பயணக் க(வி)தைகள்...

[Raji Ram]

Share:

Facebook X (Twitter) LinkedIn WhatsApp Email Share Link

சிறிய படகுகள் தூரத்தில் தெரிய...........

................................................ ஒரு கரு நிறப் பறவை,

தண்ணீரில் மிதந்த ஒரு Drum - மின் மேல் அமர்ந்து,
தன் தனிமையை அனுபவித்து, மௌனம் காத்தது!

 

[Raji Ram]

அந்த ஆற்று நீரும் கருமையாகவே தெரிகின்றது,
எந்த ஜீவனும் அதை ஆற்று நீர்தான் என நம்பாது!

 

[Raji Ram]

கடல் கடந்த மூன்றாம் அனுபவம் ..... 57

ஒரு நாளே அண்ணா அண்ணி இங்கு இருப்பதால்,
ஒரு மறக்க முடியாத நாளாக அதை செய்துவிட,

ஒரு சினிமா பார்க்கத் தீர்மானித்தோம்; ஏனெனில்
ஒரு வருடத்தில் நான் பார்ப்பது, ஒன்று மட்டுமே!

அருகில் உள்ள தியேட்டரில் Harry Potter படம் காண,
விரைவில் உணவு முடித்துப் புறப்பட்டோம். அக்கா

மகன் மட்டும் எங்களுடன் வந்தான்; மழை கொட்ட,
அவன் லாவகமாகக் காரைச் செலுத்தினான். பின்

ஓட்டமாக ஓடி, தியேட்டரின் உள்ளே சென்றோம்;
கூட்டமாக ஜனம் வெளியே நிற்க, ஒரு க்யூ விலே

ஆட்களே இல்லாமல் ஈயாட, அங்கு டிக்கட் எடுக்க,
ஆட்கள் பலர் எங்களைத் தொடர்ந்து நின்றாலும்,

முப்பது பேருக்கு மேல் தேறாது, உள்ளே உள்ளவர்.
எப்போதோ பார்த்து இருப்பார்கள், இந்தப் படத்தை!

செவ்வாய்க் கிழமை ஸ்பெஷல் என்னவென்றால்,
செவ்வாய்க் கிழமை டிக்கட் ஆறு டாலர் மட்டுமே!

மற்ற நாட்களில் பத்து டாலர் இருக்கும்; புதனன்று
மற்றொரு தள்ளுபடி! சீனியர் டிக்கட் நாலரைதான்!

சென்ற அமெரிக்க விஜயத்தில், Harry Potter VI - ஐச்
சென்று பார்க்கும்போது, பெரிய தொட்டி கிளாசில்

கோலாவைக் குடித்து, இடைவேளையே இல்லாது,
கோளாறு ஆகிவிட்டதால், இம்முறை உஷார்தான்!

இரவுக் காட்சி இன்னும் குளிரும் என்பதால், நான்
மறவாமல் மாலையே திரவ உணவு நிறுத்தினேன்!

:decision: . தொடரும் ..........................

 

[Raji Ram]

கடல் கடந்த மூன்றாம் அனுபவம் ..... 58

இன்னும் Harry Potter கடைசிப் பகுதி பார்க்காதவர்,
இன்னும் தொடர்ந்து இந்தப் பக்கம் படிக்காதீர்கள்!

நான் பார்த்துவிட்டதால், கதையின் சில பகுதிகள்
நான் சொல்வேன்! அதனால்தான் எச்சரித்தேன்!

கூட்டம் இருந்தாலே அமைதி காக்கும் ரசிகர்கள்,
கூட்டம் இல்லாதபோது எப்படி இருப்பார்? அந்த

நிசப்தத்தைக் கிழித்து எழுந்தன, Trailer கள் சில.
நிசப்தம் மட்டுமன்றி, காது சவ்வும் கிழிந்திடும்!

இதே சப்தம் தொடர்ந்தால், காதில் கைதான் என,
ஒரே எண்ணம் எங்கள் மனத்தில் எழுந்தபோது,

சப்தம் குறைந்து, படம் ஆரம்பித்தது! சில நேரம்
சப்த நாடியும் ஒடுங்குமளவு, 'கிராபிக்ஸ்' ஜாலம்!

விட்டலாச்சாரியா படத்தை மிஞ்சிடும் கற்பனை!
விடலைப் பருவத்தில் முதன்மைப் பாத்திரங்கள்!

குழந்தைகளான குட்டி நடிகர்களுக்கு எல்லாம்,
குழந்தை முகம் மாறியது காலத்தின் கட்டாயம்!

இதிகாசக் கதைகளில் வரும் வியூக அமைப்புக்கள்,
இதிலும் வருவது, மிகவும் விந்தையான விஷயம்!

மந்திரம் கற்பிக்கும் பள்ளியைச் சுற்றி, கோளமாக,
மந்திரம் உருவாக்கும் மாயத் தடை ஒரு வினோதம்!

அசடாக இருக்கும் ஒருவன் திடீரென வீரன் ஆவதும்,
அசல் ஹீரோ இறந்தது போலவே ஆகி, உயிர்ப்பதும்,

அத்தனை அடிகளையும் தாங்கிய பின், Climax - இல்,
அத்தனை சாகசம் உள்ள வில்லனை வெல்லுவதும்,

உலகையே ஆட்டுவிக்கும் மந்திரக் கோலை, தானே
உடைத்து எறிந்து, அதில் நண்பர் மனம் மகிழ்வதும்,

'பத்தொன்பது ஆண்டுகளுக்குப் பின்' என்று போட்டு,
பத்தொன்பது வயது கூடி, பெற்றோராக மாறுவதும்,

குழந்தைப் பருவத்தில் செய்தவற்றை, அவர்களின்
குழந்தைகள் செய்து, அதே பள்ளிக்குச் செல்வதும்,

தமிழ்த் திரைப்படம், புதிய வடிவில் பார்ப்பதுபோல,
தமிழ்ப் பட ரசிகர்களை நினைக்க வைப்பது, நிஜம்!

:drama: . தொடரும் ...............................

 

[Raji Ram]

குழந்தைகளான குட்டி நடிகர்களுக்கு எல்லாம்,

குழந்தை முகம் மாறியது காலத்தின் கட்டாயம்!

Photo courtesy: Internet...

 

[Raji Ram]

கடல் கடந்த மூன்றாம் அனுபவம் ..... 59

அண்ணியின் Boston இல் வசிக்கும் தமக்கை அவர்களை
தன்னுடன் அழைத்துச் செல்ல விழைய, அக்கா மகனுடன்

நல்லிரவு சொல்லியபின், எங்கள் காரில் ஏறி, மழையில்
நள்ளிரவு வீட்டிற்கு வந்து சேர்ந்தோம்; Garage கதவினால்,

வீட்டுச் சாவி இல்லாமலே, வீட்டிற்குள் வரலாம். நிறைய
வீட்டு Garage களில், வீட்டிற்குள் வரப் படிக்கட்டும் உண்டு.

காரில் உள்ள பட்டனை அழுத்தினால் கதவு திறந்துவிடும்.
வேறோர் பட்டனை அழுத்தினால் கதவு தானே மூடிவிடும்.

ஒரு நாள் அலைந்தால், உடல் கொஞ்சம் சோர்ந்துவிடும்;
மறு நாள் காலை, ஓய்வு வேண்டுமென நான் கேட்டேன்!

நாங்கள் 'பார்க்' பார்க்க ஏற்கனவே சென்றதால், மாலை
எங்கள் 'ஊர் காணல்' பட்டியலில் Crane Beach இருந்தது!

தவழும் எங்கள் பேத்திக் குட்டியும், அக்கா மகனுடைய
தவப் புதல்வனும் முதல் முறையாகக் கடல் காணுவர்!

நாற்பது நிமிடப் பயணத்தில், கடல் அருகிலே வந்தோம்;
பற்பல கடல் பறவைகள் கூட்டமாக வந்து வரவேற்றன!

சிங்காரச் சென்னை பீச் போல, கடல் கண்களில் படாது,
அங்குள்ள படிக்கட்டில் ஏறியவுடன் கண்களில் பட்டது!

வெள்ளை நிறத்தில் மணல் பரப்பு நிறைந்திருக்க, அங்கு
வெள்ளை நிறத்திலும் பழுப்பு நிறத்திலும் Seagulls உலவ,

கடல் அலைகள் சின்னச் சின்னதாக வந்து கரை தொட,
கடல் நீரில் கால்களை நனைத்து, நடுங்கி நின்றோம்!

என் துப்பட்டா வசதிதான்; சூரியனிலிருந்து காக்கவும்,
என் உடலைக் குளிர் தாக்கதிருக்க காதுகளை மூடவும்,

இரண்டாக மடித்து, Scarf போலக் கட்டினால் போதும்;
இரண்டு சீதோஷ்ணத்திலும் காத்திடும், சிறந்த உடை!

eace: . தொடரும் ..........................

 

[Raji Ram]

காரில் உள்ள பட்டனை அழுத்தினால் கதவு திறந்துவிடும்.

Photo courtesy : Internet

 

[Raji Ram]

அங்குள்ள படிக்கட்டில் ஏறியவுடன் கண்களில் பட்டது...

கடல் அலைகள் சின்னச் சின்னதாக வந்து கரை தொட...

 

[Raji Ram]

பற்பல கடல் பறவைகள் கூட்டமாக வந்து வரவேற்றன..

வெள்ளை நிறத்தில் மணல் பரப்பு நிறைந்திருக்க...

 

[Raji Ram]

கடல் கடந்த மூன்றாம் அனுபவம் ..... 60

கடற்கரைக்கு வர, ஒரு வண்டிக்கு ஏழரை டாலர்கள்;
கடற்கரையை சுத்தமாக வைக்கவே அந்தப் பணமாம்.

சிங்காரச் சென்னையில், நபருக்கு ஐந்து ரூபாய் என்று
அங்கு வரும் மக்களிடம் வாங்கினால், கடற்கரையைச்

சுத்தமாக வைக்க அந்தப் பணம் உதவும்! நம்ம ஊரிலே,
'சுத்தமான' கையைப் பார்ப்பதுதானே மிகவும் கடினம்!

அடுத்தவர் பணம், அரசியல்வாதிக்கு அல்வா அல்லவா?
அடுத்த Scam வர, நாமே வழி வகுத்ததுபோல ஆகுமோ?

கடல் நீரில், அந்தக் குளிரில், சிலர் நீச்சல் அடித்திருக்க,
கடல் அலைகள் அதிகமாக ஆர்ப்பரிக்காது நுரை பரப்ப,

குழந்தைகள் இருவரையும், கம்பளியால் சுற்றிவிட்டு,
குழந்தைகளைத் தூக்கியபடி, கடல் நீரிலே நின்றோம்.

ஏழரை மணிக்கு மேல் அங்கு உலவ முடியாது; எனவே
ஏழு மணிக்கே புறப்பட்டு, இனிய இல்லம் சேர்ந்தோம்!

வானிலை அறிக்கைகள் இங்கு சரியாகவே இருக்கும்;
வானிலை, மறுநாள் பிரகாசமான சூரியன் எனக் கூற,

அண்ணா அண்ணியுடன் Whale watch பயணம் செல்ல,
என்னை அனுப்புமாறு கேட்டதும், கிடைத்து அனுமதி!

சென்ற முறை அமெரிக்க விஜயத்தில் பார்த்ததுதான்;
இந்த முறையும் பார்க்க, எனக்கு மிகவும் ஆர்வம்தான்!

ஒவ்வொரு Whale watch பயணமும் சீதோஷ்ணத்தால்,
வெவ்வேறாக இருக்கும் என்று நான் கேட்டுள்ளேன்!

இனிய எண்ணங்கள் மனதில் நிறைந்து எழ, நாங்கள்
'இனிய கனவு' வாழ்த்திவிட்டு Z Land இல் புகுந்தோம்!



தொடரும் ........................

 

[Raji Ram]

கடல் அலைகள் அதிகமாக ஆர்ப்பரிக்காது நுரை பரப்ப...

 

[Raji Ram]

வெள்ளை நிறத்திலும் பழுப்பு நிறத்திலும் Seagulls உலவ...

 

[Raji Ram]

கடல் கடந்த மூன்றாம் அனுபவம் ..... 61

அண்ணியின் அக்காதான் எங்கள் வழிகாட்டி;
அஞ்சாமல் நடப்பார் பல மணிகள், வழிகாட்டி!

கூட்டம் இல்லாத ரயில் ஏறி, சிறிது நேரத்தில்
கூட்டம் வழிய, Government center அடைந்தோம்.

பச்சை நிறத் தடமே அதுவரை. நீல நிறத் தடம்
பத்து நிமிடங்களில் Aquarium நிறுத்தம் சேரும்.

நடை ராணி உடன் வந்தால், அது முடியுமோ?
நடராஜா சர்வீசில், கடைகள் பல காட்டினார்.

புது அனுபவம் அல்லவே, ஜன்னல் ஷாப்பிங்!
புது விதமான ஒரு கடை பார்த்தோம். அதில்

நூறு விதமாக உடுத்தும் உடை விற்கின்றார்!
நூறு விதத்தில் ஒரே உடையா, என வியக்க,

குறுகுறு விழியுடன் ஒரு சீன மங்கை வந்து,
சுறுசுறுப்பாக, வித விதமாய் உடுத்துகிறாள்!

ஒரு நீள நாடாவில், அழகிய வண்ணமுள்ள,
இரு மெல்லிய துணிகளை Frill கள் வைத்து,

நீளமான பாவாடை போலவே தைத்துள்ளார்;
நீளமான நாடாவை, இடுப்பைச் சுற்றிக் கட்டி,

கழுத்தைச் சுற்றிக் கட்டி, குறுக்கே கட்டி, என
அழகான பல வகைகளாக உடுத்த முடிகிறது!

விலை நாற்பத்தி ஒன்பது டாலர்கள்! வீட்டில்
இதை மாதிரியாக வைத்து, நாம் தைக்கலாம்!

அடுத்த கடையில், ஒரு நீள zip ஐ, சிறு zip மீது,
எடுத்துச் சுற்றிக் கொண்டே வர, ஒரு அழகிய

பை உருவாகிறது! படம் எடுக்க முடியவில்லை!
கை வண்ணம் சீனர்களுக்கு மிக அதிகம்தான்!

வியந்தவாறே, ஒன்றும் வாங்காமலே நடந்து,
Whale watch செல்லும் வரிசையில் நின்றோம்!

:flock: தொடரும்.................

 

[Raji Ram]

நூறு விதமாக உடுத்தும் உடை!

 

[Raji Ram]

ஜன்னல் ஷாப்பிங்கில் பார்த்தவை சில...

 

[Raji Ram]

அடுத்த கடையில், ஒரு நீள zip ஐ, சிறு zip மீது,
எடுத்துச் சுற்றிக் கொண்டே வர, ஒரு அழகிய

பை உருவாகிறது! படம் எடுக்க முடியவில்லை!

So what?? Google search gives everything from A to Z :fish2:

Here is the video to show how the zip bag is made! Enjoy watching this...

​Zipit Go Big - YouTube

 

[Raji Ram]

கடல் கடந்த மூன்றாம் அனுபவம் ..... 62

குழந்தைகள் குதூகலிக்கும் வண்ணம் சுழலும்,
குடை ராட்டினம் ஒன்று வழியிலே பார்த்தோம்!

நம்ம ஊர் குதிரைகள், ஒரே உயரத்தில் போகும்;
இந்த ஊர் குதிரைகளோ, மேலும் கீழும் போகும்!

வரிசையில் நாங்கள் நிற்கும்போது, அங்கு ஒரு
பெரிய கூட்டமாகச் சட்டையில்லா வாலிபர்கள்,

படகு ஒன்றில் ஆடி, பாடி, துள்ளி, குதித்தார்கள்;
படகு Codzilla என்று பெயர் பெற்றது சரியேதான்!

Godzilla வின் உடன் பிறப்புப் போல, அந்தப் படகு
Codzilla விலும் பயங்கரப் பற்கள் வரைந்துள்ளார்!

வீட்டில் அந்த வீடியோ பார்த்த பின்னரே, புரிந்தது
சீட்டில் அமர்ந்தவருக்கு ஏன் சட்டை இல்லை என!

அது ஒரு விரைவுப் படகு; நீரில் வேகம் எடுத்தால்,
அது கடல் நீரை வாரியிறைக்கும், பயணிகள் மேல்!

எங்கள் படகு ஒரு சுற்று முடித்து வந்து, கரை சேர,
தங்கள் பயணம் பற்றிக் கதைத்தபடி, ஜனம் இறங்க,

நாங்கள் ஏறி நல்ல இடம் பிடித்தோம்; காமராவை
நாங்கள் தயாராக எடுத்து வைத்துக் கொண்டோம்!

படகு ஓட்டி, தனது கதை சொல்லும் திறமையுடன்,
படகு ஓட்டும் திறமையும், சிறப்பாய்க் காட்டினார்!

அத்தனை பெரும் ஆர்வம் பொங்கும் விழிகளோடு,
எத்தனை whale கள் வருமோ என எதிர்பார்த்தோம்!

:target: தொடரும் ........................

 

[Raji Ram]

குழந்தைகள் குதூகலிக்கும் வண்ணம் சுழலும்,
குடை ராட்டினம் .......................

Codzilla விலும் பயங்கரப் பற்கள் வரைந்துள்ளார்...

 

[Raji Ram]

வீட்டில் அந்த வீடியோ பார்த்த பின்னரே, புரிந்தது
சீட்டில் அமர்ந்தவருக்கு ஏன் சட்டை இல்லை என...

Codzilla Speedboat Tours in Boston - YouTube

 

[Raji Ram]

கடல் கடந்த மூன்றாம் அனுபவம் ..... 63

உலகம் உருண்டை என்று நிரூபிக்கும் வகையில்,
படகும் கொஞ்ச தூரம் போனதும், முழுமையாகத்

தெரிந்த, பாஸ்டனின் உயர்ந்த பல கட்டிடங்களில்,
தெரிந்தன அவற்றின் உச்சிப் பகுதிகள் மட்டும்தான்!

படகு செல்லும்போது தெறித்த நீர்த் திவலைகளில்,
அழகு வடிவமாக, வானவில் வண்ணங்கள் தெரிய,

குளிர்ந்து வீசும் காற்றைக் கிழித்துக்கொண்டு, படகு
விரைந்து செல்ல, கடல் நீர், நீண்ட நுரையைத் தள்ள,

பல மைல் சென்றதும், தூரத்தில் கண்களில் பட்டன,
சில குட்டி நீரூற்றுகள், Whale களின் தலையிலிருந்து!

அனைவரும் கரகோஷித்து மகிழ, தத்தம் காமராவை,
அனைவரும் தயார் நிலையிலே வைத்துக்கொள்ள,

வழிகாட்டி, மகிழ்ச்சியுடன் விவரங்கள் சொல்லிவர,
விழிகளில் தெரிந்தன கரிய, பெரிய திமிங்கலங்கள்!

ஆரவாரத்துடன் எங்கள் காமராவைச் சுட்டுத் தள்ள,
ஆனந்தமாக அவை எங்கள் படகைச் சுற்றி நீந்திவர,

ஒரு பச்சை வட்டம், நீரின் மேல்பரப்பில் தெரிந்ததும்,
ஒரு திமிங்கலம் மேலே வந்து தரிசனம் தர, நாங்கள்

அறிந்தோம், எப்போது சரியான படம் எடுக்கலாமென;
அரிய பல காட்சிகளும், காமராவிலே சிறைப்பட்டன!

சென்ற முறை, Whale கள் அருகில் பறவைகள் இல்லை;
இந்த முறை பறவைகளுக்கு, உடன் பறப்பதே வேலை!

இரண்டு, மூன்று என செட் சேர்த்துக்கொண்டு, சேர்ந்து,
சிறந்த நீச்சல் வீரர் போல Synchronized swimming செய்து,

எம் அனைவருக்கும் விளையாட்டுக் காட்டி, சுழன்றன;
எம் அனைவரையும் மகிழ்ச்சி வெள்ளத்தில் ஆழ்த்தின!

:dance: :dance: தொடரும் .......................

 

[Raji Ram]

குளிர்ந்து வீசும் காற்றைக் கிழித்துக்கொண்டு, படகு
விரைந்து செல்ல, கடல் நீர், நீண்ட நுரையைத் தள்ள...

கரிய, பெரிய திமிங்கலங்கள்...

 

[Raji Ram]

ஒரு பச்சை வட்டம், நீரின் மேல்பரப்பில் தெரிந்ததும்,
ஒரு திமிங்கலம் மேலே வந்து தரிசனம் தர...

இரண்டு, மூன்று என செட் சேர்த்துக்கொண்டு, சேர்ந்து,
சிறந்த நீச்சல் வீரர் போல Synchronized swimming செய்து...

 

[Raji Ram]

Short videos shot during our whale watch tour...

Whale watch - Boston - 2011 - YouTube

Boston Whale watch 2011 - YouTube

 

[Raji Ram]

கடல் கடந்த மூன்றாம் அனுபவம் ..... 64

பற்பல சாகசங்கள் செய்தபடி, திமிங்கலங்கள் சுற்ற,
பற்பல போட்டோக்களும், வீடியோக்களும் எடுத்து,

எல்லோரும் சுறுசுறுப்பாகப் படகைச் சுற்றி வந்திட,
எல்லோரின் முகமும் மலர்ந்து, சந்தோஷம் காட்டிட,

நண்பர்களைப் போல, வாலால் திமிங்கலங்கள் பல,
நட்புடன் 'டாடா' காட்ட, படகு தன் திசை திருப்பியது!

போகும்போது சென்ற வேகத்தைவிட, கரை நோக்கி
வரும்போது, வேகம் அதிகம் பிடிக்க, பலரின் Coat கள்

காற்றில் படபடக்க, குளிர் அதிகமாகி உடல் நடுங்க,
காற்றின் வேகத்தில், குட்டிக் காமராக்களும் பறக்க,

என்றாலும் போட்டோ எடுக்க மனம் விழைய, நான்
சென்றேன் படகின் பின் பகுதிக்கு, ஆவல் மேலிட.

தூரத்தில் தெரிந்தன வேறு சில படகுகள்; இத்தனை
தூரம் வந்துள்ளன, எங்களைப்போல whales காண!

வரும் வழியில், தெளிந்த வானத்தில், மேலே பறந்தன,
பெரும் ஓசை எழுப்பியபடி, ஆகாய விமானங்கள். ஒரு

நிமிடத்தில் இரண்டு, மூன்று என மேலெழுந்தன; சில
நிமிடங்களில், கண்களை விட்டு மறைந்தன. மீண்டும்

பெரிய கப்பல்கள் இரண்டு செல்ல, அவற்றைப் பார்த்து,
அரிய Titanic கப்பல் மனதிலே நிழலாடியது, அப்போது!

எட்டினோம் கரையை; ரயிலில் ஏற நடக்கும்போது, ஒரு
கட்டிடத்தின் உச்சியில், 'வெட்டுக்கிளி'யின் உருவத்தை

திசை காட்டியுடன் இணைத்ததைக் கண்டு, படமெடுத்து,
இதை, போகும்போது பார்க்கவில்லை என்றும் எண்ணி,

நிறைவான நல்ல அனுபவம் அமைந்ததற்கு, மகிழ்ந்து,
இறைவனை எண்ணியபடி, இனிய இல்லம் சேர்ந்தோம்!

:dance: . தொடரும் ....................

 

[Raji Ram]

தூரத்தில் தெரிந்தன வேறு சில படகுகள்; இத்தனை
தூரம் வந்துள்ளன, எங்களைப்போல whales காண!

வரும் வழியில், தெளிந்த வானத்தில், மேலே பறந்தன,
பெரும் ஓசை எழுப்பியபடி, ஆகாய விமானங்கள்.....