பயணக் க(வி)தைகள்...

[Raji Ram]

Share:

Facebook X (Twitter) LinkedIn WhatsApp Email Share Link

குட்டி மிக்கியின் ரயில்:

FERRY BOAT:

 

[Raji Ram]

கடல் கடந்த முதல் அனுபவம் ..... 49

சில நிமிடங்களில் வெளி நுழை வாயிலின் அருகில் வர,
பல டிஸ்னி படைப்புக்களின் அணிவகுப்பு ஆரம்பமானது!

வண்ண வண்ண விளக்குகளின் ஒளி வெள்ளம் பெருகி வர,
வண்ணமய ஆடைகள் அணிந்து அவைகள் ஆடிப் பாடி வர,

குட்டி மீன் நீந்துவது, குதிரைகள் ஓடுவது, மயில் ஆடுவது,
குட்டி CHIP, DALE இரண்டும் பியானோ இசைத்தபடி வருவது,

சின்னக் கடல் கன்னி பாடுவது, அதன் தந்தை கடல் ராஜா தன்,
வண்ண கடல் குதிரை வண்டியில் அமர்ந்தபடிச் செல்லுவது,

பட்டாம்பூச்சிகள் சிறகடிப்பது, என்று காட்சிகள் கண்டு மனம்
பட்டாம்பூச்சி போலச் சிறகடித்து மகிழ, கடைசிக் காட்சியாக,

மலை ஒன்றை உடைத்து வெளி வந்தது ZURG வில்லன்; பெரிய
அலைகளாகச் சிரிப்பைப் படர விட்டுப் பயமுறுத்த, முடிவில்,

செல்லமாக PLUTO வந்து எல்லோருடனும் கை குலுக்க, அங்கு,
எல்லோரும் மனம் மகிழ்ந்து ட்ராமில் ஏறிப் பயணித்தோம்.

வண்டிகள் நிறுத்தத்தின் அருகில் இறங்கி, எங்கள் காரைத் தேடி,
வண்ணமய வாணவேடிக்கை கண்டு, இனிய இல்லம் வந்தோம்.

:car: தொடரும் ..................

 

[Raji Ram]

Fire works, Magic kingdom

. . . . . . . . . . :clap2: . . . . . :cheer2: . . . . . :clap2: . . . . . . . . . .

 

[Raji Ram]

கடல் கடந்த முதல் அனுபவம் ..... 50

எடுத்த புகைப்படங்களை விரைவாகத் தயாரிக்கக் கொடுத்து,
அடுத்து அமைந்த I Max show பார்க்கச் சென்றோம், மறுநாள்.

நன்கு சாய்ந்து உட்கார வசதியான இருக்கைகள், வரிசையாய்;
அங்கு எதிரில் அமைந்த வளைவான வடிவில் திரை, அழகாய்.

ஒலிபெருக்கிகள் எட்டுத் திசைகளிலும் மிகவும் அற்புதம்;
ஒலிக்கு இணையாக ஒளிப்பதிவும் படு சிறப்பாக இருக்கும்!

கடலுக்குள் நாமே நீந்துவதுபோல, பவள வடிவப் பாறைகளை
கடலுக்குள் தேடி எடுப்பதுபோல, கடல் வாழ் உயிரினங்களுடன்

இருப்பதுபோல, கரைக்கு வந்த பின்னர், விமானத்தில் ஏறிப்
பறப்பதுபோல எனப் பற்பல முப்பரிமாண வடிவங்கள், அருமை!

படம் முடிந்தபின் வெளிவர, கொடுத்துச் சென்ற அந்தப் புகைப்
படங்கள் தயாராகி இருக்க, விரைவுச் சேவையைப் புகழ்ந்தோம்!

விரைந்து சென்ற படகிலும், ரயிலிலும் எடுத்தவையும், கண்களை
நிறைத்து, அழகு தரும் வகையில் அமைந்து இருந்தது விசேஷம்!

மாலை வேளை சத்திய நாராயணா கோவிலுக்குச் சென்று தரிசனம்;
மாலை வேளை பூஜைகள், மிக அருமையாக நடந்துகொண்டிருந்தன.

சிவன் லிங்க வடிவில் திகழ, அம்பாள் பல ஆபரணங்களுடன் மிளிர,
நவக்கிரஹ சன்னதிகள் இருக்க, விநாயகர் வினை தீர்க்க அமர, ஜனக

ராஜ குமாரி சீதை ஸ்ரீ ராமருடன் விளங்க, வள்ளி, தெய்வானை சமேத
ராஜ அலங்கார முருகன் புன்னகை பூக்க, மனங்கள் அன்று நிறைந்தன!

வானம் இருட்டி, நட்பு மழை பொழிய ஆரம்பிக்க, நாங்கள் அனைவரும்,
நேரம் கடத்தாது, இனிய இல்லம் திரும்ப, விரைந்து காரில் ஏறினோம்!

நட்பு மழைக்கு விளக்கம்: ஓயாமல் பெய்து, படுத்தி எடுத்துவிடாது,
தட்ப வெப்பம் குளிர்ந்தவுடன், தானாகவே நின்று போய்விடும், அது!

:clap2: . . தொடரும் ......................

 

[Raji Ram]

கடல் கடந்த முதல் அனுபவம் ..... 51

மறுநாள் அசதியால் மெதுவாகவே எழுந்தாலும், அந்த
ஒரு நாளையும் வீணாக்காது, 'ஷாப்பிங்' சென்று வந்தோம்!

கல்யாணம் ஆகாத பசங்கள், பில் கொடுக்கத் தாமே செல்ல,
கல்யாணம் ஆனவர் சிலர், நம்மை விட்டு விலகுவார்கள்!

ஒரு சுவையான கவனிப்பே! சந்தர்ப்பம் கிடைத்த பொழுது,
வேறு கடைகளிலும் இதை உறுதி செய்து கொண்டது நிஜம்!

பரந்த 363 ஏக்கர் பரப்பளவில் உள்ளது அழகிய BUSCH GARDENS;
சிறந்த வன விலங்குகள் உள்ள சரணாலயம்; RIDES உண்டு!

இது அறிந்த எனக்கு வந்தது, இரட்டிப்பு மகிழ்ச்சி; ஏனெனில்,
இதுபோலச் சென்னையில் என்னை யார் கூட்டிச் செல்வார்?

மதியம் சென்றதால், மயங்கிக் கிடந்தன பற்பல மிருகங்கள்;
மதியம் உண்ட மயக்கம்! தொண்டனுக்கும் உண்டல்லவா?

வெள்ளை மயில் ஒன்று, தன் தோகை விரித்து ஆடி மகிழ,
கொள்ளை அழகில் மயங்கி, அதைப் படம் எடுத்து வந்தேன்!

ரயிலில் ஏறி, ஒரு சுற்றுச் சுற்றி வந்தோம்; அந்தச் சமயம்,
மயிலைத் தவிர வேறு சில மிருகங்களும் கண்டு வந்தோம்.

RIDE செல்ல ஆசைப்பட்டு, முதலில் போனது SCORPION RIDE;
RIDE செல்ல நின்ற வரிசையில் போய் நின்றோம் மூவர்!

முப்பது வினாடி அதிரடிச் சுற்றல்; மேலிருந்து கீழே வர
மூன்று வினாடிகள்! வந்த வேகத்தில் தலைகீழ் வட்டம்!

PYTHON RIDE அடுத்ததாக இருக்க, எங்கள் மூவரில், கொஞ்சம்
பயந்த ஒருவர் விலகிவிட, நானும் எம் மகனும் மட்டும்தான்!

ஐம்பது அடி உயரத்திலிருந்து ஒரே தள்ளுதான், எங்களை!
ஐந்து வினாடிகள் இருக்கையை விட்டு மேலே எழுந்தோம்!

கீழே விழுந்த வேகத்திலேயே, மேலும் இரண்டு வட்டங்கள்
மேலெழுந்து, தலைகீழாய்ச் சுற்றிச் சுற்றிச் சென்றது, அது!

:high5: . . . தொடரும்.................

 

[Raji Ram]

கடல் கடந்த முதல் அனுபவம் ..... 52

பயம் போக்கத் தாரக மந்திரம் உள்ளதே என்னிடம்!
பயம் போக்கியது என் உச்ச ஸ்தாயியில் அலறல்!

எப்போதும் போலவே நான் வீல்! வீல்!
அப்போதும் எங்கள் மகன் COOL! COOL!

முதலாவது RIDE ல் ஒரு தலைகீழ் வட்டத்தில் புரியாதது,
இரண்டாவது RIDE ல் இரு வட்டங்களில் நன்கு புரிந்தது!

கண நேரம் உலகமே திசை திரும்பி இருக்கும் - மனித
இனம் எல்லாம் தலை கீழாக நடப்பது போல இருக்கும்!

கண்ணை மூடியே கத்தியதால், முதலில் பார்க்கவில்லை!
கண்ணைத் திறந்து பார்த்துள்ளேன், இரண்டாம் முறையே!

வெற்றிக் களிப்புடன் வெளியேறினோம் இருவரும். ஆனால்
பற்றிக் கொண்டது பயம், அதற்கு அடுத்த RIDE ஐக் கண்டதும்!

நூற்றுப்பத்தடி உயரத்திலிருந்து தள்ளிவிடும் அந்த RIDE!
உற்றுப் பார்த்தவுடனே, என் வயிற்றில் பட்டாம்பூச்சிகள்!

சில மணித்துளிகள் அமைதியாகப் பயணிக்க விரும்பி,
சில அடி நடந்தவுடன் CABLE CAR காண, அதில் ஏறினோம்!

அழகாகப் பூங்காவின் மீது மெதுவாகச் சென்றது அது;
நுழை வாயிலின் அருகில் இறக்கியது, எல்லோரையும்!

ஐம்பது டாலர் கட்டணத்தில் டிஸ்னி உலகு! அதே போல
ஐம்பது டாலர் கட்டணத்தில் இங்கு அதிகம் இல்லையே!

:cheer2: . . . தொடரும் ........................

 

[Raji Ram]

கடல் கடந்த முதல் அனுபவம் ..... 53

ஏன் இவ்வாறு உரைத்தேன்? வசதிகளில் வித்தியாசம்தான்!
எந்தத் தடங்கலும் இன்றி அத்தனை RIDE-கள் டிஸ்னி உலகில்!

குறைவான எண்ணிக்கையே இங்கு இருந்தாலும், அவற்றை
நிறைவாகப் பராமரிக்க, கொஞ்சம் கஷ்டப் படுவது தெரிந்தது!

நீர்த்தட விளையாட்டு அரங்கில், வரிசையில் ஒரு மணி
கால் கடுக்க நின்று, முடிவில் 'எந்திரக் கோளாறு' என்றார்!

அனைவரையும் திருப்பி அனுப்பினர்! இருந்தோம் கடுப்பில்;
அனைவரும் வந்தோம், கூடைப்பந்து திடலுக்கு, முடிவில்!

முன்நாள் தேசிய விளையாட்டு வீரர் என்னவர்; ஆனால்
இந்நாள் போட்ட மூன்று பந்துகள், கூடைக்கு வெளியில்!

ஐந்து டாலர்கள் வீண்! ஆனாலும் எனக்குப் பரவாயில்லை!
ஐந்து நாட்கள் கிண்டல் செய்ய எனக்கு விஷயம் உள்ளதே!

என்னவரின் தங்கை எனக்கு ஒரு தொப்பி பரிசளிக்க, அதைச்
சென்னையில் அணிந்தால் 'சார்லி சாப்ளின்' என்றே எனக்குச்

செல்லப் பெயர் வரும் என நாணிக் கோணிக்கொண்டு, என்
செல்ல மருமகளுக்கே அதை அளித்துவிட்டேன், உடனே!

'ஷாப்பிங்' சென்று பார்த்தால், பயங்கர விலை - ஜன்னல்
'ஷாப்பிங்' கண்ணாறக் கண்டு, இனிய இல்லம் வந்தோம்!

:car: . . . தொடரும் .....................

 

[Raji Ram]

கடல் கடந்த முதல் அனுபவம் ..... 53
................
முன்நாள் தேசிய விளையாட்டு வீரர் என்னவர்; ஆனால்
இந்நாள் போட்ட மூன்று பந்துகள், கூடைக்கு வெளியில்!

ஐந்து டாலர்கள் வீண்! ஆனாலும் எனக்குப் பரவாயில்லை!
ஐந்து நாட்கள் கிண்டல் செய்ய எனக்கு விஷயம் உள்ளதே!

பின் என்னவாம்? திருமணமான முதல் ஆண்டில், பலமுறை அவரின் 'டயலாக்' :

"BASKET BALL" அம்பின்னு கல்கத்தாவிலே யாரை வேணாக் கேளு!
"BASKET BALL" விளையாட்டுல, அத்தன FAMOUS உன்னோட ஆளு!
:bump2:

 

[Raji Ram]

கடல் கடந்த முதல் அனுபவம் ..... 54

என்னவரின் பெரியம்மா பத்துப் பிள்ளை பெற்ற மகராசி!
எட்டாவது பிள்ளைக்கு வந்தது 'அறுபதாம் கல்யாணம்'!

அமெரிக்கக் கல்யாணம் காண எல்லோருக்கும் அழைப்பு;
அமர்க்கள உடைகளை எடுத்துக்கொண்டு, பயணித்தோம்!

அழகிய கடற்கரை நகரமான MIAMI யில்தான் கல்யாணம்;
அழகிய பாதைகளில், மழையின் ஊடே எங்கள் பயணம்!

பணக்காரக் களை, மாப்பிளையின் வீடு முழுவதும் உள்ளது;
'பணக்கார வீடு நீங்கள் இன்னும் பார்க்கவில்லை ஆன்டி!' என

'வீடு நல்லாயிருக்கு!' என்று புகழ்ந்து கூறிய என்னிடம், ஒரு
போடு போட்டாள் எங்கள் நண்பரின் மகள், நியூ ஜெர்சியில்!

'அன்றைக்கு அவள் சொன்ன சொற்களின் முழுப் பொருளை,
இன்றைக்குப் புரிந்துகொண்டேன்!' என்று மனம் எண்ணியது!

மூன்று சோபா செட்டுகள் போட்ட மிகப் பெரிய வரவேற்பறை!
மூன்று பனை விசிறிகள் அமைப்பில், அரிய மின்விசிறிகள்!

ஆறு பெரிய படுக்கை அறைகள்; அழகிய கட்டில் மெத்தைகள்;
ஆறு பேர் வேலை செய்ய ஏதுவான சமையல் அறை உண்டு!

எட்டு அடி நீளத்தில் மிகப் பெரிய T V திரை உள்ள அறை;
வீட்டுக்கு வந்த விருந்தினர் சினிமா பார்த்து ரசிக்கவே அது!

தமிழ் சினிமா DVD கள் ஏராளமாக அங்கு அடுக்கி இருக்கும்;
தமிழ் மறக்காது இருக்கும் என, அவர்கள் தந்தனர் விளக்கம்!

:couch2: . . . :drama: தொடரும் .................

 

[Raji Ram]

கடல் கடந்த முதல் அனுபவம் ..... 55

பல்சுவை நிகழ்ச்சிகள் நட்பு சுற்றத்தால்; மாலை வேளை;
பல்வேறு திறமைகளைக் காட்ட, இளசுகள் பல இருக்க,

தம் திறமைகளைப் பரிசாற்றப் பெரிசுகளும் முனைய,
தம் புலமை காட்ட, பேராசிரியர் அமெரிக்கர் தமிழ் பேச,

என் முறை வந்தவுடன், சிலப்பதிகாரப் பகுதியாய் வரும்,
என் மனம் கவர்ந்த 'வடவரையை மத்தாக்கி' பாடினேன்!

இன்னும் பல 'ரசிகர் விருப்பம்' வந்தபடியே இருக்க, நான்
இன்னும் இரு பாடல்களைப் பாடி, முடித்துக்கொண்டேன்!

மிகச் சிறந்த ஒலி பெருக்கி அமைத்து வைத்திருந்ததால்,
மிகச் சிறப்பாய் விளங்கின, அன்று நான் பாடிய பாடல்கள்!

சில 'ஒன்றுவிட்ட' சகோதரிகள், ஓடி வந்து அணைத்தபடிச்
சில நிமிடங்கள் திக்குமுக்காட வைத்தனர்; அன்பு மழை!

ஆயிரம் பேர் வரை சாப்பிடச் சமைப்பாராம், எங்கள்
அதிசய ஒன்றுவிட்ட சகோதர சகோதரிகள், மூவர்!

அமெரிக்காவில் சிறந்த பல விழாக்களுக்கும் சென்று
அமரிக்கையாகச் சமைத்து, அசத்துவார் ஒரு சகோதரி!

படகு போன்ற பாத்திரத்தில், துடுப்புபோல் அகப்பையை
இடது வலதாகச் சுழற்றி, தயாராகும் கலந்த சாதங்கள்!

அவர்களின் ஈடுபாடும், திறனும், சக்தியும் பார்த்தவர்கள்
எவராயினும், 'மூக்கின் மேல் விரல்'தான், அதிசயத்தால்!

'கொலஸ்டிரால்' பற்றிக் கவலையே அன்று இல்லாமல்,
கலக்கி இருந்தனர் அந்தச் செறிவூட்டிய உணவுகளால்!

:hungry: . . . :first:தொடரும் .....................

 

[Raji Ram]

கடல் கடந்த முதல் அனுபவம் ..... 55
............................
அமெரிக்காவில் சிறந்த பல விழாக்களுக்கும் சென்று
அமரிக்கையாகச் சமைத்து, அசத்துவார் ஒரு சகோதரி! ...............

அமெரிக்க வாழ் நண்பர்கள் சிலர் இவர் பெயரை அறிந்திருப்பார்!
அமெரிக்காவிற்குத் தன் இள வயதில் சென்ற அவர் 'ரேவதி ஐயர்!' :thumb:

 

[Raji Ram]

கடல் கடந்த முதல் அனுபவம் ..... 56

கல்யாண விடியலில் விரைவாகத் தயாரானோம்!
கல்யாணச் சிற்றுண்டியே அமர்க்களமாய்த் திகழ,

முந்திரி, திராக்ஷை, பிஸ்தா, பாதாம் என்று அள்ளி,
எந்த வகையானாலும் தெளித்து விட்டிருந்தனர்!

வெள்ளை நிறச் சட்னி ஒன்றை ஆவலுடன் உண்ண,
கொள்ளை ருசி தந்த அது, முழு முந்திரிச் சட்னியாம்!

ரவை இட்லி நாலு எடுத்தால், முந்திரி ஒரு கைப்பிடி!
சுவை மிகுந்தது; ஆனால் பெரிசுகள் ஜீரணிப்பது எப்படி?

'தூக்கி எறியும் கலாச்சாரம்' இந்த நாட்டில் மிக அதிகம்;
தூக்கி எறிந்த தட்டு, டம்ளர், ஸ்பூன்கள் அன்று எத்தனை!

ஒரு முறை உண்ட தட்டில், மீண்டும் உணவு எடுத்து வர
ஒருவரும் போவதில்லை; மீண்டும் புதிய தட்டுத்தான்!

பல தெர்மோகோல் தட்டுகளும், டம்ளர்களும், அத்துடன்
பல பிளாஸ்டிக் ஸ்பூன்களும் என, குப்பைப்பை மலைகள்!

சராசரி நாலு முறை தட்டை நிறைத்தார், ஒவ்வொருவரும்;
சராசரி நாலு டம்ளர்களில் பானங்கள் எடுத்தனர், அவர்கள்.

முன்னூறு விருந்தினர் கலந்துகொண்ட விழா அது, எனில்,
எவ்வாறு குப்பை சேரும் என்பதை நினைத்தாலே நடுங்கும்!

நிறைவான சிற்றுண்டிக்குப் பின், விழா அங்கு தொடக்கம்;
நிறைவான அந்த மணி விழாவில், ஊஞ்சலும் அடக்கம்!

arty:தொடரும் .........................

 

[Raji Ram]

வகை வகையாகப் பேப்பர்கள் தயாராகும், மரங்கள் அழிந்து!
வகை ஒன்று அதில், கை துடைத்து எறிய, 'பேப்பர் நாப்கின்'!

காடுகளைக் காப்போம்!
ராஜி ராம் hwell:

 

[Raji Ram]

கடல் கடந்த முதல் அனுபவம் ..... 57

இளைய சீர்காழி கோவிந்தராஜன்போல முகச் சாயல்;
இனிய கணீர் சாரீரம்; கனத்த சரீரத்தில் சாஸ்திரிகள்!

நவக்ரஹ ஹோமப் பொருட்கள் அழகு அணிவகுப்பு;
நவநாகரீகமாக அமைத்து அடுக்கியது, மிகச் சிறப்பு!

சாஸ்திரி மந்திரம் சொல்லுவதை மட்டும் செய்யாது,
மேஸ்திரி போல, பல மாமிகளை விரட்டி மகிழ்ந்தார்!

மாலை மாற்றி, ஊஞ்சலில் வைத்து ஆட்டி, அமர்க்களம்;
மாலை அணிந்த 'பெண்', தோழிகள் சகிதம் மேடை வர,

முப்பது சீர் தட்டுக்களை ஏந்தி நடந்தனர், வரிசையில்
முப்பது மாமிகள், தமது பட்டுப் புடவைகள் சரசரக்க!

அன்னாசிப் பழத் தட்டை ஏந்தி வந்தவள் பட்டாள் பாடு;
அன்னாசிப்பழ கனத்துடன், மூக்கில் குத்தும் முள் வேறு!

மேளம் (ஒலி நாடாதான்!) கொட்டி, திருமாங்கல்யம் கட்டி,
மேலான திருமண வைபவங்களின் இணைப்பாக வந்தது,

அம்மி மிதித்தலும், அருந்ததி பார்த்தலும்! சாஸ்திரங்கள்
இம்மியும் குறையாத நிஜத் திருமணமாய் நடந்தேறியது!

இது போல மணிவிழாக் கல்யாணம் யாம் கண்டதில்லை!
இது போல வேறு எவரும் சம்மதிப்பதும் ஐயமாக இல்லை?

ஒரு இரண்டடிக்கு இரண்டடி சதுர வடிவ அட்டையில், வந்த
விருந்தினர் எல்லோரும் வாழ்த்தி, கையொப்பம் இட்டனர்!

:grouphug:. . . arty: . தொடரும் ...............

 

[shansnrmp]

பாங்காகவே அமைத்திட்ட மலாய் பயணம்
பினாங்கில் நீவிர் செய்த சுற்றுப் பயணம்
கண்டும் கேட்டும் ரசித்த அனுபவம் ..
பத்திரமாய் நித்தம் அதை பதிந்தவிதம்!

கடல் தாண்டிய தமிழ் நெஞ்சம்
மலைக்க வைத்த அன்பு உள்ளம்
உயரப் பறக்கும் உயர் தமிழ்
ஆட்சி செய்யும் ம(லை)லாய் நாட்டினிலே!

எத்துனை எத்துனை அதிசயம் பார் !
அத்துணை (யும்) அடக்கியது அதிசயம்தான்.
கட்டி முடித்த அடுக்குமாடிகள் நாட்டில்
உயர்ந்து நிற்கும் கூடகோபுரம் அங்கே !

அழகிய மலாய் மொழிக்கு அங்கே
அடிபணியும் அதிசய கிளிகள்
பார்த்தாய் அந்த அதிசய நாட்டில்
பகன்றது என்னவோ உண்மை அன்றோ?

நேரம் போதாது அம்மா நீவிர்
பார்த்து ரசித்ததை பட்டியலிட!
என்ன சொல்வேன் - ஏது சொல்வேன்!
இன்னும் வரும் - பயணகவி உரை.

என்றே சொன்னாய் நன்று சொன்னாய்!
காத்திருப்போம் ஆவலுடன் அடுத்து வரும்
அமெரிக்க பயண அனுபவங்களுக்கு ..
என்றும் அன்புடன் ...

சிவஷன்முகம்.

 

[Raji Ram]

நண்பரே! பாராட்டுக் கவிதைக்கு மனமார்ந்த நன்றிகள்....

சீராட்டும் என் இனிய சுற்றத்தின் அண்மை, அன்பு
பாராட்டும் நல்ல நண்பர் வட்டத்தின் அருமை,

ஓய்வு நேரம் இல்லாவிடினும், கிடைத்த கொஞ்சம்
ஓய்வு நேரத்தை, ஊர் சுற்ற ஒதுக்கிய அருமை மகன்,

'சித்தி! சித்தி!' என்று என்னைச் சுற்றி வந்து, எனக்கு
நித்தம் புது விஷயங்கள் அளித்த, என் அக்கா மகன்,

சிறு குழந்தை போன்ற, என் அல்ப ஆசைகளைக் கூட,
சிறு முகச் சுளிவும் இல்லாது நிறைவேற்றியமை - என

பட்டியல் இட்டுச் சொல்ல முடியாதபடி, அனுபவப்
பட்டியல் நீண்டுதான் போகின்றது, எண்ணும்போது!

பேசும் நடையில் எழுதிய குறிப்புக்களை, இப்போது
கவிதைகளாக மாற்றி எழுதுகிறேன்; தொடர்கிறேன்!

குறிப்பு:
முதலில் க(வி)தையாக எழுதியது, கடல் கடந்த இரண்டாம் அனுபவங்களைத்தான்!

உலகம் உய்ய வேண்டும், ray:
ராஜி ராம்

 

[Raji Ram]

கடல் கடந்த முதல் அனுபவம் ..... 58

RUM ஊற்றித் தயாரித்த கேக்கை வெட்டினார் மாப்பிள்ளை;
DHUM பிடித்து எல்லோரும் 'ஹாப்பி பர்த்டே' பாடல் பாடினார்!

உயர் ரக மதிய விருந்து முடித்து, தெர்மோகோல் டப்பாவில்
தயிர் சாதம் வகையறா 'பெட்டிச் சாதம்' விநியோகித்த பின்,

பயணம் செய்ய, சரியான ஹைவேயை நாடிச் சென்றடைந்து,
சயனம் செய்ய, நள்ளிரவில் TAMPA வந்து சேர்ந்துவிட்டோம்!

எல்லோரும் உறங்கச் சென்றுவிட, நான் மட்டும் இருட்டிலே,
மெல்ல 'டார்ச்' வெளிச்சத்தில் எம் பெட்டிகளை அடுக்கினேன்.

நாளை வம்பில் மாட்டப் போவேனென அறியாப் பேதையாக,
வேளை உறங்க ஆனதே என்று, Z LAND - ம் சென்றுவிட்டேன்!

மகனுடன் திரும்ப வேண்டும்; TAMPA விமான நிலையம்;
மகனும், என்னவரும் 'செக் இன்' தாண்டிச் சென்றுவிட்டனர்.

கை வீசியபடி நான் செல்ல, METAL DETECTOR உடனே 'BEEP'ப்ப,
கை வளையலும், தங்கக் கொடியுமே காரணம் என எண்ண,

பெண் காவலர் என்னை ஓரங்கட்டி, என் கைகளை விரித்து,
'பெங்குவின்' போன்று நிற்கச் சொல்ல, நான் பயந்து பணிய,

இரண்டு அங்குல கனத்த செருப்பைக் கண்டு, முறைத்து,
இருந்த சந்தேகம் தீர, அதைக் கழற்றித் தரச் சொன்னாள்!

:ballchain:தொடரும் .................

 

[Raji Ram]

கடல் கடந்த முதல் அனுபவம் ..... 59

என் செருப்பைத் தனியே கொண்டு சென்று, ஆராய்ந்து,
என்னிடமே தந்தாள்; தப்பினேன் என மகிழ்ந்திருக்க,

'இதை ஏம்மா கைப்பையிலே வெச்ச?', என்னவர் வினவ,
அதை நோக்கினேன்! நான் வாங்கிய BARBECUE FORK அது!

அப்பம் குத்தி எடுக்க, நீளமான கைப்பிடி உள்ளதே என்று
அப்பக் குச்சியாக உபயோகிக்க, வாங்கி வைத்திருந்தேன்!

விட்டலாச்சார்யா பட மந்திரவாதி, ஹீரோவின் கண்ணை,
'விட்டேனா பார்!' என்ற ஹோதாவில் குத்த வருவது போல,

என் முகத்தருகில் நீட்டிய ஆபீசர், முறைத்தபடிச் சொன்னார்,
'உன்னால் இதை இந்தப் பையில் கொண்டு செல்ல முடியாது!'

'என்னை யார் கூட்டிச் செல்வார்களாம் கடைக்கு? கண்ணில்
எண்ணை ஊற்றித் தேடி வாங்கின ஒரு FORK அல்லவா அது?

அரை டாலர்தானே என்று தூக்கி எறிய முடியாது! இன்னும்
அரை மணி ஆனாலும் என் பெட்டிக்குள் வைக்க வேணும்!'

மகன் என் பரிதாப வேண்டுதலைப் புரிந்துகொண்டு, உடனே,
தான் சென்று கைப் பையையே 'செக் இன்' செய்து வந்தான்!

என்னவருக்கு ஒரே சந்தோஷம்தான்! 'கை வீசம்மா' இனிமேல்!
தன்னுடன் கொண்டு செல்ல, பையே இல்லை என்ற குஷிதான்!

இரண்டு பாடங்கள்! செருப்பில் இரண்டு 'இன்சு' குதிகால் கூடாது!
இருண்ட அறையில் இனிமேல் பெட்டியை அடுக்கவே கூடாது!

:nono: தொடரும்........................

 

[Raji Ram]

கடல் கடந்த முதல் அனுபவம் ..... 60

வாஷிங்டனில் இறங்கி, இன்னொரு விமானம் ஏறி,
வாஷிங்டன் விட்டுப் பறக்கும்போது, எமக்குத் தந்தனர்

'சான்ட்விச் பாக்கெட்'கள்; இரவு சமைக்கவே வேண்டாம்!
'சான்ட்விச்' வாங்கிய என் முகம் மலர, எம் மகன் அலற,

புரியாமல் நான் விழிக்க, 'அம்மா! நீல ஸ்டிக்கர் non veg!
தெரியாமல் வாங்கினாய்! பச்சையை வாங்கு!' என்றான்.

மீண்டும் சென்று, சாரி சொல்லி, பாக்கெட்டை மாற்றி,
மீண்டு வந்தேன், செய்த அந்தக் கந்தரகோளத்திலிருந்து!

சரியான நேரத்தில் விமானம் புறப்பட்டதால், நாங்கள்
சரியான நேரத்தில் பாஸ்டன் வந்து சேர்ந்துவிட்டோம்!

பேருந்தில் விமான நிலையத்திலிருந்து, t service வந்து,
பேருந்து அடுத்தது பிடிக்க, மூன்று சப்வே ரயில்கள் மாறி,

இனிய பயணம் முடித்த மன நிறைவுடன், பத்து நிமிடச்
சிறிய நடையில், இனிய இல்லம் வந்தோம், நள்ளிரவில்!

பச்சை 'ஸ்டிக்கர்' 'வெஜிடபள் சான்ட்விச்' உண்ட பின், அந்த
மிச்ச இரவு நேரத்தை, நிம்மதியாக உறங்கிக் கழித்தோம்!

என் பிறந்த தேதி மறுநாள்; அதிகாலை, குளியல் முடித்தேன்;
என் உடன் பிறப்புக்களின் இ-மெயில் வாழ்த்துக்கள் கண்டேன்!

'ஷிப்ட்' போட்டு என்னவர் தூங்கித் தூங்கி நேரத்தைக் கழிக்க,
'ஷிப்ட்' போட்டு வீடு சுத்தம் செய்தபடியே நான் சுற்றி வர,

மூன்று லோடு துணிகளை 'மெஷின்' துவைத்து, உதவி புரிய,
அன்று பொழுது போனது தெரியவேயில்லை; ஓடிவிட்டது!

வீட்டில் துவைக்க 'மெஷின்' இருப்பவர்கள், எப்பொழுதும்
ரோட்டில் துணியை எடுத்துக் கொண்டு செல்லவேண்டாம்!

வசதி அதுபோல இல்லாதவர்கள்தான், துணி துவைக்கும்
வசதி கொண்ட இடத்திற்கு, 'அழுக்கு' கொண்டு செல்வார்!

தொடரும் ...............

 

[Raji Ram]

கடல் கடந்த முதல் அனுபவம் ..... 61

'வாஷிங் மெஷின்'

தினம் குளித்து ‘மடி’ போட்டு உடுத்துபவர்
மனம் வெறுப்படைவர் இங்கு வந்தால்!

வாரம் ஒரு முறை துவைப்பதே மிக அரிது!
பேரம் கிடையாது! ஒரு 'லோடு' ஒண்ணரை 'டாலர்'!*

வீட்டில் 'மெஷின்' இருந்தால் துணிகளை எடுத்துக்கொண்டு
ரோட்டில் செல்ல வேண்டாம், துவைக்கும் இடத்திற்கு!

ஆனாலும் ' DRIER ' பல நிமிடம் சுற்றினால்,
வீணாகக் 'கரண்ட் பில்' ஏறுமே? – எனவே

ஒரு 'லோடு' துணிகள் சேரும் வரை – இங்கு
ஒருவருமே துவைக்கப் போவதேயில்லை!!

* This rate is in the year 2003!

*******************************************

'டிஷ் வாஷர்'

நித்தமும் சமையல் மிகச் சுலபம்! நறுக்கின காய்கறிகள்
சுத்தமோ சுத்தம்! கீரையும் கூட! …… ஆனால்,

சமைத்த பாத்திரங்களை யார் அலம்புவதாம்?
சமைக்கும் நம்ம பசங்களின் பயமே இதுதானே?

பாத்திரம் கழுவ 'டிஷ் வாஷர்' இருந்தாலும்
பாத்திரத்தில் ஒட்டினது போகவே போகாது! – நாம்

அலம்பி அடுக்கி வைத்தால், அது சோப்பு நீரில்
அலசிக் காயவைக்கும்! ஆனால் யாருக்குத்தான் தெரியாது

அந்த முதல் அலம்பல்தான் கஷ்டமென்று? – மேலும்
எந்த 'மெஷினும்' நம்மையும் வேலை வாங்குமென்று!!

*******************************************

:ballchain: தொடரும் ..............

 

[kunjuppu]

கடல் கடந்த முதல் அனுபவம் ..... 59

..நான் வாங்கிய BARBECUE FORK அது!

அப்பம் குத்தி எடுக்க, நீளமான கைப்பிடி உள்ளதே என்று
அப்பக் குச்சியாக உபயோகிக்க, வாங்கி வைத்திருந்தேன்!


:nono: தொடரும்........................

good one raji. finding a 'local' use for a 'foreign' tool

years ago, my wife bought a circular griller, which the locals use for either cooking bacon strips, sausages etc. to my wife, it was a perfect shape and size and evenly heated tool for making dosais and adais which i think the manufacturer probably would not even have dreamed...

 

[Raji Ram]

....................
years ago, my wife bought a circular griller, which the locals use for either cooking bacon strips, sausages etc. to my wife, it was a perfect shape and size and evenly heated tool for making dosais and adais which i think the manufacturer probably would not even have dreamed...

Shall buy the circular griller, the next time we visit the US, probably this summer...

Thanks for sharing the idea of your better half! :thumb: Regards....

 

[Raji Ram]

கடல் கடந்த முதல் அனுபவம் ..... 62

அடுத்த நாள் என் 'கும்பகர்ணன்' நாள்! எப்படித்
தடுத்தும் போகாத தூக்கத்திற்கு, அடிமை நான்!

சமையல் செய்யப் பொருட்கள் வாங்கச் செல்லச்
சமயம் கிடைத்தது, மறுநாள் மாலை வேளையே!

வண்டி நிறைய ஆவலாதிபோல வாங்கியபின்,
கொண்டு வரப் பைகள் பல ஆக, திணறினோம்!

பாலும் ஜூசும் லிட்டர் அளவில் டப்பாக்கள்; ஒரு
நாளும் எல்லாம் சேர்த்து வாங்கவே கூடாது!

பையும் கையுமாக நாங்கள் 'நடராஜா சர்வீஸ்';
பைய வந்த மகன், பைகள் தூக்க உதவினான்!

உறவினர் ஒருவரிடம், 'மகன் மதியம் போனால்
வருவதற்கு நாலு மணி ஆகிறது' எனப் புலம்ப,

'அப்படி யாரம்மா ஒரு ஆபீஸ் இங்கு நடத்தறா?
எப்படி நாலு மணி நேரமே வேலை?' எனக் கேட்க,

'மாலை நாலு மணியைச் சொல்லவில்லை! அதி
காலை நாலு மணியைச் சொன்னேன்!' என்றேன்.

மட்டிப் பாலுக்கும் எனக்கும் ராசியே இல்லையோ?
மட்டிப் பால் வாசனைக்கு, ஒரு சின்னத் துண்டை,

அடுப்பின் coil சூட்டில் ஏற்ற, இடுக்கியில் பிடிக்க,
அடுப்பின் உள்ளே 'டடக்க்' என அது விழ, coil ஐ

எடுக்கத் தெரியாது நான் விழிக்க, சில நாட்கள்
அடித்தது மட்டிப்பால் வாசனை, சமையலுடன்!

மகனிடம் பத்து நாட்கள் கழித்து இதைச் சொல்லி,
அவனிடம் கற்றேன், அந்த அடுப்பைச் சுத்தமாக்க.

Coil ஐ அழகாகத் திருப்பிவிடலாம், மேற்புறமாக;
Coil இன் அடியில் நன்கு சுத்தம் செய்ய முடியும்!

:becky:தொடரும் .....................

 

[Raji Ram]

கடல் கடந்த முதல் அனுபவம் ..... 63

வார விடுமுறையில் அக்கா மகன், தனக்கு நிறைய
நேரம் இருப்பதால், நியூயார்க் நகர் போகலாம் என,

சென்ற முறை பார்க்காத இடங்களை, நண்பர்களை,
இந்த முறை பார்க்கும் ஆவலுடன் புறப்பட்டோம்!

விடிந்ததும் இரு நாட்களுக்கு வேண்டிய உணவை,
முடிந்தவரை தயாரித்து, மகனுக்காக வைத்தேன்.

எங்களுக்கு மூன்று பாக்கெட்டுகள் எடுத்துக்கொண்டு,
நாங்கள் போகும் வழியில் ஒரு EXIT - ல் உண்டோம்!

சில நொறுக்குத் தீனி வகைகளும், காபியும் உண்டு;
பலவகை பானங்களும் கூட நன்கு கிடைக்கும் அங்கு.

நண்பர் ஒருவரின் மகள் பாடகி, நியூ ஜெர்சியில்; அவள்
அன்புடன் வரவேற்று, அவர்களுடன் தங்கச் சொன்னாள்.

அவளின் அத்தை மகனே அன்பான கணவன்; தம் வீட்டு
அடித்தளத்தில் நல்ல RECORDING THEATER வைத்துள்ளார்.

ஒரே மகளை நன்கு கவனித்துக்கொண்டு, மனைவியை,
ஒரே குறிக்கோளாக, நல்ல பாடகியாக்க முனைகிறான்.

இந்தியாவில் இன்னும் இதுபோல் கணவர்கள் கிடைப்பது,
விந்தையான விஷயமாகவே, இன்று வரை இருக்கிறது!

பாட அறிந்த பெண்களைத் தேடித் தேடித் தேர்ந்தெடுத்து,
பாட சந்தர்ப்பங்கள் உருவாக்காமல், வீணாக்குவார்கள்!

மேடைக் கச்சேரி செய்யும் பல இளம் பெண்கள், இன்றும்
மேடைக் கச்சேரி தொடர, மிகுந்த பாடுதான் படுகின்றார்!

ஒற்றுமையான குடும்பமும், பாடகி அந்தஸ்தும் கிடைக்க,
ஒற்றுமையாகக் குடும்பம் முயன்றால் மட்டுமே முடியும்!

:lalala:தொடரும் ...................

 

[shansnrmp]

'' ஒற்றுமையான குடும்பமும், பாடகி அந்தஸ்தும் கிடைக்க,
ஒற்றுமையாகக் குடும்பம் முயன்றால் மட்டுமே முடியும்!''
உண்மை மொழியை இங்கு எதார்த்தமாய் சொல்லி விட்டீர்
நன்றி.
சிவஷன்முகம்.