் திறமை பெற்றிருந்தார் என்பதற்கு இந்நிகழ்ச்சி ஒரு எடுத்துக்காட்டு.


Source:Vidya Raju
Varagooran Narayanan

 

[P.J.]

For Periyava Devotees

https://www.youtube.com/watch?v=54t_1_OmPhc

The Sage of Kanchi is a 69 minute 35mm Color biographical documentary in English produced for Sri Kanchi Mahaswami Vidya Mandir, Chennai and directed by Mr. V. Balakrishnan of Nrityadaya, Chennai.

It takes on a spiritual journey and portrays the life and times of the Maha Periyaval of Kanchi, the 68th Pontiff of Sri Kanchi Kamakoti Peetam. A panoramic picture, it captures the 100 years in the life of this great spiritual head, his immense contribution to the national and spiritual fabric of India and to the 2500 year old institution established by Sri Adi Sankara.

"The visual, the commentary and the music fused into a seamless whole. All aspects of his life and work have been included and the comprehensive treatment gives the film the touch of an EPIC" - The Hindu

The devotional capsule is rounded off with glimpse of the institutions, memorials in his honor.The bhakti-filled music, especially of M. S. Subbulakshmi, used suitably in the background enhances the spirit of tribute.

Indeed a riveting experience for the devotees of the Paramacharya.

 

[P.J.]

திருப்பதி பற்றி மஹா பெரியவா !


‘நீ திருப்பதியைப் பத்தி எழுதறயா ?’

‘திருப்பதி இருக்கு பார்…. இது உலகத்திலேயே மகாசக்தி வாய்ந்த, மிக உயர்ந்த க்ஷேத்திரம். மகேஸ்வரன், விஷ்ணு, பிரும்மா, வராஹர், குமரன் இவாளோட சக்திகளும், சப்த மாதாக்களின் சக்திகளும் ஒண்ணா ஒரே இடத்திலே சேர்ந்திருக்கிற இடம் அது. மலை மேல் இருக்கிற பெருமாள் ரொம்ப ரொம்ப சக்தி உள்ளவர். நான் முன்னே காசி யாத்திரை பண்ணினப்ப ஸ்ரீ வேங்கடாசலபதியைத் தரிசனம் பண்ணினேன். கர்ப்பக்கிரஹத்துக்கு உள்ளே போய் பார்க்க அனுமதிச்சா. சுவாமி விக்ரஹத்துக்குப் பின்னாலே போய்க்கூட நன்னா பார்த்தேன்…..’ என்று பெரியவா பழைய நிகழ்ச்சியைக் கூறிக் கொண்டிருந்தபோது தீவிர பக்தர் ஒருவர் வீதியிலேயே நமஸ்காரம் செய்து, தங்கள் இல்லத்துக்கு எழுந்தருளும்படிப் பிரார்த்தித்துக் கொண்டார்.


Please read more from here:

01 | May | 2010 | Balhanuman's Blog

 

[P.J.]

அஸ்வமேதம்




அஸ்வமேத யாகத்தை நம் எல்லோராலும் பண்ண முடியுமா ? அஸ்வமேதத்துக்கு சமமான பலனைத் தரும் ஒரு பணி இருக்கிறது. மற்ற எல்லாவற்றையும் விட உயர்ந்ததான அந்தப் பணிதான் அனாதைப் பிரேத ஸம்ஸ்காரம். பரோபகாரமாக, இறந்துபோன இன்னொரு ஜீவனுக்கு இதனால் உதவி பண்ணும்போதே நமக்குப் பாபம் வராமல், கடமையைச் செய்து நமக்கும் உபகாரம் பண்ணிக் கொள்கிறோம்.

http://mahaperiavaamyguru.blogspot.com/2010/12/blog-post_15.html

 

[P.J.]

ஸ்ரீ ராம நாம மஹிமை

“நடமாடும் கடவுள்” மஹா பெரியவா எனக்கு ஒரு உபதேசம் செய்தருளினார். அதாவது “நீ நித்தியம் படுக்கப்போகும் போது, சத் விஷயங்களையே நினைத்துக் கொள். சதா “ராமா, ராமா” என்று ஜபம் பண்ணிக் கொண்டிரு. இந்த மந்திர ஜபத்திற்கு விதி நிஷேதம் ஒன்றுமில்லை. நீ இதை எப்போதும், எந்த நிலையிலும் ஜபம் செய்யலாம்” என்றருளினார்.

பரம பாவனமான இந்த மந்திரத்தின் பெருமையை அவர் பல தடவைகளில் தெளிவுபடுத்தியிருக்கிறார். சிவ விஷ்ணு அபேதத்தின் அடிப்படைத் தத்துவமே இதில் அடங்கியிருக்கிறதென்றும், “ரா” என்ற எழுத்து அஷ்டாக்ஷத்திரத்தின் ஜீவன் என்றும், “ம” என்ற எழுத்தோ பஞ்சாக்ஷரத்தின் ஜீவன் என்றும் தெளிவுபடுத்தியிருக்கிறார்.

28 | October | 2010 | Balhanuman's Blog

 

[P.J.]

சேலம் பெரியவா கிரகம் ..
10.3.2013 சிவராத்திரி

'தென்னாடுடைய சிவனே போற்றி
என்னாட்டவருக்கும் இறைவா போற்றி'
என்று மாணிக்க வாசகர் உருகி உருகிப் பாடிய , சிவனின் சிறப்பைப் போற்றும் சிவராத்திரி
அபிஷேகப் பிரியனாம் , சிவனை, இரவு முழுதும் ஜாமத்துக்கு ஜாமம் நீராட்டி அகம் குளிர வழிபாடு செய்து அவன் அருளை வேண்டும் அடியவர்கள் திருக் கூட்டம் .....

சீதாலக்ஷ்மி மாமியும் , அவரின் திறன் மிகு மாணவியரும் , இசையே வடிவான ஈசனுக்கு படைத்த கீதாஞ்சலி.... சில காட்சித் துளிகள்..

Salem Periyava Graham Sivarathiri 10.3.2013 - YouTube